冇時間觀念、冇責任感上門鋼琴Miss 油塘

Akinaju

話說細女突然想學鋼琴，經大女小提琴阿Sir介紹一位Miss，基本上佢講幾多錢我都唔反對，重點係時間安排好就得啦，結果佢問我星期六12點左右得唔得，我話OK，轉頭佢又話八月暑假太忙可否星期一早上10:30 ，我見仲有兩個星期所以就冇所謂啦，當第二個星期一嘅時候佢竟然唔見人，直至我個細女打電話俾佢，佢先話忘記時間，我細女打俾我嘅時候，我正想話咁唔得喎點可以咁冇時間觀念又咁冇責任感㗎，但係我個女話冇所謂啦會所話琴室可以改時間，我今日又冇咩行程所以冇所謂啦，咁我就算啦。結果直至尋晚已經係九月，我突然間諗起就WhatsApp Miss問佢今日係咪要上堂，佢話係，中午13:00點學到13:45，我即刻就覺得好奇怪，咁明明講好咗12點左右，而且你要改時間唔係早一晚就改呀，我都要有其他安排，大家做父母嘅都冇明白星期六日有幾咁緊張，而我就盡量安排星期六下午開始到星期日都係學生活動時間，唔想佢哋再去學嘢，雖然我真係好唔開心，但係為免引起不必要嘅煩惱，話晒個女都係佢手上學嘢，真係唔想交惡，咁我都好忍氣吞聲用語音同佢講可唔可以安排嗰啲時間，結果佢話俾我聽佢教咗十幾年都係一個好多學生嘅老師，一日教12至到13個鐘，所以真係好容易會忘記時間，咁我用一個好溫和嘅語調同佢講既然你咁好生意咁時間管理應該好好呀，我真係好溫柔好溫柔咁講嘢，結果我同我細女商量之後，我直接打電話同佢講大家都需要時間磨合，當俾機會大家再去試吓，點知第二日一早我就收到個訊息，佢嘅內容係：唔好意思 吳太我同屋企人商量過
由於身體狀況問題
以及恐怕往後都會有機會犯錯
我都係抽唔到空教小女
亦都由於之前嘅事
再同你講聲唔好意思🙏🏻
為表誠意
我退返之前上過嘅兩堂學費俾你
謝謝體諒🙏🏻
但係同一時間佢又發訊息俾我個女，佢同個女講佢記性唔好將成日犯錯，尋晚先俾你阿媽鬧咗一餐，所以我都係唔教你啦，有緣再見。
以上我真係覺得好有問題，作為一個老師，唔係淨係教小朋友學術或者技巧，老師咁應該以身作則，一個咁唔負責任咁冇時間觀念嘅人，我都唔會將個女交俾佢，我相信每一個阿媽唔會用錢去衡量一個老師，我要嘅係一個公道一個道理，唔係退返錢俾我就得，我唔會要呢啲錢，因為佢真係教過我個女兩堂，唔係我覺得呢個老師真係好過分喎，首先我嘅12點左右概念係11:45至到12:15 ，而佢同我講大家對時間概念唔一樣，佢嘅12:00左右係11：00至到13:00，第二就係我真係唔明喺我面前誠心道歉，轉個頭喺我個女面前話我，我相信呢樣嘢好多媽媽都唔接受啦，如果我真係做過冇所謂，我已經保留晒所有錄音同埋文字，我真係睇唔到或者聽唔到我邊一句係鬧佢或者大聲左啊。本來我真係唔想放上網，佢今朝道歉之後我都冇回應，但係我睇完佢send俾我個女嘅WhatsApp真係覺得應該俾人睇吓到底邊個有問題囉。
真係港女到一個點，如果你約個女仔佢話俾你聽12點左右，你來接我啦，結果女仔1點先落嚟，你會點諗呀？

woodenmusic

老師都退番兩堂學費，已經無乜需要爭論。而12點左右，一日未confirm我都覺得係11-1點喎，但confirm左上堂既話就係11:45-12:15，只要老師前後三個字嚟到都可以。
約時間方便，學生都有責任confirm老師，上堂係學生責任，我仔上堂都係我confirm老師，提醒老師。

CM.MUN

Akinaju 發表於 21-9-4 20:39
話說細女突然想學鋼琴，經大女小提琴阿Sir介紹一位Miss，基本上佢講幾多錢我都唔反對，重點係時間安排好就 ...

唔好玩啦，教咗十幾年，好多學生所以忘記，如果真係咁多學生，係一個接一個，遲十分八分鐘係正常，真正嘅老師係唔會，大師級老師更加唔會，如果記性唔好點學音樂，一首曲咁多音符，個老師有冇演奏級文憑，有冇參加過公開賽、國際賽等等，難道唔知時間嘅重要，整個演奏，每首曲都要係時間內完成，呢啲都係教學一部份，所以呀，快啲換咗個老師

964000

Akinaju 發表於 21-9-4 20:39
話說細女突然想學鋼琴，經大女小提琴阿Sir介紹一位Miss，基本上佢講幾多錢我都唔反對，重點係時間安排好就 ...

可能呢個老師嘅風格係咁，唔夾咪換過一個。

「由於身體狀況問題
以及恐怕往後都會有機會犯錯」
我估佢有啲ADHD感覺上佢自己都控制唔到

miss321

本帖最後由 miss321 於 21-9-7 01:24 編輯

我都覺佢已退2堂錢俾你，無謂攪大件事。老師忘記時間，是有唔岩。第二個月，雙方可能都未確實時間，你問她，她回覆1:00。你唔接受，又覺得佢又改你時間。其實兩邊都需要溝通。

「既然你咁好生意咁時間管理應該好好呀」
呢句野聽落有骨，即使你用溫和tone, 我聽到都feel 到你唔妥我，大家無謂合作落去。

你個老師係上門？上門難控制時間，中間地方改左，travelling time 唔同時間上已有出入。

cola520

Akinaju 發表於 21-9-4 20:39
話說細女突然想學鋼琴，經大女小提琴阿Sir介紹一位Miss，基本上佢講幾多錢我都唔反對，重點係時間安排好就 ...

佢退返兩堂錢就算數，搵過個老師