呈分試與考4級琴需要取捨嗎？

bopui0607

kelly6688 發表於 21-6-13 17:31
囡 區b1 小學，學校150多人 ， 排90-100左右. 不是很穩定. 呈分1不理想. 兩課主科各63分，一主科 73分. 數 ...

當然是呈分試啊！

Zoesk2

你個女的成績已經唔理想，當然唔好分心去考琴試，學琴係興趣，之後學或考都可以，但呈分試只有三次機會，仲會影響就讀六年的中學的選擇，你應該知道邊樣重要，我女今年呈一，雖然年年考班頭幾名，又有半條龍bank 1 中學，但上年9月開始我已經停曬興趣班，全力以赴呈分試

Ella01

學校中一收生永遠都係成績第一！所以，呈分試係最重要架。

pinkupinku

樓上2位媽媽，我又唔太認同。
呈分試是重要，但也只是人生中一小部份，我相信人人天生的資質能力都唔同，不用以成績或派咩學校斷定一切。而且呈分試成績與興趣班沒必然因果關係，有人周身刀張張利，有人就算出盡力成績都係未如理想。
於我而言，興趣班，有興趣就繼續愉快地學，無興趣無謂勉強，但不用為呈分試放棄一切。
老實說，小學嘅嘢，真係唔駛好似dse咁日讀夜讀，都係考試前衝下啫，如果要日日朝9晚9咁溫習先達標，我個人覺得無謂chur到咁盡了，就算上到b1中學都會跟得好辛苦。

pinkupinku

hkpapa852 發表於 21-6-14 12:38
坦白講, 令千金呢個排名, 要升上B1難度頗高

小強雖然係區內強校, 但如排名在70以後, 基本上都唔好有期望 ...

我同意現實一點，去睇下b2中學，不要覺得停咗學琴就會所有嘢如你所願。
阿女唔想學，就停啦，等佢溫完書都可以鬆一鬆，唔駛再陷入另一件苦事。
始終相信，讀b1又好b2又好，人人都有自己的人生，不要將你的意願強加在女兒身上。而且，也好好同女兒傾下佢有咩諗法，希望將來讀咩中學過怎樣的人生。

hkpapa852

pinkupinku 發表於 21-6-19 23:43
我同意現實一點，去睇下b2中學，不要覺得停咗學琴就會所有嘢如你所願。
阿女唔想學，就停啦，等佢溫完書都 ...

事實上入一間合適水平既學校，好過盲目追求名校

入名校墊底，捱唔捱到畢業？畢業又會係咩成績呢?

反之入到B2好學校估做前列，仲大機會入到大學