請教過來人家長什麽時候開始讓升中學生開始“歸位”

200904

事緣我兩個女兒自從知道有中學收之後，就開始進入honeymoon狀態。呈三已經開始裸考（即考試前不溫習）。
初初我覺得ok，可以放鬆一下。何況她們考下來也還過得去。豬隊友還買了switch給她們做生日禮物。於是，每個周末，假期就是游戲日。
最近，一個進評，成績出來嚇死人，問她們是何原因，她們說應該是知道自己有中學收，所以就放鬆了。我跟她們說，現在學的知識都是中學的基礎。保持好奇心，學習動力是必須的，而不是以考試，考中學為目標。

請教各位家長，到底什麽時候應該安排收心呢？是中學的bridge course嗎？

ren

其實我舊年4月開始，就同阿仔預習定中學數，文言文，比小學深少少嘅英文，提佢作好準備，當然係少少少少質俾佢，唔係質暈佢個種。。。總之打機輕鬆之餘都為升中做好準備。。。反而中一中後期佢適應左習慣左知道成績位處咩位置後，我同佢都鬆左，打機時間多左 （我宜家都想佢收心準備大考）
其實我自己覺得唔好一鬆就太鬆，時時習慣留些精力為日後準備，到打到來時就唔使咁辛苦。

gracelam

200904 發表於 21-5-24 09:49
事緣我兩個女兒自從知道有中學收之後，就開始進入honeymoon狀態。呈三已經開始裸考（即考試前不溫習）。
初 ...

2020~2021上一季，全港學生99%都係honeymoon 狀態。

現在迫在眉睫係小五及中五生，如果仲渾渾噩噩咁，佢地阿媽都應該冇乜計。

小六升中一已經唔算最緊急，舊年我都經歷過，疫情取消bridging  course，我已經暑假安排家姐教佢學定中一英數，睇吓課外書，但阿仔九月升中一時仲係一舊飄浮嘅雲，跟住開學後大部分時間係zoom上堂， 佢到下學期先開始似返個學生應有態度。  

200904

回覆 gracelam 的帖子

謝謝。我都準備7月注冊，買到書之後，起碼各科都要預習一到三課，完全明白中學的各學科到底是怎麽回事，然後自己心裏有個學習計劃。

ahnew

暫時可以攞考好 Pre S1 為目標，好多中學係用黎分班，最理想係考入精英班 (如有)，因為有啲學校精英班的老師同資源都好啲。

之後.....註冊後，大部分中學會有功課/暑期作業及 reading list 之類，到時會慢慢歸位。

洋蔥頭媽咪

良好學習態度其實從小就要養成，個試就算唔太重要都好，作為學生都應該盡力去應付，唔應該書都唔温求其去裸考就算，小朋友養成咁嘅態度，家長責無旁貸。

我仔小學時是一線小學，學校派英中數目一向都高，除了因為同學自己努力外，多 Band 1學額亦源於每屆師兄/師姐努力考好 Pre S1，前人種樹後人乘涼，老師教佢哋待人處事都要盡自己能力做好佢，面對任何一個考核 (有冇用都好)，都要認真態度去對待，就算一早已有直資學校取錄都好，考校內試都唔應該 hea 考心態，始終學到知識/基本功都屬於自己嘅，小朋友唔應該學會太現實同功利。

200904

我絕對同意你的說法。這也是我擔憂的緣由。同樣，我的側重點不是考試最後的結果，而是她們求學的心態。
只不過，裸考，其實我並不太反對，只要她們平時認真聽講，知識已經掌握，考前是否複習，或者複習時間長短，我是從來不干預的。
總之，我會盡快帶領她們進入中學的預熱階段，希望如願吧。

洋蔥頭媽咪

200904 發表於 21-5-26 12:48
我絕對同意你的說法。這也是我擔憂的緣由。同樣，我的側重點不是考試最後的結果，而是她們求學的心態。
只 ...

某程度上我亦同意，求學並非只求分數，但正正就係因為咁，更加應該讓小朋友明白，作為學生應有嘅態度。

恕我直言，我個人接受唔到小學生平時有認真聽講，考試就可以唔驶温書全部裸考，呢個绝對與成績無關，完全係學習態度問題。如果小學已經學走精面，上到中學你叫佢温習，佢都可以答你上堂聽咗啦，做乜仲要温，又或者知道唔重要就 hea 做，咁就會好麻煩。
上到中學講求自律同自學能力，所以家長襯仲可以控制時，要培養小朋友良好態度。人係有惰性，習慣出三分力要佢再用十分力會好困難，所以要 keep 住上進心，否則去到越高年級，家長想跟都好難再跟到。
先预祝你小朋友入到中學後能夠盡快適應，愉快學習

YolandaTam

洋蔥頭媽咪 發表於 21-5-27 12:15
某程度上我亦同意，求學並非只求分數，但正正就係因為咁，更加應該讓小朋友明白，作為學生應有嘅態度。

...

講得好好
中學，尤其高中，課程內容多，老師會假設同學已經備課，上課只係講重點同攞分位。我女有啲同學只靠聽課，即使幾留心都一頭霧水，功課又唔識做，考試吊車尾
所以學習態度，尤其備課同温書嘅習慣好重要。

200904

回覆 洋蔥頭媽咪 的帖子

謝謝你的祝福！
我明白您對小女的關愛，謝謝您！只是我不敢苟同，平時認真聽講，掌握知識之後，在考試前一定要努力溫習才是學習的正當態度，不溫習就一定是態度不對。

當然，努力溫習應對考試是正確的學習態度，我贊同，但反之，未必。如果我女已經掌握知識，瞭然於胸，在考試前不溫習，我不反對。因爲我覺得，考試，只是讓她們測試所學知識是否已經掌握的一種方法而已。就像平時，我倒願意老師上課來個quiz，事先不要通知，倒是能反映出她們是否真正掌握。回憶我自己的以往，通常在大考試前，我會故意放空，不看書。只是在腦内將所學知識融會貫通，偶有不明白之處，才去翻一下書。更何況，我覺得小學所學，都是最基本的，上課明白就好。當然，這只是我個人的想法，不鼓勵其他同學效仿。

我之所以求教，的確是因爲我覺得她們有些過於“放鬆”，心態出現“Hea”，這是我覺得必須要有所防範的。我覺得在讓她們在中學生活前，先放鬆一下是正常的，但這個“度”我可能拿捏地不到位。

不過，她們已經反省，在拿到中學課本之後，會做好預習工作，瞭解中學會學些什麽，儘快熟悉，並找到方法。爭取順利與中學學習銜接。他們也已知道，每個學習都是為將來的學習打下基礎。

衷心感謝您的提醒！

200904

回覆 YolandaTam 的帖子

嗯，如果這樣，我也會引導小朋友對應調節學習方法。在課前自行先預習。希望幾年之後，處於青春期的孩子仍能虛心聽取老母親的指導吧。

YolandaTam

200904 發表於 21-5-27 14:56
回覆 YolandaTam 的帖子

嗯，如果這樣，我也會引導小朋友對應調節學習方法。在課前自行先預習。希望幾年之 ...

加油
又唔駛俾太大壓力自己嘅，我哋只須講咗要講嘅嘢（講一次好啦，費事佢哋覺得煩）就算啦，聽唔聽由得佢哋啦，畢竟讀書嘅係佢哋又唔係我哋。
大家互勉！

b3410

200904 發表於 21-5-27 14:53
回覆 洋蔥頭媽咪 的帖子

謝謝你的祝福！

小學所學的，同中學比較，簡直就係九牛一毛。唔知你兩位千金有冇參加一些資優課程？我覺得依家屬於黃金時期，俾佢哋多d挑戰自己。無論網課還是面授，多些不同的exposure.  

我唔想提早去學習中學課本，也不想再去溫習小學內容。反而應該去了解多些學校唔會教授的內容。睇佢哋自己興趣，學d “唔啱使”，即係學校課程冇乜關係的課程。
例如當初大女就揀了earth and space science, life science 之類，仔就揀philosophy， psychology 類課程。大部分要自學，再去自己網上搵資料，睇相關書籍。因為都係佢哋自己揀的內容，都學的好有興趣，也沒有荒廢時間。

還更好的過渡到中學的學習方法。

200904

回覆 b3410 的帖子

資優學苑的網課多是理科課程，但她們偏向文科。最近看到有文學課程，但要山長水遠去沙田，她們說那寧願繼續學明報的《小作家》好過。
其實，她們最願意學的就是minecraft，整個小學都沒買過課外參考書，習題集，現在minecraftg的參考書就有大概10本。然後每天做完功課就看參考書，youtube，真的是興趣濃厚。我細女話，因爲她的目標是將來做個電子游戲設計師，所以現在要深入瞭解一下電子游戲，而minecraft又是現在最優秀的電子游戲喔。

b3410

200904 發表於 21-5-31 09:34
回覆 b3410 的帖子

資優學苑的網課多是理科課程，但她們偏向文科。最近看到有文學課程，但要山長水遠去沙 ...

人文類的課也都唔少，而且我依家更加鐘意報文科類，因為其他地方好少有類似課程。理科類如果將來唔參加競賽，我覺得意義有限。屯馬線通車後過去沙田可能方便些。
試下CTY網課，也不錯的。
Minecraft我仔都玩好多，妹有時一起玩。

mcl203

點解上堂聽書，測考前少溫，就係學習上態度出現問題？學習態度良好嘅，係並非一成不變去走佢人生嘅學習路～～～

YolandaTam

mcl203 發表於 21-5-31 11:22
點解上堂聽書，測考前少溫，就係學習上態度出現問題？學習態度良好嘅，係並非一成不變去走佢人生嘅學習路～ ...

因為如果習慣少温習，好難適應高中 DSE 囉，識得讀緊或近年讀過 DSE 理科課程嘅朋友會明白。
因為課程多，時間趕，老師唔夠時間深入講解，如果只靠聽課，除非係天才，否則未必應付到測考，最惡劣情況可以係連題目問乜都搞錯。另外考試卷又深又長，例如 Chem, 我女話嚟緊大考三小時， MC 40題，LQ 14題，廿幾三十版卷，跟本係同時間競賽：你一見到條題目要即寫先至做得晒。咁如果平時少操題，即使明晒，都輸速度，結果低分。

mcl203

YolandaTam 發表於 21-5-31 11:37
本帖最後由 YolandaTam 於 21-5-31 11:38 編輯

因為如果習慣少温習，好難適應高中 DSE 囉，識得讀緊或 ...

我並非指中學階段，初中，中中，高中，已經唔同吧，亦係我所認為，態度良好，唔會用一個學習模式去應付不同程度需要～～～

riddle

回覆 b3410 的帖子

請問可以分享資優課程或CTY網課的website嗎？想看看課程資料和Admission Criteria。謝謝！

YolandaTam

mcl203 發表於 21-5-31 11:48
我並非指中學階段，初中，中中，高中，已經唔同吧，亦係我所認為，態度良好，唔會用一個學習模式去應付不 ...

咁樓主女兒升中，我哋咪只講中學囉。
讀大學，如果遇着上課自吹自擂，只講自己一家之言嘅教授，更不能只靠聽講。