救恩小學

BaBaSo

路過見到有人提起為何無乜救恩家長留言呢，我都諗左一陣。所以出呢個post 都想留言比有意報救恩既爸媽參考下較近既情況，希望幫到手。


我仔讀二年班阿女讀四年班，自覺非常滿意。
救恩係間好講求教育理念既學校，爸媽都要落d力，如爸媽要以學校出路為目的就好難選到佢，因為理念上已有差距，讀到日後都可能左彈右彈就無謂。但事實上我聽到除了有d升讀國際學校外，都有好多自己都揾到好既學校，因為佢地表現唔差。曾有人講過，你人係得既去邊間都收你，我覺得好有道理。
我喜歡救恩在於佢教做人，懂珍惜懂分享懂憐憫，正面學習，學習較活有自主思想發揮空間，老師會比學生發揮及聽佢地意見互相協作，仔女都笑多過喊，返而阿女對自己有要求，作文有時想作得好d, 諗唔到就會喊，無人迫過佢，係佢自己要求自己。
想講既係救恩比到方法d小朋友有動力去學習，唔係迫，有d功課係幾有趣既。讀書風氣亦好好，兩個都係成日睇書，坐係廁所都睇好耐。阿仔已經係坐唔定個隻，可能有d閱讀阻礙Tim, 但一升二年級開始自動波左讀書，想自己睇書，唔識都願意問我點讀。
語言亦教得好好，好有心，英文老師自制各類型既短文連我都有興趣同仔女一切睇。自問我同老婆英文都唔係叻，絕對港人普通英文，但阿女講得有外國native口音之餘，用字豐富唔簡單，絕對同學校有關。
每個老師都好有愛心，三年班下學期先開始有考試，咁樣返而仔女頭兩年可專心學習。老師會因才施教，如英文為例，頭一兩年會分兩至三組按大家唔同level去教，等同學學得其所。
Academic上救恩唔係最top, 但語言及思考自理一d都唔會比下去。係小學階段，我覺得品德及語言基礎係最主要既，而呢樣救恩絕對滿足到，所以好滿意。
我原則上覺得『學在當下』重要過為左升到某間中學而去揀一間唔知岩唔岩小朋友既學校而看輕其實學習及學做人最重要個六年。


還有，大家可能問新校長得唔得，我暫時可以講既係現任校長可以延續到陳校長既理念，感覺正面，不錯，應可放心交仔女比呢間學校。


（純個人見解，如不合心意，請多多包容，純粹想比有心報讀既人參考下）

joyce2015

謝謝分享。每個家庭有唔同考慮，所以要看看選的小學是否符合自家的條件。
聽過新校長這兩年簡介會，也看過“校長來信“，也聽過在讀家長comment, 完全正面！

KumamonJ

請問 除了小英文堂，其他堂都是中文教授？

zaba

BaBaSo 發表於 21-9-4 00:08
路過見到有人提起為何無乜救恩家長留言呢，我都諗左一陣。所以出呢個post 都想留言比有意報救恩既爸媽參考 ...

想問下學校宗教氣氛會唔會好濃? 有宗教我覺得OK, 但希望唔好每日每刻都喺度傳福音.

BaBaSo

zaba 發表於 21-9-6 11:36
想問下學校宗教氣氛會唔會好濃? 有宗教我覺得OK, 但希望唔好每日每刻都喺度傳福音. ...

救恩係基督教，實不相瞞，氣氛係超濃。但感覺舒服，平和有愛心，幾團結，絕無迫妳參加乜參加乜。學生純品，無論學生老師，都無明爭暗鬥之類既野（最少幸好，我仔女由幼稚園讀上黎都未遇過）,  老師與家長交談都係出於教育，有教無類. 反而，有樣想提下既係，佢每年都有家長班（可自行比少少錢選擇參加），我覺得幾有用，尤其是頭一，兩年，有時因為學校既人緣關係，周不時請到d專業人士返黎講talk, 幾得有啟發性。

BaBaSo

KumamonJ 發表於 21-9-6 09:01
請問 除了小英文堂，其他堂都是中文教授？

小一至小三中文都係普通話教，我女今年小四，老師話小四中文開始難d, 所以會用番廣東教。除英文外，其他都係廣東話教。

jenhut

謝謝你的分享呀, 請問你知道校車路線覆蓋範圍嗎?

BaBaSo

回覆 jenhut 的帖子

校車都有成十幾條線架，你係邊區？可以幫你睇下。但其實每年都會review睇人數，如少人有d線就有機會重整。但其實有好幾條線都唔會點變。

jenhut

回覆 BaBaSo 的帖子

荃灣呀...但其實都要收我小朋友先

BaBaSo

jenhut 發表於 21-9-9 12:51
回覆 BaBaSo 的帖子

荃灣呀...但其實都要收我小朋友先

青衣，荔枝角，奧海城，將軍澳上年都好似有，而九龍新界其他區包括荃灣都話要夠十個人先考慮增加，最後唔知有無，但都危，今年夠，下年唔夠都唔知點算。

jenhut

回覆 BaBaSo 的帖子

咁真係要諗清楚先得，多謝你資訊呀，感謝感謝！

yoyo48p

BaBaSo 發表於 21-9-4 00:08
路過見到有人提起為何無乜救恩家長留言呢，我都諗左一陣。所以出呢個post 都想留言比有意報救恩既爸媽參考 ...

請問學費以外，每年雜費大概多少？
學校幾年級開始用ipad?

babyscn1

樓主你好啊，想請教救恩有幾多位收街外生？

BaBaSo

babyscn1 發表於 21-9-13 20:48
樓主你好啊，想請教救恩有幾多位收街外生？

呢個我真係唔太記得，我仔個年好似救幼上/下午班加埋只收番30個左右, 轉左校長後就唔清楚，估計應該會收番多少少，其實最緊要係同一理諗，面試就睇緣份，o岩就試下無防。

Luikm

謝謝分享！請問面試形式會係點？

BaBaSo

yoyo48p 發表於 21-9-13 18:55
本帖最後由 yoyo48p 於 21-9-13 22:35 編輯

請問學費以外，每年雜費大概多少？

講笑既話就係一年級開始用ipad 因為疫情要用zoom上堂，Haha~   一至三年班有時上堂都需要用到ipad（學校提供），用黎錄下自己普通話upload平台咁，等小朋友知道自己講成點，但一d都唔算多，都未使自己帶反學。到四年級就要帶自己既返學，學校可幫手購買。
開學時會有一筆過三千幾既雜費，之後整年濕濕碎碎都要再交2千幾左右，如參加課外活動每個千幾半個學期到，有d如學樂器就貴d  3千幾都有，但教既都係校外專業人士, 如果住得近就可以慳返唔使出去學參加學校既都ok.

wwsbb

yoyo48p 發表於 21-9-13 18:55
本帖最後由 yoyo48p 於 21-9-13 22:35 編輯

請問學費以外，每年雜費大概多少？

四年級開始學校會要求帶iPad 返學用

雜費如樓上所講差不多

wwsbb

BaBaSo 發表於 21-9-14 23:54
講笑既話就係一年級開始用ipad 因為疫情要用zoom上堂，Haha~   一至三年班有時上堂都需要用到ipad（學校提 ...

基本上救恩嘅生活係好自由，學校會話俾你聽有乜嘢活動可以參加，但係唔會逼你去。

我最欣賞係低年級時嘅reading program, 因為功課少，係俾咗好多空間學生去睇書，而學校選嘅書大部份都係非常優質嘅童書,咁個環境之下，真係培養到學生嘅閱讀興趣。

wwsbb

BaBaSo 發表於 21-9-4 00:08
路過見到有人提起為何無乜救恩家長留言呢，我都諗左一陣。所以出呢個post 都想留言比有意報救恩既爸媽參考 ...

非常之同意家長要認同學校理念係好重要。

曾經有遇過啲嫌三嫌四嘅家長，嫌學校嘅樂團教得唔夠好， 比賽唔夠多，功課唔夠多，其實佢哋入嚟係為咗乜呢？最終呢一類型嘅家長既仔女都係會中途轉校走。

BaBaSo

Luikm 發表於 21-9-14 23:53
謝謝分享！請問面試形式會係點？

面試一日攪哂，問返阿女個年係先到一個班房做d 野，再去另一個班房又做d野，跟就去揾校長，校長觀察下問下d  日常生活野。家長全程不用參與，亦唔會再有其他面試，一次過。不過新校長就唔知點安排，有無改變了。