晚晚教小朋友做功課。。。

伸手媽媽

我要返工，有時7，8點先返到去，小朋友今年升小五啲功課開始多。

晚晚食完飯10點先開始：「媽媽媽媽呢題唔識，個題唔識。」

呢一兩日都要搞到11、12點。

完全無時間做自己嘢

伸手媽媽

老師又係誇，穿少少又話唔啱，搞到小朋友返嚟又話番我，唉

bananaGi

伸手媽媽 發表於 21-9-8 00:43
我要返工，有時7，8點先返到去，小朋友今年升小五啲功課開始多。

晚晚食完飯10點先開始：「媽媽媽媽呢題唔 ...

咁快多功課?

Yanamami

係個小朋友唔識自動自覺做，要人陪做啫。老師要求，P5應該自己識摸清，仲賴番阿媽，表示太依賴，唔當讀書係自己責任。

sweetapplebb

我女6年級一樣，真係我急，佢唔急，搞到11點有時12點先瞓

伸手媽媽

bananaGi 發表於 21-9-8 10:03
咁快多功課?

開始有6，7樣啦每日，加上話就話返半日，其實放學仲要上網課

搞下搞下都4，5點

伸手媽媽

Yanamami 發表於 21-9-8 12:04
係個小朋友唔識自動自覺做，要人陪做啫。老師要求，P5應該自己識摸清，仲賴番阿媽，表示太依賴，唔當讀書係 ...

都係。。。
都諗緊有冇方法幫佢建立主動啲學習

但有時狠心唔教佢，想佢自己諗，佢又真係完全唔識咁

伸手媽媽

sweetapplebb 發表於 21-9-8 18:57
我女6年級一樣，真係我急，佢唔急，搞到11點有時12點先瞓

6年級啲野又難左，小朋友青春期又反叛，又呈分試

ipki

所以細個就要捉有D學校小一小二就已經捉D字好緊....
ANYWAY,不如你找個功課班參加下
放學就去,返到屋企就做好哂D功課,唔駛煩

laigillian

一係搵功課輔導班，一係搵上門私人補習

fufu17

可以要求小朋友中午時用WhatsApp 或zoom chat sends手冊/ 功課比你先睇。務求在大人放工前清左d功課。或借工人電話send

964000

ar_mak 發表於 21-9-10 11:59
我自己細個都係有功課問題，學校除左中英多抄寫，就連數學都需要你不停去將同一類題形做幾百次，＜志堅出版 ...

哈哈，如何用最慳水慳力的方法攪掂功課，的確係高小時一大學問
例如讀書報告，不用睇本書的，只抄序抄封底抄目錄作番出嚟。MCQ亂填，之後扮改卷改番啱（因為老師對答案自己改），好多招數
當你冇野依賴，就會稔到生存辦法，不過我當然不會咁教小朋友

Jean1769

伸手媽媽 發表於 21-9-10 00:41
都係。。。
都諗緊有冇方法幫佢建立主動啲學習

呢樣野應該由細培養，我小朋友幼稚園時我已要佢自己做功課同檢查埋，等媽媽放工回來檢查，有唔識就先漏空。現在升小已不用點勞氣

elsa007

回覆 Jean1769 的帖子

我女都係咁，幼稚園就要自己做功課，甚至乎我唔會幫佢檢查，偶爾先會叫佢攞俾我睇。現在啱啱小一開學，佢基本上都係自己負責，不過我就會幫佢睇下有無做錯。

qpalzm

964000 發表於 21-9-10 21:16
哈哈，如何用最慳水慳力的方法攪掂功課，的確係高小時一大學問
例如讀書報告，不用睇本書的，只抄 ...

咁似我細個果時....
我個時D學能測驗練習係交比老師之前同隔離位掉轉改。我方法係先befriend隔離位，之後MＣ亂填，掉轉改個時叫隔離位比我改返幾題交功課

964000

qpalzm 發表於 21-9-11 23:58
咁似我細個果時....
我個時D學能測驗練習係交比老師之前同隔離位掉轉改。我方法係先befriend隔離位，之後M ...

我仲有一招，將支紅色班馬牌色原子筆偷偷換了藍色筆芯，一路扮改一路做。
我想講以前D小朋友冇得依賴冇補習，點都死掂份功課，起碼會自己稔方法但而家讀書做功課變哂家長責任咁。

qpalzm

964000 發表於 21-9-12 03:57
我仲有一招，將支紅色班馬牌色原子筆偷偷換了藍色筆芯，一路扮改一路做。
我想講以前D小朋友冇得依 ...

我以前上堂個時好忙, 忙在抄功課等下一堂有得交, 我仲會問唔同同學借幾本, 呢度抄D, 個度抄D, 特登做錯幾題等老師無咁易發現…
希望我D細路唔好學我

warpaper

回覆 伸手媽媽 的帖子

我小朋友由小二已經係咁, 我兩夫妻都要返工, 放工返黎食埋飯8,9點開始同啲細路睇功課, 快則半小時,慢則個半小時. 去年小三開始比小朋友去功課輔導班. 希望可以幫小朋友對好功課和改正. 不過效果未如理想, 比補習老師睇完好似無睇過咁, 最後係要我自己跟返.  唔知係咪我唔好彩, 搵果間補習社啲老師, 同小朋友對功課唔係太上心, 我覺得係是旦見到佢有做就算, 無用心睇過有無做錯的. 因為唔想小朋友係補習社太耐, 所以我會叫小朋友做哂啲功課先上去, 只係補個半鐘. 暫時屋企附近只係搵到佢唯一一間有個半鐘的功課輔導班, 其它全都兩個半鐘起跳. 所以暫時唯有忍耐住, 自己跟緊啲.