迷思：編咗入中文班，請問係咪真係咁差，求賜教

daisycheung1222

個個都話唔讀英文班就冇用，可惜小朋友唔達標，係咪中文班就冇用呢？

KathyTung

daisycheung1222 發表於 21-7-22 17:19
個個都話唔讀英文班就冇用，可惜小朋友唔達標，係咪中文班就冇用呢？

睇個人適唔適合姐，唔可以就咁樣斷定唔讀英文班冇用囉我覺得

pooh仔

daisycheung1222 發表於 21-7-22 17:19
個個都話唔讀英文班就冇用，可惜小朋友唔達標，係咪中文班就冇用呢？

學校有冇升跌機制？
如中一考得好，可以轉入英文班（大前題英文科成績都唔可以太差）

Fivedragon

daisycheung1222 發表於 21-7-22 17:19
個個都話唔讀英文班就冇用，可惜小朋友唔達標，係咪中文班就冇用呢？

中文係比起英文班差，就努力去追上英文班，唔好諗其他野。

monkey妹

daisycheung1222 發表於 21-7-22 17:19
個個都話唔讀英文班就冇用，可惜小朋友唔達標，係咪中文班就冇用呢？

又唔可以咁講話小朋友冇用，正確係要睇小朋友適唔適合用英文教學，勉強用英文教學但小朋友完全聽唔明，咁盞浪費小朋友時間及打擊小朋友自信心，為小朋友着想，應該搵合適佢嘅就可以了，加油

KITTYCOW2009

我唔恨小朋友入英文班，因為適合最緊要，英文弱，勉強入到 冇幸福！

kirstyau

daisycheung1222 發表於 21-7-22 17:19
個個都話唔讀英文班就冇用，可惜小朋友唔達標，係咪中文班就冇用呢？

最近請左個理大護理系大學姐姐幫阿女補習

DSE成績:中文:5** 化學:5(中文卷) 生物:5*(中文卷)

中文中學都可以好好成績升讀大學呢！

sviolent

回覆 daisycheung1222 的帖子

有人適合用中文去學習， 有人適合用英文去學習，亦有人用中/ 英文學習成效也一様好， 你小朋友屬哪一類？

Yanamami

有用與無用已係米已成炊，都要面對現實。話無用，可以視為目標，努力考番入去，唔通自暴自棄咩？話唔係無用，都係要努力讀，係咪？况且語文要浸，唔係立時三刻可以突飛猛進，而學習時用自己有信心既語言，係會事半功倍。與其擔心，倒不如諗下點打好手上既牌？既然知自己英文弱，就算入中文班，亦可私下努力英文，提升自己能力。英文底子不足，入到英文班亦唔會讀得好。

Face3366

要奮起直追既話，首先要接受比別人差呢個事實。「唔夠人哋叻」有時候係反推力，會激發向上嘅決心。知恥，而后勇。

PuffyBobby

乜野班有乜野所謂, 中文英文法文日文班都係一樣之嘛, 最重要係你既仔女讀到書, 學到嘢!!  唔好聽啲人講乜乜班係好啲, 乜乜班係差啲, 你都咁諗就會令到仔女既自尊心受損, 更加無心機讀書

PingWu_FB

朋友阿仔讀中文中學
今年DSE考31分
中文有星星

41009022009

我唔係曬命。小朋友入左全英班。我哋一心諗住入中文班。知道分班結果。沒有開心只有擔心。

piglet0529

daisycheung1222 發表於 21-7-22 17:19
個個都話唔讀英文班就冇用，可惜小朋友唔達標，係咪中文班就冇用呢？

如果英文比中文好，試下開學再揾下直資轉？知道有的學生準備九月移民都照注册中學，所以開左學都唔代表冇轉校可能。

JojoDad

daisycheung1222 發表於 21-7-22 17:19
個個都話唔讀英文班就冇用，可惜小朋友唔達標，係咪中文班就冇用呢？

唔一定話差嘅，最好同學校了解下中文班會否有補底安排令英文提升。

chingcat

41009022009 發表於 21-7-24 18:29
我唔係曬命。小朋友入左全英班。我哋一心諗住入中文班。知道分班結果。沒有開心只有擔心。
...

打電話返學校要求轉去中文班

王家爸爸

daisycheung1222 發表於 21-7-22 17:19
個個都話唔讀英文班就冇用，可惜小朋友唔達標，係咪中文班就冇用呢？

語言只係學習既媒介，每個人既情況唔同。如果小朋友中文比英文好，而學校又中文班為主，咁讀英文班未必係好事。

PuffyBobby

回覆 41009022009 的帖子

我女有位舊同學就係咁, 本身讀中文小學, 上到中學被編入英文班但其實佢既英文麻麻地, 讀得幾吃力

bananaGi

piglet0529 發表於 21-7-26 09:33
如果英文比中文好，試下開學再揾下直資轉？知道有的學生準備九月移民都照注册中學，所以開左學都唔代表冇 ...

我都認為9月1日好多人會 no show....

我校有個同學已飛左, 但無退學, 仲照入下學年whatsapp group. 都唔知d人咩心態