成績差

qpalzm

964000 發表於 21-6-17 16:47
Harry Potter要一句句咁讀又要人解釋真係好難enjoy, 不如睇吓短一D嘅書先。

問題係無乜書會令佢提起興趣, 所以咩書都好, 長短深淺都係叫佢一句句讀。
原本係magic tree house同geranimo stilton夾住睇, 但我覺得magic tree house太重複太悶, geranimo stilton用字唔係好深但個humour太深。跟住睇左本roald dahl又覺得唔係太好睇, 最後反正屋企有幾本harry potter咪試下睇囉, 點知佢又唔抗拒喎（但不等如佢會鐘意到自己睇), 咁睇下睇下又睇左200幾頁, 可能因為每睇完一個chapter我都會比佢睇返電影個段, 佢覺得得意呱。

兒家我叫佢自己睇的只係P.6的閱讀理解練習, hp仍然都係佢讀比我聽, 順便練埋speaking。唯一煩腦係唔知幾時先可以放手…

964000

qpalzm 發表於 21-6-17 19:26
問題係無乜書會令佢提起興趣, 所以咩書都好, 長短深淺都係叫佢一句句讀。
原本係magic tree house同geranim ...

試吓branch series dragon masters
Secret agent Jack Stalwart
A to Z Mystery 呢D
男仔應該鐘意
唔好嫌唔夠深
做到Independent reading先

Cherryroy

聽到好多嘅意見，感激哂各位！今日佢老師都有打比我，跟我睇番呢次成績。如何從新準備嚟緊新學年，同你們所講一樣，老師都講哋呢類學校嘅考卷，普通嘅練習真係用唔著佢哋學校，老師反而叫我溫番自己學校考卷，其次叫我留意小朋友有無讀寫障礙。

qpalzm

964000 發表於 21-6-17 22:13
試吓branch series dragon masters
Secret agent Jack Stalwart
A to Z Mystery 呢D

會唔會自己睇書我覺得同性格有關, 多過同睇咩書有關。
老實佢太hea平時太多野都唔會自己做好, 更何況睇書呢？

Bunnygirl

其實多做自己學校卷就ok. 可能只係小一未慣。同埋你哋係咪上學期有讀卷下学期冇讀?搵番間專補自己學校既補習社通常有大量近似練習題目做，不過咁即係操卷。

littlewoman444

特登登入來回應，因為想鼓勵媽媽小女今年小二，在彼知名及出名谷的小學返學
小一老師已經講，主科多過一科唔合格係一定會留級，我女只有英文合格所以⋯老師其實都唔係好客氣，但小一有疫情，整個學期冇辨法考哂試才可以全校升班，係個女好彩，咁樣就去到小二
但小二仍然只有英文及常識合格，數學有時合格，班主任在期終考前的家長日又提醒再唔合格會留班

小一嘅時候我發覺佢係完全唔知道自己做乜，同埋唔知道老師做乜，係完全唔開竅，同佢講乜都冇用，令到佢成日俾人鬧，有時覺得小朋友都好慘。
小二年頭開始有一啲啲開竅，開始知道要做乜嘢，平時都覺得佢係識的，題目係識做的，但考試時又唔合格，後來我發現我女問題是唔識認中文字，又因為佢老師考試會讀一次題目，令佢更無辨法諗到條題目(集中唔到聽老師講乜)，一亂就錯，就一片空白，第一題諗唔到，就去唔到第二題，結果第二題又冇留心聽到，骨牌效應就全部都做唔到同做唔切。一題唔識，題題唔識。

去到大概就嚟考期終試前，我開始要佢計時做卷，唔提佢，睇吓佢究竟唔識啲乜，發現如果佢自己睇題目，係有機會唔知道啲字，一係就靠估，見到三個數就加埋晒，所以考試之前，同佢計時和佢自己做咗好多份卷，要教佢考試技巧，就係唔識邊一隻字，就覆下一隻字，如果唔知老師講乜，直頭就唔好聽，小心睇d字，唔可以唔睇題目就亂計，中文求其寫。最後其中試佢都仲有中文唔合格，但就其他科目合格。

其實我講咁耐，主要都係想講，香港嘅傳統教育，只可以係不停咁樣做，做到認得條題目，如果係細B，未開竅，係冇乜辦法，唔係小朋友問題，佢大啲就會識，可能係幾個月，可能係一年，唔係小朋友問題，唔好因為咁磨滅左小朋友嘅自尊心

係好正常，好多小朋友小一都係渾渾噩噩

媽媽加油

GreenMaDad

不好意思，我會提議要快轉校，不是轉去二線學校，而係去非傳統學校或國際學校。初小全部科目吾合格係好誇張，已證明小孩吾適合現在小學既教法。
再講，非傳統或國際學校都有級數之分，成績吾夠其實都難轉，趁這一年多人離開香港，今年轉可能會比較易。

C9Ma

Cherryroy 發表於 21-6-16 10:05
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真 ...

小朋友自己讀卷有冇問題？拎番學校考卷叫小朋友解多次。

Cherryroy

回覆 littlewoman444 的帖子

我有同佢回顧番啲考試題目，之後再比佢做番1年級嘅練習(差不多題形),我發覺佢有選擇性睇題，好似中文，會比例子，叫你擴張句子，佢就直寫句句子落去，一係加兩個指定要寫嘅字落去。考卷寫明要12個字，佢就9個字就完句。數學，有啲題目好普通，例如要寫個數比某個數大嘅單數，佢就做錯，但啲特別嘅題目，例如3打有幾多，佢就做啱。
英文原來溫熟哂嘅字，到考試時話唔記得哂，點知之後佢串哂出嚟。我超煩惱。
我有想佢留級，只要學校可以，當然轉校我都諗過。

Cherryroy

回覆 Bunnygirl 的帖子

佢考左兩次試，第1學校無考，考大左2，3學期，第2學期有讀卷，第3學期就無讀。

qpalzm

GreenMaDad 發表於 21-6-20 09:45
不好意思，我會提議要快轉校，不是轉去二線學校，而係去非傳統學校或國際學校。初小全部科目吾合格係好誇張 ...

小一唔合格都好多原因, 不能一概而論, 不過如果出現以下情況比我一定轉:
1) 預見努力後情況都不會改善
2) 不合格之餘, 讀得唔開心, 自信心低落
3) 持續兩年(即升小三)仍未達要求

另外我想講, 轉去非本地課程並非仙丹, 最重要小朋友適合咩教學方法。

qpalzm

Cherryroy 發表於 21-6-20 19:11
回覆 littlewoman444 的帖子

我有同佢回顧番啲考試題目，之後再比佢做番1年級嘅練習(差不多題形),我發覺佢 ...

你講的問題, 做多D練習, 一般小朋友都應該會有改進, 雖然未必會取得高分。
如果比我, 留級不如轉校。

chanti

Cherryroy 發表於 21-6-16 10:05
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真 ...

找專科專補啦、我仔找左專補英及數的、呈分試由B上A。中文搵鄰居囡囡補、因知佢中文DSE 5**, 我仔中文底子差由D上B 我已好感恩。有方法真是有方法、方法+操比只係到操更重要。

Dybala

qpalzm 發表於 21-6-18 20:23
會唔會自己睇書我覺得同性格有關, 多過同睇咩書有關。
老實佢太hea平時太多野都唔會自己做好, 更何況睇書呢 ...

睇書真係同性格有關, 自己細個都唔鍾意睇書, 冇咁好耐性而且覺得啲故事太抽象太唔真實而提唔起興趣, 例如harry potter到而家我書同戲都仲未睇過係去到好大個搵到自己興趣, 先會主動搵返果個範疇嘅書黎大量閱讀

rayeu160

其實不如自己試下比多d時間去教下佢先. 我覺得補習社好難去跟進小朋友個人既問題. 只有父母最上心. (咁細就補, 幾時補到大wo)

我記得我女女小一時, 要默書串字都有點難(第一次默書我記得係fail既). 當時同佢一齊分拆d字去串, 再教佢自己拆. 好快已經上手. 考試睇題目又係, 教佢點睇&應該點答. 當父母同佢一齊學習時, 其實會睇到佢o係邊度發生問題既. 跟住就可以對正下藥. 我

最緊要係不斷用唔同方法比小朋友試, 無話一本通書睇到老既.

rayeu160

回覆 Cherryroy 的帖子

其實好多一線小學, 都叫d家長唔好同小朋友去補習社. 費事學壞番黎.

Cherryroy

回覆 rayeu160 的帖子

我有諗過停功課班，但爸爸就話佢唔自動做功課唔得。我想响做功課時知道佢咩唔識，可惜我要番工。

hugub

Cherryroy 發表於 21-6-22 13:31
回覆 rayeu160 的帖子

我有諗過停功課班，但爸爸就話佢唔自動做功課唔得。我想响做功課時知道佢咩唔識，可 ...

其實功課班未必一定教到識，有時會比答案

Dybala

hugub 發表於 21-6-22 15:13
其實功課班未必一定教到識，有時會比答案

自己細個有去過/做過補習社就更加知入面係咩料