面試班的感受

jazzcf

回覆 aiko_0428 的帖子

面試班所教授的知識, 有機會是小一小二的課程內容, 升K3的小朋友不懂, 就被批評為沒有常識/common sense...

在經歷完所有小一面試後, 發覺大部分的面試班課程內容是不需要的, 所以也不需太介意面試班老師的 comments 啊!

aiko_0428

回覆 TY168 的帖子

無錯，到頭來自信心無左，仲要浪費金錢時間，分分鐘影響埋親子關係

TY168

aiko_0428 發表於 21-8-24 11:51
回覆 HK-CR7 的帖子

其實我簡個間已經係比一般出面開心架啦，初初覺得都幾好，堂堂都開心，但一到模擬面試 ...

我小朋友都係比較坐唔定，所以唯有隨緣

aiko_0428

回覆 jazzcf 的帖子

無錯，老師就話佢常識唔係咁好，我唔明佢點定義，成日拋d問題比我叫我教佢，又叫我教佢講故事，大佬呀，我識教就唔洗上堂，我自己返學教佢啦🥲

WongSiuYee

bbellchung 發表於 21-8-23 18:25
本帖最後由 bbellchung 於 21-8-23 18:26 編輯

唔講差啲，點嚇到你怕繼續課金。萬一考唔上，佢又可戴定 ...

AGREE, 好多朋友既小朋友 K2~K3 已經外補好多學術加興趣, 如升 P1 也要上面試班, 家長同小朋友都會好大好大壓力
個人認為 K3 升P1 打好學術基礎是必然,  應對禮貌跟日常生活便可以了 ~ 隨緣.
要上面試班 都等到 P6 升 S1 啦.  

rsx

aiko_0428 發表於 21-8-24 11:58
回覆 jazzcf 的帖子

無錯，老師就話佢常識唔係咁好，我唔明佢點定義，成日拋d問題比我叫我教佢，又叫我教 ...

其實面試班又點可能教曬面試所有野丫, 老師幾時都會拋返個波比你架喎, 一個星期老師見佢幾耐你又見佢幾耐?
可惜太多人見到有成功例子就去報, 以為可以令小朋友脫胎換骨, 但其實面試班極其量可以教到小朋友一般禮儀, 技巧, 同埋佢地比較知道行情貼市(主要問題類別),
加上最後老師既評語(找出問題當然係負面的吧!), 積極點對症下藥, 才是上面試班的真正目的, 加油吧!!!!

ipki

補習/面試班
點都要自已返去跟,佢只係幫你找出問題所在
你要對症下藥
記得唔好把所有責任推哂比老師
不 過你問我,我就覺得如其去面試班,不如睇下自已小朋友差D咩
去學習好過

反正大把人係無參加,但大把OFFER
總知記住,要跟進

yancb

我好明白樓主你的感受，我小朋友都上面試班一段時間，到左依家，莫講話小朋友頂唔順，我自己都頂唔順了，受制於課程時間問題一星期一堂每堂得一個鐘，老師真係唯有將個波拋番比我，面試班就變左測驗班咁，每次去測下小朋友何進度，然後咪又係靠家長去跟進，好GE老師會O係課後將每一項的表現詳細講，試過有差GE老師只係講我小朋友做得唔好的地方，聽左幾堂之後我開始懷疑佢係咪講緊白痴定廢柴…只有錯冇做對的? 再者就係，面試班成日考埋小朋友一D佢地呢個年紀冇可能識的知識，個範圍之大同深，當我終於教識佢呢樣，老師又開始話佢第樣差要我跟，好似永遠冇得停永遠冇盡頭咁.....得果幾歲人仔每日操練.......依家臨要面試了，我都考慮緊唔想再上面試班了......同路人 加油!

kpc2015

面試班唯一作用是比機會小朋友知道什麼是面試. 上得多我覺得是浪費金錢及時間. 其實面試都是睇小朋友的日常. 為何要比錢同一大班等老師輪流教, 唔自己教或比小朋友玩中學習. 如果小朋友性格未定未READY, 面試班不會幫到你, 老師只會比壓力要求家長處理好! 更加不要以為某面試班有同學入到名校, 就以為自己有份. 最後絕對可能是美麗的誤會!

yeeling0101

我自己係buy面試班，但我認同一星期一日一小時，唔好淨係靠佢，所以我定位面試班老師要做到教練，第一教到小朋友熟悉面試題目，第二揾到小朋友有咩強弱，第三小朋友有弱嘅部分，教我係屋企點跟，暫時我個位做到

yeeling0101

回覆 aiko_0428 的帖子

咁你有無問返老師可以點係屋企教？好似常識，話佢弱，咁即係佢有範圍問小朋友，咁你有無問返錯邊到，或者屋企有咩範圍可以温？
如果老師咁都唔答，就真係hea你，唔值得再上了

aiko_0428

回覆 yeeling0101 的帖子

其實常識好廣泛，有好多野都可以學，正如解難能力都有幾百樣要解，唔通就要識晒就100就叫做達標？我就算學晒就100樣常識，佢又話你科學弱，普通話，英文，中文，等等，我已經比佢上英文堂1-5，佢都話佢英文麻麻，又或者可以講，我仔未能達到考神校既標準，我知叻既人大有人在，所以如果要同其他小朋友比較既話，我覺得呢個面試班我唔值得再上，因為我根本只係睇到小朋友既缺點，長期咁樣，唔好話小朋友無晒自信，就連我作媽咪本身好有動力，都唔想再努力

aiko_0428

回覆 yeeling0101 的帖子

我小朋友弱既點就係坐唔定，佢要我每日訓練佢有耐性咁坐得定，我覺得好似訓練緊狗咁，要佢坐就坐要佢企就企，我自問唔係怪獸家長，想入一間活動教學既直資，因小朋友好動，但係面試班要求佢坐定定，咁同我最初期望佢入間活動教學既學校背道而馳，我覺得每個小朋友都有唔同既性格，但面試要求只有一種，坐定定你就達到佢要求

aiko_0428

回覆 yeeling0101 的帖子

再者，佢越上越差，作為家長，我就點努力都無用，因為佢要佢坐定，我點訓練呢？我每日都同佢學晒中英數，我既時間就係比晒佢，我再努力換來佢既評語，我個刻覺得我同小朋友既努力都無人睇到，只係只有負評，每一堂聽完佢評語就心情勁差，所以我只好選擇唔再上，再上影響我情緒

lambeanmama

身為過來人，我覺得面試班的作用是：
1. 俾小朋友大概知甚麼是面試；對慢熱內向小朋友尤其重要。當然有好多人覺得「安排多幾次面試warm up都可以」；但我家犬兒是不行。不想嚇怕佢。所以寧願俾錢「買經驗值」。
2. 俾家長大概知道坊間水平及程度。不是考不考神校的問題。旨在神校的一樣去考二三四五六七線直私。自己知道一個大概。不存在過份期望；做好期望管理是有幫助父母在考小期的情緒的（子女資質特優類不在此限）
3. 了解小朋友強弱項。同意面試班老師較mean 較harsh 較demanding; 唔講得誇張點叫家長繼續俾錢呢。但正常來說，再誇大，也未至於無中生有。多聽意見，有則改之，無則加勉。做家長要學識自己判斷需要。難道佢叫你教小朋友時事，要了解阿富汗局勢你又去教咩？！不要高估或低估自己小朋友，聽取意見。最後做定唔做都係睇家長自己。

面試才開始，不要給自己太大壓力。我絕對認同的是家長才是最重要的面試班老師。面試班本身，是一個「安心錢」。

加油。祝考小順利。

lambeanmama

aiko_0428 發表於 21-8-24 18:27
回覆 yeeling0101 的帖子

我小朋友弱既點就係坐唔定，佢要我每日訓練佢有耐性咁坐得定，我覺得好似訓練緊 ...

家長，你要了解殘酷現實的真相是再活動教學的直私，都係想收一批能做到收放自如，該活時活，要靜時靜的小朋友。活動教學，是以不同形式去學習，不是為收活潑好動小孩而設。

讓孩子明白在適當的時候做適當的事；是考小第一要點。

yeeling0101

回覆 aiko_0428 的帖子

明白了，你以往面試班老師風格係只有彈無讚對吧？確係唔好受，搞到大家都有壓力。所以有機會再上的話，揾一個會讚會彈亦教你點執的吧。
感謝你令我有反思，我上緊呢位老師成日都讚完一大輪先講有乜要改，可以點改，有時我諗會唔會讚賞嘅部分無乜用，依加我明白，其實小一面試係長跑，確係要有讚賞去幫小朋友同家長有力跑落去。
希望大家順利

yeeling0101

回覆 lambeanmama 的帖子

認同。講到再活動，都係要坐定上堂的。

Kumi33

面試班我上。只係比佢適應下面試模式。所以我我5月先上。。學術根本係家長教。。面試班只係比個大綱你家長曾經出過d乜。
到故事個part 我仔都弱，我都5g 點教好。因為我都5係講得好好。。老師不斷叫我要去train，話佢弱。日日都有故事時間，講下書ga故事，已經好誇張去表達。。到佢哋翻講就，唉。不過算la 我都無去train 講故事只係由細到大ga 親子活動。。
我有2個小朋友，哥哥有上面試班。得一間私立收。讀緊津校。
細佬今年都有上面試班。。結果5知。而家先開始in

yeeling0101

回覆 Kumi33 的帖子

先教連接詞，故事個大框通順流暢先，再深造教形容詞