cac第一次評估（語言）

cokelemon

我仔2歲半了，一直有返n，老師覺得佢有自閉傾向，終於排到第一次去cac見語言治療師做評估。姑娘打黎話大約要2小時，請問過程大約係點？會即刻有報告講解嗎？有咩要準備問姑娘？
因為臨急臨忙我未必請到假，如果婆婆去攪唔攪得掂？（我心知政府做野係點，驚有野婆婆唔識問，之後想查詢就難）

多謝解答～🙏🏻

hihi007

建議請假自己去，評估員會在兩小時入面通過觀察同問題去做報告，太詳細就唔講了，能自然地被評估係最好。

opclk99

cokelemon 發表於 21-6-8 17:47
我仔2歲半了，一直有返n，老師覺得佢有自閉傾向，終於排到第一次去cac見語言治療師做評估。姑娘打黎話大約 ...

會即刻有報告講解
可以一定係父母/照顧者一齊去,
一般評估亦極多"難題"要問。
你認為老人家可以EASY做到?
在下以前同事就好似你咁Case,
同事叫自己唔識答問題既(新移民)老婆一人出席,
結果份報告完全錯晒/瀨晒野......

仲有依d評估出面私人至小二千元以上仲係"求求其",
私人評估夠鐘請你快d bye bye..
政府語言治療師係比私人更有耐性時間同你傾,
咪人云亦云私人評估好過政府,
(有經驗就知私人評估質數多數比政府差,
HK大部份有料語言治療師同臨床心理學家都做政府,
在下兩個仔全評之專家正是博士級人馬)
(出面私家,除非你有錢如李+x,大把錢才請到乜乜專家)
今次有難得機會專家同你慢慢傾,
你仲認為返工重要過個仔,
在下真心倒抽一口梁氣....
你未去過CAC未?
你真係知政府CAC同"私營"做野係點??
仔係你既,自己考慮吧...

cokelemon

或者我講清楚d，婆婆＝照顧者，佢比我更清楚個仔既日常。我只係想了解有冇報告講解呢一part，有冇d咩跟進需要即刻去決定。

我只可以講 返工 唔係重要過個仔，而係返工就係為左佢。唔理解只係因為你係幸福既一群，有頭髮邊個想做癩痢，唉。

本身婆婆就錫慣佢，連之前去健康院，姑娘都話唔係比佢食就得，要教。我講極佢都唔聽，人地話佢佢先識驚。我寧願佢去聽下，等佢知衰，知道再甘落去都唔係辦法。。。

cac我未去過，但之前對政府醫生好有陰影，詳細我就唔再提了。。。

opclk99

cokelemon 發表於 21-6-12 20:41
或者我講清楚d，婆婆＝照顧者，佢比我更清楚個仔既日常。我只係想了解有冇報告講解呢一part，有冇d咩跟進需 ...

報告講解係即時,
有冇d咩跟進語言治療師會即場通知
CAC專家完全不同政府醫生,
所以你話(心知政府做野係點)係非常武斷,


在下人生經歷足比常人多得多,以前一個人養七個人仲有2件ASD/ADHD仔,家有八十歲老母,
人生做生意破產兩次全家幾乎瞓街,
家有三位長期病患,
岀入醫院/A&E多過你去戲院
你覺得我會幸福過你嗎?

忠言永遠逆耳,
有用又聽得入耳係自己得著,
有時唔了解可以問,
咪先入為主。

我只可以同你講,
可以就全家一齊去,
(幾多家長不停學習/花錢就係為左呀仔)
湊依d小朋友係長期戰,
(你個仔有自閉傾向,其實都未identify有冇其他Sen)
全家通力合作先對小朋友有最好幫助
既然你係重視小朋友,
自然唔會覺得見個專家係浪費時間。
完。

cokelemon

多謝你分享～你講得岩，我只係見過政府醫生同健康院，未去過cac，覺得佢地都係好似政府醫生甘太武斷。
家家有本難念的經，大家盡力～

hihamham

cokelemon 發表於 21-6-8 17:47
我仔2歲半了，一直有返n，老師覺得佢有自閉傾向，終於排到第一次去cac見語言治療師做評估。姑娘打黎話大約 ...

最好係親密照顧者去, 會叫你填幾頁小朋友狀況的評估,現在疫情下一位大人帶一位小朋友做測試,其他成人係外面等,聽報告時醫生或心理學家可能會邀請埋門外等候的成人入去傾

請唔到假都要請, 或者你同CAC講下約一個星期, 最好你寫低要問的問題,即場問
CAC呢一份report非常重要,之後政府服務及其它資助基構服務都要有呢一份result先俾你排服務, 就算你好有錢有能力出去做私人訓練,都唔係屋企附近有,私人有許多質素沒有保証

做完評估後有需要的小朋友會assign個P number排服務,社工會解釋有什麼位,經濟有需要的家庭有資助

希望幫到你

fasola

你或者婆婆會唔會隱惡揚善?
係評估時講得小朋友太理想?
好多媽媽或者老人家都會

排政府都係為公家資源, 雖然對方會推薦, 但你地亦都可以唔要. 有決定係要即時做或者爭取.

例如我有親友只係言語遲緩一樣, 其他樣都ok. 佢唔想同小朋友轉校, 唔申請兼收位, 只係申請到校服務.

婆婆係咪可以代你決定到?