金融業在香港還是很好的出路？

shadeslayer

香港通唔到內地關，又通唔到國際關，國際金融中心地位，再拖落去對香港有冇影響？

留意新聞一些國際大行高層職位已經過檔新架坡。自己公司也不少expat回國，可能頂唔順。

stillgood20

shadeslayer 發表於 22-5-3 12:09
香港通唔到內地關，又通唔到國際關，國際金融中心地位，再拖落去對香港有冇影響？

留意新聞一些國際大行高 ...

全球新冠疫情已過 2 年多，微軟創辦人比爾蓋茲 (Bill Gates) 警告，未來將出傳染力更強、更致命的變異毒株，最壞的情況可能還在後面。

各國轉向與新冠病毒共存之際，比爾蓋茲上週日接受《金融時報》專訪時表示：「世界仍有可能出現傳播力更強、致死率更高的變異株，我也不想烏鴉嘴，但疫情相關風險遠高於 5%，最壞的狀況可能還沒出現。」

- - - - - - - - -

今天, 見這報導.

annie40

shadeslayer 發表於 22-5-3 12:09
香港通唔到內地關，又通唔到國際關，國際金融中心地位，再拖落去對香港有冇影響？

留意新聞一些國際大行高 ...

大家當然非常期望通關。經歷了香港醫療恐怖爆煲的2022年1,2,3月，近萬人死亡，行得通才敢去想通呢！

stillgood20

annie40 發表於 22-5-3 17:34
大家當然非常期望通關。經歷了香港醫療恐怖爆煲的2022年1,2,3月，近萬人死亡，行得通才敢去想通呢！ ...

台灣準備趟平．但係台北市長柯文哲擔憂死亡人數 , 估計是4萬(from now on)．

shadeslayer

annie40 發表於 22-5-3 17:34
大家當然非常期望通關。經歷了香港醫療恐怖爆煲的2022年1,2,3月，近萬人死亡，行得通才敢去想通呢！ ...

香港老人家現在免疫力比1月好得多。不過大家要做自己本分，幫老人家打齊針才有出路。

shadeslayer

stillgood20 發表於 22-5-3 15:22
全球新冠疫情已過 2 年多，微軟創辦人比爾蓋茲 (Bill Gates) 警告，未來將出傳染力更強、更致命的變異毒株 ...

One step at a time.

ANChan59

annie40 發表於 22-5-3 17:34
大家當然非常期望通關。經歷了香港醫療恐怖爆煲的2022年1,2,3月，近萬人死亡，行得通才敢去想通呢！ ...

大家不要被奶媽嚇親，香港2021年全年50555人死亡，平均一季已經l萬2千几人，通常秋冬季死亡數字較高，特別是老人家，在網上很易找到的資料。而且每年數據都有分年齡層，通常最多都係老年人。同時有每月數字，睇2018-21年同期數字，冇新冠變數及有變數，增幅係有，但不是0去一萬。

另一點係那幾個月，任何人不論是危疾，長期病患者，在以往歸類為自然死亡，現在死亡后，核酸陽性就不理是什麼原因致死，都係歸類新冠，特別係老人家，數字被嚴重扭曲。

連你咁淡定嘅人都失方寸，政府今次對阿爺總算有些交代。不過，做生意嘅，打工嘅就⋯⋯⋯，

有普通常識都知道Omicron 佔9成以上冇乜病徵病狀，按衛健委的三板斧，檢測，臨離，醫治，問題出在香港跟住將冇徽狀的也要隔離，全世界的任何醫療系統都應付不了Omicron的傳染速度，包括上海，就算有香港及深圳年初經驗都一樣拖几個月，動態清零係很好的理想，但不切實際！

陶醉於過往兩年的隔離政策成功，這個心魔不除，中國及香港都會被拖跨，清0或者+0 都不是全科學根據的防疫措施。

stillgood20

ANChan59 發表於 22-5-4 18:31
大家不要被奶媽嚇親，香港2021年全年50555人死亡，平均一季已經l萬2千几人，通常秋冬季死亡數字較高，特別 ...

我都中咗新冠．
我無咁樂觀．

隨時,有長新冠,腦霧．

所以,e大約兩個月, 得閒就做數獨．
留意自己思考能力．

…

我細囝被我連累．
我細囝身體十分好．

感染未確診時,連續兩三日低燒．

過去,咩病毒,佢有自我收復機制, 燒一晚,便好．

今次燒三日,已經証明新冠病毒比感冒病毒强．

…

另外,我感覺,新冠病毒,有强弱之分．
Omicron是同一樣, 但病毒的强度有不同．
可能,今次無病徵,下一次,不一樣．
真係,試過先知．

ANChan59

stillgood20 發表於 22-5-4 20:29
我都中咗新冠．
我無咁樂觀．

抱歉你不幸中招，希望不會有長新冠及腦霧。

我諒解你的擔心，不方便有其他說法，任何事都可以有正反兩面，我尊重你的言論自由。

我上面講嘅跟中招冇乜關係，只係指出 Annie的數字經不起考驗，被政府誤導而已。

stillgood20

ANChan59 發表於 22-5-4 21:15
抱歉你不幸中招，希望不會有長新冠及腦霧。

我諒解你的擔心，不方便有其他說法，任何事都可以有正反兩面 ...

Sorry, 有時我d包拗頸, 講嘢會角度唔同．
…

幾年前, 頸椎神經受損, 家庭醫生已經是非常厲害,
藥物+物理治療,差不多完全康復．

醫生說: 治療成效已達極限,95%,
神經受損,受損就不可能100%正常．

如是者, 一天,太太腳底,筋膜炎,,求診同一個醫生．
醫生開出的醫物,跟我之前不同．
病向險中醫．我服了太太的藥,
顯然見效．

我回到醫生那裡, 改開了太太所服的藥,
大慨,康復了98%,再加自己針對性運動．

……

醫生治療神經受損．
但手腳係我ge．
減少1%能力,我都唔願意．

正如,死亡率,死亡數字．
不同感受,難免．

shadeslayer

stillgood20 發表於 22-5-4 20:29
我都中咗新冠．
我無咁樂觀．

就算是普通感冒，可以唔染病，當然好過染病。但係世界各國已經展示左什麼是出路。打齊針，做好自己衛生，其他的就是天意。

shadeslayer

stillgood20 發表於 22-5-4 23:04
Sorry, 有時我d包拗頸, 講嘢會角度唔同．
…

醫生都唔係100%可信，這個我非常同意。有一名親人入私家醫院，我俾啲醫生激死呀，眼中只有金錢。

我識有一些受過教育，社經的地位也不錯的人士，差不多每一次同佢傾偈，佢都提到打疫苗嘅副作用，怕什麼嚴重副作用引起死亡。佢哋還沒有打齊針。

我覺得佢哋可能有呢啲想法，無論別人怎樣講，無論科學證據是怎樣，佢哋就係覺得身體是自己的，就是不想打疫苗。但係打針係公民責任，幫助自己，幫助家人，幫助社會。

stillgood20

shadeslayer 發表於 22-5-5 08:21
本帖最後由 shadeslayer 於 22-5-5 08:21 編輯

我識有一些受過教育，工作的地位也不錯的人士，差不多每 ...

昨晚, 看台灣一個報導:-
https://youtu.be/Ci8NVE9D2dM

Omicron BA.4, BA.5.

shadeslayer

stillgood20 發表於 22-5-5 08:33
昨晚, 看台灣一個報導:-
https://youtu.be/Ci8NVE9D2dM

並不是什麼新聞，病毒係會有變種，但變咗咁多次疫苗仍然有效，就算防唔到感染到防到重病。防疫永遠都係鬆鬆緊緊，直到有一種防疫能力特強的疫苗產生。

但共存與否，不是個人的意願，不是政府的意願，不是一個社會的意願。

呢個世界很好，有兩個極端防疫嘅方法同效果展示給世人看。有歐美嘅防疫方法，亦都有北面的防疫方法。那一個可取，大家心裏已經有數。

你睇小小一個新加坡，佢哋每日感染持續高企，但醫療系統從來未俾拖垮。香港啲亞洲地區職位慢慢俾移過去新加坡。

呢個世界，做乜嘢都有風險，唔做嘢都有風險，行出街有個招牌跌落嚟，搭飛機會唔見咗，過馬路會有架車撞埋你，飲水可能會有鉛，食嘢用手機Wi-Fi可能會至癌，喺屋企沖涼都會跌死。我哋每個人點樣面對呢啲風險？就係做好自己減低發生嘅機會率，就繼續生活下去。每個社會每個人每天都要面對風險，不能夠怕得要死，人未死，生活已經死咗。

shadeslayer

ANChan59 發表於 22-5-4 18:31
大家不要被奶媽嚇親，香港2021年全年50555人死亡，平均一季已經l萬2千几人，通常秋冬季死亡數字較高，特別 ...

但係香港第五波的問題，唔係太多冇症狀嘅人送咗去醫院，係真係嚴重重病嘅老人家拖垮左個醫療體系。無論個數字係10,000 ，定係5000，第五波頭一兩個月，醫療系統不勝負荷係一個真實嘅問題，不是一個政策嘅問題。

要不重蹈覆轍，出路只係有一個，就係老人家打齊針，所有人都打齊針，好似Singapore咁。歐美國家老人家打針率都遠比香港高。

shadeslayer

我反而覺得，因為政治原因唔打針，因為睇到假新聞唔打針，因為怕副作用唔打針，通通回頭是岸，仲要幫助自己老人家小朋友快啲打針。

有一日，有一個頗大嘅年青人群組，我也在裏面，有人post左一個Pfizer 被美國除牌的新聞，因為被發現疫苗副作用太多，嗰度啲人討論左幾句，有啲好驚因為已經打咗復必泰。但係我一睇，一Google就知道呢宗係假新聞，喺有心人用一篇正常嘅新聞，加加改改做假新聞完之後四圍傳。我懷疑好多人睇完呢類假新聞之後就怕咗疫苗。

akys

ANChan59 發表於 22-5-4 21:15
抱歉你不幸中招，希望不會有長新冠及腦霧。

我諒解你的擔心，不方便有其他說法，任何事都可以有正反兩面 ...

其實乜嘢情況下先會有長新冠及腦霧？坊間講得唔清唔楚，是否重症患者的後遺症？我媽媽，哥哥，阿嫂，岳母，朋友一家5口中晒，蓋涵十歲到86歲，無病無痛到長期病患乜都有，托賴全部輕症，暫時乜後遺症都冇。

政府尤其班專家唔好成日嚇鬼，正正經經更新各地和本地研究，解釋清楚數字由來，唔好斷章取義，求其噏個%就算，拜託。

stillgood20

akys 發表於 22-5-5 11:05
其實乜嘢情況下先會有長新冠及腦霧？坊間講得唔清唔楚，是否重症患者的後遺症？我媽媽，哥哥，阿嫂，岳母 ...

長新冠, 應該是有存在. 而, 因人而異.
我同事, 會在工作途中, 或者午餐時間.
不自覺, 短暫"休息".

這可能是年紀大了.
也可能是腦霧.
當事人, 反而沒有感覺自己有異樣.

-----

我細囝, 偶然也有咳嗽.
可能, 係肺功能減弱.

會多D湯水, 食療, 和中成藥止咳.

ANChan59

shadeslayer 發表於 22-5-5 09:05
但係香港第五波的問題，唔係太多冇症狀嘅人送咗去醫院，係真係嚴重重病嘅老人家拖垮左個醫療體系。無論個 ...

可能我有參與及掌握多些資讥，因為護老院不想留輕症及無徵狀的老人家，可況重症老人病患。在家的老人家也全部送醫院，香港地方細，因為怕互相傳染，所以新年期間全部醫院爆滿，很多老人家在外面風餐露宿。

triage 之後，重症絕大部份入院，輕症及無徵狀者，因為護老院及部份家人拒絕回收，只可以這樣風餐露宿，我明白他們的難處及因為很多照顧者相繼中招。

你留意下亞洲博覽館，油輪碼頭的方艙醫院係收容無病徵或痊愈的老人家，后來社福機構開臨時宿舍接收護老院拒收的老人家。公立醫院才可以發揮正常的功能。

家父15年入醫院，我才知道3-4成老人是家人半遺棄在醫院老人科，家人的想法是每日$100，每月$3000元，俾護老院便宜幾倍，而且照顧周到。這些事情，有幾多人知道呢？

重症患者係什麼重症？當然有部份係新冠，但大部分真係跟長期病患有關。所以我先講唔好信我，看看18-21年死亡數字作比較。

我不是冷血，只係提供一些可能在宣傳機器未必會講的有用資料，讓大家反思。你又試吓睇睇老人打得多的國家，新冠死亡年齡分布，也是大部份老人家，這個是事實。

你可以參照 Our world in data 的covid 網頁，你看CFR case fatality rate ，確認中招死亡人數除以確診人數，

https://ourworldindata.org/mortality-risk-covid
香港數字係衛生處呈報世衛的數字。

日期。        %
1/3/2021   1.81%
1/6/2021   1.77%
1/9/2021   1.75%
1/12/2021 1.71%
2/1/2022  1.68%
1/2/2022  1.49%
1/3/2022  0.30%
1/4/2022  0.68%
1/5/2022  0.77%

1/3/2022 CFR數字偏低，係因為確診死亡數字及確診數字在2月份滯后公佈所致。

打針谷針另一回事，我自己全家都好早打齊三針，而且減少外出，主要wfh。防疫係portfolio management 不是單一方式就可以。我的老外朋友很早講打完疫苗就可以四圍去，事實並非這樣。

我家菲律賓姐姐去年已經打齊兩針，但都有劇烈反應，她不想再打第三針，因為怕身體受不住，客死他鄉，政府將第三針提前到五月底，就算家人大多失業，她決定提前解約，我們只可以尊重，結束25年的賓主關係。

這個可能是單一例子，亦可能是趨勢，你說的轉變不是在單一行業出現，不少行業備受衝擊，只係你們聲音傳咗出嚟，政府聽到了，其他可能連聲音都未必可以聽到及被重視。

ANChan59

akys 發表於 22-5-5 11:05
其實乜嘢情況下先會有長新冠及腦霧？坊間講得唔清唔楚，是否重症患者的後遺症？我媽媽，哥哥，阿嫂，岳母 ...

我自己冇乜特別去了解后遺症，只係看過一兩篇研究報道，我當時睇完感覺係inconclusive。

有一個朋友（不是stillgood20, 係退休iBanker) 他約60歲，成日講后遺症，唔出街，幾個星期前中招，5日后好番，都係成日覺得左唔妥右唔妥，我唔知點解，可能係 self fulfilment prophecy ，也有可能有特異功能，對自己身體特別敏感！