真心求問：關於KTS、APS和SFA應該點選擇？

adako728

回覆 jason1978 的帖子

請問您覺得kts老師有愛心有經驗嗎？課程設計的好嗎？多謝您回覆

chingchub

TONG0720 發表於 21-6-7 22:11
非常感謝你的意見。妹妹暫時來講，坐唔定。唔知升小後會唔會自然適應到而定性d。
接送暫時覺得唔係問題
...

咁要問下老師，佢係上堂坐唔定，定係屋企太多誘惑先坐唔定，間間學校都有classroom training 排排坐呢

hkpapa852

TONG0720 發表於 21-6-7 19:16
兩個小朋友性格唔同，SFA確實唔太適合妹妹，喺考慮到兩個讀同一間會冇咁辛苦
...

三間都係谷學術，只係催谷方式不一樣。
KTS幾年前開始亦已要求學生學樂器。

活躍但不喜歡音樂，其實呢三間都唔係特別合適。

現實中，無中學部既而又著重成績既小學，對活躍份子既包容度都係有限公司。

deco99

TONG0720 發表於 21-6-7 21:43
APS成績好吸引我，但又覺得SFA同APS校舍太細，而且我冇信心谷小朋友樂器

APS谷過SFA，每年好多人走。如果考慮方便湊，我會揀SFA同哥哥一起。如果唔考慮哥哥，我揀KTS，校舍大好多，壓力無咁大，小朋友開心d。

creambun

TONG0720 發表於 21-6-7 21:43
APS成績好吸引我，但又覺得SFA同APS校舍太細，而且我冇信心谷小朋友樂器

論女仔升中成績，APS 及 KTS 比SFA 好少少。論校網APS 及 KTS 在九龍城網，比SFA 深水埗網好一點。APS 對音樂要求頗高，如果你小朋友對音樂沒有興趣的話，可能未必適合。以你的情況，我覺得是SFA 同 KTS 中二揀一。不過真是要考慮兩間學校的教學方式，考試日子不同會唔會造成不便。KTS 有好多課外活動給學生參與，疫情前好多時放學後留校參加活動，星期六甚至會走上下兩轉，可能你要評估一下接送問題。KTS 星期一至四有3輪放學校車時間，可能幫到你解決此問題。

TONG0720

creambun 發表於 21-6-8 09:13
論女仔升中成績，APS 及 KTS 比SFA 好少少。論校網APS 及 KTS 在九龍城網，比SFA 深水埗網好一點。APS 對 ...

非常感謝你的意見，因為其實屋企之前有不同聲音，依家我哋都基本達成一致。謝謝你

TONG0720

deco99 發表於 21-6-8 08:51
APS谷過SFA，每年好多人走。如果考慮方便湊，我會揀SFA同哥哥一起。如果唔考慮哥哥，我揀KTS，校舍大好多 ...

APS主要係擔心樂器谷唔到我囡囡，KTS校舍真係十分吸引。謝謝你的寶貴意見

hundred100

hkpapa852 發表於 21-6-8 08:12
三間都係谷學術，只係催谷方式不一樣。
KTS幾年前開始亦已要求學生學樂器。

完全正確。要成績就會好嚴好嚴。不適合活潑趣志小朋友。某校有一個好嚴好恐怖的副校。有一日屋企大人傾緊話校長做左甘多年，可能就快退了吧，某某要做正了吧。點知小朋友係隔離聽到。第二日，另外一個家長話佢地小朋友話要轉校，我屋企呢個返來都話要轉校。
【在他們充滿童真的世界裏，雖然日日受盡精神壓迫但只要在整個學校，她不是最大，還有人管著她，仍然是可以生存下去的，但一旦這個“壞人”做了王，就是真活不下去了】。
嘿嘿，括號内是我的演繹，無事實根據。

Dybala

deco99 發表於 21-6-8 08:51
APS谷過SFA，每年好多人走。如果考慮方便湊，我會揀SFA同哥哥一起。如果唔考慮哥哥，我揀KTS，校舍大好多 ...

以為SFA已經係天下間最谷嘅學校, 原來APS仲勁

TONG0720

Dybala 發表於 21-6-8 10:48
以為SFA已經係天下間最谷嘅學校, 原來APS仲勁

其實我覺得谷唔谷喺睇個人，特別睇小朋友性格。我仔仔讀SFA，又可能遇到疫情同埋仲喺初小階段，我唔覺得SFA好谷，功課真係唔多，每日2-3份，個人就覺得功課重質不重量（另可能多1-2份改錯，未必個個小朋友需要改錯），教得喺深，中文同數學深半年，英文深一年，重exercise,教法我覺得較為傳統，但絕對唔係多抄抄寫寫果種。考試前學校都會幫小朋友溫習，教小朋友點溫書。

SFA喺好好，有佢嘅優勢，只係我覺得未必係綜合發展，又可能疫情關係，少好多課外活動，所以我哋哥哥讀得好開心，但妹妹就未必適合。

Phyllis97

回覆 TONG0720 的帖子

你最後選擇左邊間呀？

karen55407

好叻女！我㨂KTS，似乎開心啲！

TONG0720

karen55407 發表於 21-6-8 18:06
好叻女！我㨂KTS，似乎開心啲！

謝謝，升小喺緣分遊戲，疫情下更加喺。

Raleigh

可能要諗長遠少少，你想入咩中學而去揀咩小學！
因為3間小學升中都有不同！九龍城中學校網可以cover晒所有九龍城小學B1生！

TONG0720

Raleigh 發表於 21-6-8 18:19
可能要諗長遠少少，你想入咩中學而去揀咩小學！
因為3間小學升中都有不同！九龍城中學校網可以cover晒所有 ...

謝謝你，最終決定幫囡囡揀九龍塘其中一間，希望冇做錯決定。

TONG0720

hkpapa852 發表於 21-6-8 08:12
三間都係谷學術，只係催谷方式不一樣。
KTS幾年前開始亦已要求學生學樂器。

非常感謝提醒同意見。喜歡唱歌同埋朗誦，樂器唔係不喜歡，喺覺得冇信心去谷佢一年考一級（聽聞APS需要計入成績表，一年考一級），有學鋼琴但只係希望陶冶性情冇對佢有要求。

活躍方面，只能希望上左小學後大個d 會定性小小。

Raleigh

TONG0720 發表於 21-6-8 18:29
非常感謝提醒同意見。喜歡唱歌同埋朗誦，樂器唔係不喜歡，喺覺得冇信心去谷佢一年考一級（聽聞APS需要計入 ...

APS樂團好好！你見到一班小朋友可以演湊到一啲古典音樂，你就會覺得你個小朋友好勁，好多家長都因為樂器而止步於APS，會覺得小朋友冇興趣，但係咪真係冇興趣呢！APS樂器導師會好有經驗教小朋友的！家長要付出嘅係金錢同時間！如果個小朋友真係好抗拒，可以去聲樂組亦得！宣小排球，籃球亦都好勁！最緊要小朋友開心返學！谷唔代表唔開心！

canadababy93

其實坊間真係成日誤會APS谷小朋友學樂器，真係冇咁嘅事，我係用家，學校根本冇規定要幾多級

melodytsui89

傳聞五年級要考獲樂器5級成績，不是嗎？

tingdaplace

回覆 canadababy93 的帖子

我都係用家，完全同意。