未能及時 安排英國回港

lumfamily

我女15歳，原定7月4日回港，由於我 搵唔到6月30日入住的酒店房間，所以唔能夠6月29日安排回港。大家心情崩潰，我已經足十個月無見過我女。我女現留宿於親友家中，絕對希望可以返香港同我哋團聚。

我早前向入境事務處 同 衛生署 反映意見，得48小時 好難同步 搵到酒店 又 改到機票。 希望他日再作決定時要考慮同照顧未成年的學生。

我好理解 衛生署用意係想保障香港市民，作為公民，我真心理解，但希望有關部門也理解 香港有過萬 學生在海外升學，突如其來嘅48小時限期，未必個個家長丶學生應付得來。

見到 討論區話 人哋英國讀書仔女 大晒，我都好難過丶好尷尬，同理心 變得好值錢。

續⋯⋯

lumfamily

我剛剛收到 衛生署 sms :

女士：

主旨:查詢在「熔斷機制」下由英國返港事宜  (檔案編號：xxxxx)

食物及衞生局已就查詢在「熔斷機制」下由英國返港事宜作出審視，並表示相關事項應由衞生署處理，我們已將你的個案轉介衞生署跟進。當有跟進結果，會盡快回覆你。

如有任何查詢，歡迎與我們的職員聯絡。

2019冠狀病毒熱線

客戶服務主任
莫詠珊　謹覆  
2021年07月03日

電話: 2125 1111 / 2125 1122

lumfamily

如果 EK 的會員 有跟我同一問題，建議你打電話去 21251111/21251122
留低聯絡同資料

盼望 做過檢測 再檢測
比有需要嘅香港人 返香港 跟家人 聚一聚

Decdec

我的處境同你一樣，呀仔大少少但又未成年。中學又未放暑假，得48小時真係處理唔到，還要有PCR test 証明，之前原本訂好晒所有野等七月中回港。呀仔都有啲失望，冇得回來。暫時決定留英與同學一齊過暑假。不過我都會試吓打去衞生署。謝謝

幸福花海

lumfamily 發表於 21-7-3 15:42
我剛剛收到 衛生署 sms :

女士：

同意，政府抗疫政策都要人性化啲，可以做得好啲，暑假係留學生回家既日子，將大量未成年學生拒绝在外無任何支援，好似話之你咁，佢地都係香港公民，在香港定立政策都會顧及市民感受，但在外既居民就感覺受到歧視

LiHing

我都一樣情形，我也是訂不到酒店，如果有得返，隔離營都好，如果今次返不了，等到聖誕同復活節也返不到，唔夠時間隔離21日，返英國又要隔離，在英國18歳下沒得打疫苗，即使驗什麼血清也沒有份可減隔離時間。

LiHing

我大胆假設，不喜勿插。
大學生的假期放得早些也 flexible 一些，中學生除非學期一半便回港，如果唔係根本好難快得過溶斷。

LiHing

lumfamily 發表於 21-7-3 15:41
我女15歳，原定7月4日回港，由於我 搵唔到6月30日入住的酒店房間，所以唔能夠6月29日安排回港。大家心情崩 ...

我完全明白你的感受，成日話佢地返來播毒，有本事去就唔好返。聽到都傷心。

Decdec

好有感受，睇到啲留言真係好傷心，佢哋都係香港居民，只係去讀書求學，唔係去玩。

lumfamily

好多謝你哋嘅留言！大家經歷過先理解，多謝多謝！

過去一星期我每日都好難過，每日希望有機會轉變結果。

如果我女今年暑假真係返唔到香港，
唯有希望世界盡快回復正常運作，唔會再有同樣情況再次發生。

Kmee@@

lumfamily 發表於 21-7-3 17:21
好多謝你哋嘅留言！大家經歷過先理解，多謝多謝！

過去一星期我每日都好難過，每日希望有機會轉變結果。

完全感受到你的無助，相信政府短期內亦唔會開通英國回香港的航班，希望多啲人打電話去入境處，政府能提供指定航班，讓留學生暑假能回港和打針。

BK果邊見到英國兩個字D人就衝哂出嚟罵、駡、駡⋯⋯好恐怖的。

FennieMan

我女15歲，都係冇返到香港。之前有家長話CX 7月1，可能停飛時，我已經問咗酒店，但full 曬。所以當政府宣佈禁飛時，我冇去搵酒店。因為我知機會好微，另外我有奶奶做back up，就冇謂同其他家長爭。本來女諗住返香港打針，而家都唔知幾時有得打。
我哋都預咗佢聖誕同復活節也返不到，唯有睇下政府幾時可以開番，我和老公和個妹，希望聖誕去英國。
我好好彩身邊朋友都係關心個女冇得返香港點算。一啲難聽說話都冇

Isaacmommy

lumfamily 發表於 21-7-3 15:42
我剛剛收到 衛生署 sms :

女士：

要BK家長打電話到衛生署反映問題

FennieMan

Kmee@@ 發表於 21-7-3 17:56
完全感受到你的無助，相信政府短期內亦唔會開通英國回香港的航班，希望多啲人打電話去入境處，政府能提供 ...

BK 嗰邊，仲要話點解要等到7月1？ 應該即禁飛，有啲話等埋啲高官仔女返黎呀。佢都傻嘅，去讀書一定要高官先可以負擔到咩
又話食得鹹魚抵得喝，冇人冇物比個小朋友去讀書，就預咗。
又話一早唔好比啲學生返，因為會帶Delta 近香港

Decdec

係，BK 嗰邊已經沒有同理心。

幸福花海

FennieMan 發表於 21-7-3 19:33
BK 嗰邊，仲要話點解要等到7月1？ 應該即禁飛，有啲話等埋啲高官仔女返黎呀。佢都傻嘅，去讀書一定要高官 ...

唔使理佢地啦，針唔到肉唔知痛，講風涼說話係人都識，如果係佢地啲仔女就唔係咁講啦

LiHing

英國那邊12-17 歲唔會有針打，一來唔夠針，二來那個年齡羣死亡率低，但我真心覺得打咗針安心好多。眼白白睇住香港有咁多針，但無得打，下次再回來都唔知仲有無得打。

summer14

BK嗰邊啲人無同理心，講啲嘢真係難聽過粗口

yuyueng

28 號宣布7月1號停航，D人仲要話點解唔即刻停，果班人無知啫，28號宣布其實29號飛機已經係最後，有D人已經on line check in 左啦，其實好趕就真，如果唔係比酒店局限左，好多人返到黎。

基本上Y11 同Y13 考完mock 就走得，其他我哋學校考到26 號，大部分26-28 回港多，得一個7/1 趕唔切。

phoebeso

Decdec 發表於 21-7-3 16:54
好有感受，睇到啲留言真係好傷心，佢哋都係香港居民，只係去讀書求學，唔係去玩。
...

好認同，讀書啫，已經要過五關斬六將，講到個個都有病毒咁，有啲留言重好mean ，真係好傷心...