王錦輝有咩好

Poyau

Sing13 發表於 21-8-8 10:28
請問3+在邊度睇到？

SPCS 2020年校務報告(p.35-38)
有各科5+/4+/3+%及考生人數

Ｍａｃｙ

回覆 poonseelai 的帖子

DBS、YW、PC….等，未見表中有，唔話店大不公開或暫時未公開盤數。  揀得大店，你揀佢，佢又揀你。 你揀佢一定睇成績？定有其他因素？ 大店最重要有佢傳統發展。 挑佢哋機，如蚍蜉撼樹。 WKF 一樣，你揀佢，佢又揀你，都有自己的辦學定位、受眾、現讀生和畢業生，有可見的成績，學校敎與學發展策略。 其實每年只收一百多人，都係想教好佢哋。 點解要同你係到泥漿摔角！

morningsun

schrodinger 發表於 21-8-7 10:55
其實不少一條龍直資都無你講既資訊, 如播道、福建、WKF只係中間, 當然部份較開放既有港同。

如無意外, 肯 ...

個別學生考得好唔可以代表整體成績，何況近9成學生考DSE，作爲家長都係想要多D 學校有關DSE的資訊，對於用家其實都有好處。不也越聽HKPAPA分享，越覺得學校公佈方式太多水份或模糊的地方，越來越冇頭緒。

kudon

見樓上有人留言 "真係當一條龍係派位學校咁處理, 但實情只有派位先分banding。" ，睇完真係唔明，點解級頭一要出去考“聖喇拔”? 唔通外面嘅學校唔睇學生係咩 banding就收生? 點解家長搵一條龍學校會問 banding? 又如果爭金奪銀係負面，咁學校又點解要分級一定二，呢個行為負唔負面? 公佈有幾多個學生拎5星星又係咪負面? 我覺得既然家長着重學校banding就最好睇清楚數據，透明度越高對家長嚟講就係最實在嘅資料，至於關愛、教學手法都係純粹唔同人嘅感受。

kudon

morningsun 發表於 21-8-8 16:22
個別學生考得好唔可以代表整體成績，何況近9成學生考DSE，作爲家長都係想要多D 學校有關DSE的資訊，對於用 ...

同意，睇一兩個學生成績叻唔等於有“一批學生”係叻，要睇整體之餘仲要數據清晰，對家長嚟講係最基本了解學校，數據唔清楚就真係唔好評定學校係band1定2，搞到選校嘅家長入完去先覺得唔妥就唔好啦！

kudon

schrodinger 發表於 21-8-8 17:52
支持你去搵學校banding及攻你認為學校banding高既學校, 我完全明白你地感受。

若唔係band 1學生根本就入唔 ...

可能你有少少誤會，我冇話要100％學生都係 band1水平嘅學校才是真 band1。一條龍學校S6嘅學生都唔係全部來自龍小一入學嘅學生，中間係不停換血，學校出一份含糊不清嘅數據，再加上用家讚到天上有地下無，已經好易令一部分家長誤以為學校真係 band1，唔通插班完入去，讀一兩年又轉校咩。暫時我都未遇到一個學生讀過三間小學/中學囉。況且插班入去都係成績好，龍校咪又係一樣諗辦法去吸納 band1學生。我唔認同嘅係數據都唔透明，但係用家就大大聲話學校係 b1。我想講嘅就係透明度越高，揀錯學校機會就越低。

kudon

kudon 發表於 21-8-8 19:09
可能你有少少誤會，我冇話要100％學生都係 band1水平嘅學校才是真 band1。一條龍學校S6嘅學生都唔係全部 ...

尤其是現在“移民潮”，唔加多d水份入去，點能夠令d叻仔叻女自動游埋去呢！

hkpapa852

現實係，無論你讀咩類型學校，傳統官津，新派直資，以至IS，如果目標係入大學（每論本地定海外），首要條件係考好各式公開試。

所以點解要成日講成績。不如直接問大學，唔睇成績收生得唔得呀？我個仔/女好叻嫁，係讀書差少少啫！俾次機會吖！

當然如果唔介意入唔到大學，或求其入到海外既「野雞」大學都OK既，當然完全唔駛睇成績啦！

hkpapa852

Ｍａｃｙ 發表於 21-8-8 15:21
回覆 poonseelai 的帖子

DBS、YW、PC….等，未見表中有，唔話店大不公開或暫時未公開盤數。  揀得大店，你 ...

新手家長，有心就花時間去研究下歷年既資料。

唔好亂咁拉人落水。

提提你，唔好未入學先興奮，否則日後可能更在失落。

Chankai

hkpapa852 發表於 21-8-8 19:30
現實係，無論你讀咩類型學校，傳統官津，新派直資，以至IS，如果目標係入大學（每論本地定海外），首要條件 ...

認同

triceramum

我相信有部分揀得新派直資嘅父母，都係當年讀書唔差，但出黎社會卻發現自己原來只懂讀書，什麼都不是；反之有些同事雖然band 5 或band 3畢業，卻憑住不錯嘅soft skill或毅力或抗逆能力又或應變能力，而係事業扶搖直上，結果就諗當年成續咁好，又點呀？
有咁嘅經歷，揀新派直資，都好正路，所以就無謂係到同人嘈啦，根本人人經歷唔同，雞同鴨講。

Hkpapa 以數據分析學校，新派直資會踩；不外如是嘅傳統名校亦會踩，所以我覺得佢都好持平架啦。反之有某些傳統名校die hard fans, 仔女讀得個兩間，但一見新派直資就踩，其實佢既非用家更非親身讀過，都唔知憑咩黎踩！？呢種人我最討厭。

hkpapa852

俾小學部學生低門檻直升中學部，要求佢成績好亮麗當然係奢求，但既然佢地俾得學術能力較遜色既學生直升，又有冇為佢安排合適既出路部署？

有教無類，亦要因材施教，呢D先係教育。

一條龍直資學校除咗不停開為尖子而設既GCE-IAL/IBDP，又為呢D學生做過D乜？有冇開APL，BTEC？

如果乜都無為能力較遜既學生做，只係一味吹噓尖子有幾叻有咩大學offer，難道就係正確既教育方式？

kudon

schrodinger 發表於 21-8-8 22:27
我個人唔知點定義WKF係咪band 1， 如我所講一條龍無收全band 1學生， 如何band 1? 但100%肯定佢學生入大學 ...

我講一條龍都有一直換血，你又將我對號入去 WKF同港同，而家香港只得兩間直資龍校嗎?


你想講 WKF既集中講 WKF咪得囉，突然又講播道有一個五科五星星就有一批叻學生，一個同一批係好唔同架。好容易令選校家長出現誤解。


入大學揀邊科讀就係要睇成績，仲要睇主科，家長睇中學 banding都係以大部分學生成績為主，你認為家長唔會想知多d學校成績資訊嗎?

musiclover1609

每所學校的課時都差不多，看學校怎樣運用。傳統學校要抓緊考試成績，不會做冒險的事，一定要在課程的內容與評核上有最大的主導權，教學上要做到精細，讓學生知道「標準」在哪裡，學生最好能自己處理好學業，不達標的學生慢慢會「知難而退」。直資學校要走全人教育的路線，為了培養學生的共通能力，多放些時間在探究式學習和互動式學習上，讓學生多自行搜集資料和匯報，教師對於課程內容與評核的主導權減弱，學生學習的廣度與深度，取決於他的資質、學習態度與家庭支援。如學生學習態度不積極，欠缺家庭支援，學習的成效便難免低下。所以在這些直資學校，隨著年級的上升，學生的水平差異往往越來越大。學校要維持學生的學習興趣，不把課程內容與評核的主導權抓得太緊，給空間學生探索，讓學生在「百花齊放」下仍能保持一定的成績，這實在不容易辦到。