請教大家：循道中學（油尖旺區）

conniewktang

mcl203 發表於 21-7-15 15:10
唔想收border line嘅B1，定border line嘅B2 ？～～～

估計B1尾b2頭，有時近b2派了b1。

mcl203

conniewktang 發表於 21-7-15 15:12
估計B1尾b2頭，有時近b2派了b1。

咁直情係唔想收自己學生啦～～～

see's

conniewktang 發表於 21-7-14 23:27
循中斷龍後，我覺得會慢慢恢復當年的佳績，以前試過一屆超多人入醫科，好似多個十個，現在全部都是醫生了 ...

平實而論，是否能恢復當年住績是需要配合天時地利人和，不過我也認為整體成績有上調的能力，但升幅不敢估算，因為油尖旺區人氣學校太多，而循中一向平實。

樓上講到這所學校很有愛心，或者我在這方面具體形容一下，因為在香港教育體內有很多老師還是對學生很有愛，不過師生是否夾或配合到就要睇緣份，而循中不只是個別老師有愛，而是辦學風格，或許這是因為辦學團體背景關係，因為與循中有密切關係的循道衛理有自己的青少年中心，背後有一班專門照顧青少年心智發展的幕後做支援，所以在青少年的成長課做得很到位。因為辦學團體背景，即使不會常常把宗教信仰掛在口邊，但日常內容仍是著重心靈成長的一所學校。

記得開學禮，學校用了一個日本人生馬拉松廣告去勉勵同學們：很多人認為人生是一場很長的馬拉松，要不斷努力向終點跑。這個比喻只說對了一半，對的是人生要不斷為自己目標努力，不正確的是人生並不是只有一個目標，而是大家不需要持著相同的目標成長，每一個人的能力、興趣是不同，這一個世界這麼精彩亦是因為有不同的人生活在一起，學校勉勵同學在中學階段努力發掘自己和發揮自己。而日常的成長課亦是配合這個方向啟發同學去追尋自己。（這一個短片對我也有很大啟發所以印象特別深刻，有興趣的可以到 YouTube 搜尋此片，輸入「日本馬拉松 廣告」就會搵到）

對成績好的同學，循中的施資及背後的支援是非常足夠，所以早一兩年除了有人入醫科，亦有人去劍橋或其他出名的海外學校留學。學校對其他成績的學生仍會悉心教導，我見有其他 post 申訴其他學校沒有開辦 APL，循中一直都有開辦此類課程，這正反映循中能廣闊照顧不同需要的學生，這就是學校有愛的地方，而不是單單指個別老師用心教學咁簡單。

mcl203

see's 發表於 21-7-15 15:18
平實而論，是否能恢復當年住績是需要配合天時地利人和，不過我也認為整體成績有上調的能力，但升幅不敢估 ...

但現實係已經做咗脫直既動作～～～

conniewktang

see's 發表於 21-7-15 15:18
平實而論，是否能恢復當年住績是需要配合天時地利人和，不過我也認為整體成績有上調的能力，但升幅不敢估 ...

循中學生都很純樸，畢業生做專業人士也不少，學生品行佳，師生關係又好，畢業生仍與老師保持聯絡，而且還很愛循道，可想而知，學校真心做教育，真的循循善誘。

see's

mcl203 發表於 21-7-15 15:21
但現實係已經做咗脫直既動作～～～

祝福每一位找到心目中的學校 ：）

mcl203

see's 發表於 21-7-15 15:44
我並不是學校的內部人員，我不清楚我估計的與學校真實的想法有沒有不同，我分享一下我的理解。

香港現時 ...

直屬，小學部嘅學生係叫所謂親生仔女，佢哋係由近乎由自己一手湊大至小六～～～

擇優而取係現實，脫直係完全辦學團體嘅行為，香港仲有好多間直小/中的，不少仍然係視為親生仔女，甚至全用/部份用自行位去接收呢班親生子女，當中更可能係B2生。當中仲有坊評B1A中學～～～

除非你認為佢哋小學部係出咗好多頂尖學生，脫直係因為讓一些B2/3生能夠入讀，大愛嘅決定～～～

mcl203

唔好搞錯現行教育政策，係唔標簽中學，即係中學唔分banding，令不同水平嘅學生有平等機會入讀，所以學生有banding而唔可以公開。不論你認為政策對與否，而唔係甚麼分流，只分英中 和 中中～～～

conniewktang

mcl203 發表於 21-7-15 16:00
唔好搞錯現行教育政策，係唔標簽中學，即係中學唔分banding，令不同水平嘅學生有平等機會入讀，所以學生有b ...

要明白，一間津貼英中要收一定％的b1生才叫英中，否則英中有中文班已變成近B2中學。循中是香港最後一間補助學校，之前一向收b1AB, 要它收b2生直上的循小生，絕對會影響成績，循中係唔會有b3。

conniewktang

mcl203 發表於 21-7-15 16:00
唔好搞錯現行教育政策，係唔標簽中學，即係中學唔分banding，令不同水平嘅學生有平等機會入讀，所以學生有b ...

小學校長在升中一派位時是知道每個banding有幾多學生，所以中學是有banding的！我自己教b1英中, 知道學校intake是全b1的（中學會知道）。

mcl203

conniewktang 發表於 21-7-15 18:10
要明白，一間津貼英中要收一定％的b1生才叫英中，否則英中有中文班已變成近B2中學。循中是香港最後一間補 ...

同其他直中有乜分別？～～～

所有直屬津小都無得揀學生，都係咁由小一教上去小六，又好希望佢哋去直中嘅中一，人哋得，又點解自己唔得？自己有問題，就放佢哋出公海？

其實我係絕對明，呢啲就係現實。忽然見到関愛論，一時感觸啫，你啲子女佢哋企晒係街喎，而你就係入面弘揚関愛～～～

mcl203

関愛論，自己見過嘅一個真實事例：
有位學生因某些原因，小學中段離校。離校前校長同家長講，有需要返嚟搵我，我哋一定收返佢，仲刻意安排自己同小朋友見面，開解佢離別心情。一年後，呢位家長電郵學校，有須要求學位，一個中頭後，校長會議完畢，即覆電郵，明言學校已經收返呢位學生，無須任何面試，亦無詢問學業近況。一個月後見面，校長話唔係我哋優待你，呢個係學校基制，你派得入嚟就有權讀足6年先走，呢個係你小朋友嘅權利，就算佢中途離開過。

関愛，行為上表達就可以，未必須要宣揚我真係好愛你哋㗎～～～

升中，受限於基制，佢哋會出自行位收部份校評第三組別學生，照顧自己親生子女，行為上已經顯示咗。學校中學部係坊評1A，佢哋又唔使兼顧業績？～～～

conniewktang

mcl203 發表於 21-7-15 18:38
本帖最後由 mcl203 於 21-7-15 18:49 編輯

同其他直中有乜分別？～～～

中學分banding就係要因材施教，如同一間學校乜band都有，教學難度非常高，效能亦低。不是行內人不會明白！

mcl203

conniewktang 發表於 21-7-15 19:24
中學分banding就係要因材施教，如同一間學校乜band都有，教學難度非常高，效能亦低。不是行內人不會明白！ ...

你雖然係老師，似乎你仲未解釋到當中分別。B1A中學嘅B2生易教啲，循中嘅B2生無得教？

我諗，你先要令啲非専業家長，如我，要明白和認同。人哋B1A中學，大條道理唔收都收返部份呀。仲要勿忘，佢哋小學部學生係自己教出嚟㗎，唔係他校送贈嘅～～～

conniewktang

mcl203 發表於 21-7-15 19:08
関愛論，自己見過嘅一個真實事例：
有位學生因某些原因，小學中段離校。離校前校長同家長講，有需要返嚟搵 ...

果啲係有條件咁收b3學生，但學生體藝超班，放到最後一班，不理成績，只操體藝，為校拿獎的拿獎機器，你唔係咁天真以為咁關照班小學龍校b3生呀？！你以為只要是親生仔，龍校中學連b3都盡收咁偉大？！

Sad2020

mountains 發表於 21-7-14 14:05
是第一志願。因為當時呈二失手了，有朋友推介循中，所以保守一點揀了。
...

多謝分享, 我仔升小六.  我哋都有師兄師姐講band1第一志願都有人入唔到循道, 我都唔知真唔真, 其實我都有少少擔心都唔知點樣揀學校喇.

mcl203

conniewktang 發表於 21-7-15 19:29
果啲係有條件咁收b3學生，但學生體藝超班，放到最後一班，不理成績，只操體藝，為校拿獎的拿獎機器，你唔 ...

似乎天真嘅係？我見咗佢哋6年，同小朋友一齊長大，你清楚過我？～～～

conniewktang

mcl203 發表於 21-7-15 19:28
本帖最後由 mcl203 於 21-7-15 19:30 編輯

你雖然係老師，似乎你仲未解釋到當中分別。B1A中學嘅B2生易 ...

小學同中學是分開校長，分開管理，老師也不同。循小教得如何，為何要中學部埋單執手尾？英華書院咪一樣脫龍！

mcl203

conniewktang 發表於 21-7-15 19:32
小學同中學是分開校長，分開管理，老師也不同。循小教得如何，為何要中學部埋單執手尾？英華書院咪一樣脫 ...

先解釋下，LS, MCS, SJ, Marymount，等等，佢哋同一個校長？同一辦學團體就係～～～

conniewktang

mcl203 發表於 21-7-15 19:35
先解釋下，LS, MCS, SJ, Marymount，等等，佢哋同一個校長？同一辦學團體就係～～～
...

既然咁喜歡龍校，學生可以選其他小學㗎。總之我贊成九龍循道同英華書院脫龍，再爭論也沒有意思！不會再回應！