求指教，留港書讀還是番深圳讀書好？

Ellachan28

本人住深圳，因疫情安排左小朋友同同學夾份租住香港樓方便上學。最近對小朋友就讀的中學有一些疑惑，小朋友成績一般對讀書無興趣，討厭考試。六月又到考試日期，她經常說考試好辛苦需要考好多科，學校早幾天通知考試期間又要額外付費考多一科英文托福考試，強制一定要考，但是我們並不需去外國留學。之後聽到同學說可以不考試，不可以迫人考試！小朋友又想不考試，究竟中學有沒有權迫人付錢考試？還是香港中學全部都是這樣？如果不是我可以怎樣向小朋友解釋？我是不是應該轉校？如果我小朋友不考，學校會不會針對小朋友？

Yanamami

香港學校唔會逼人考校外試（例如TOEFL, IELTS,或普通話評級試……之類）。校外試通常都係學生自願想考。我女小學私校會有要學生考JUNIOR TOEFL之類。

gracelam

Ellachan28 發表於 21-5-16 19:46
本人住深圳，因疫情安排左小朋友同同學夾份租住香港樓方便上學。最近對小朋友就讀的中學有一些疑惑，小朋友 ...

香港學校點會迫人考試 你唔想考咪唔好報名囉!

Ellachan28

你不相信嗎？上堂時老師親自説的!規定中二同學必須考試

cafeva

咁不如返深圳讀？起碼你會信心大D又方便照顾

Jane1983

唔係唔信你，但硬性要求學生付費考額外校外試，係香港真係好少。

一來容易被家長嘈，二來學校咁做無咩好處，三來多咗行政工作。

gigayan

校外試多數係自願性質，建議不如同學校老師溝通下，當中會唔會有誤會。

黑咪喵

如果係津校絕對無可能強制學生考學校以外試，樓主不如問清楚自己小朋友或者打電話向學校求證…疫情不知道幾時完結，如果深圳有學校收小朋友，真係不如深圳讀，因為香港讀書因為疫情隨時停課用zoom上堂，對小朋友唔係一件好事！

Ellachan28

是津校。聽取完你們的意見後我很懊惱。為什麼學校是這樣的

黑咪喵

Ellachan28 發表於 21-5-17 20:42
是津校。聽取完你們的意見後我很懊惱。為什麼學校是這樣的

學校通告係咪一定要小朋友參加考試先？咁多年嚟都未聽過津校會強制考呢類試，至多俾通告同學自由參加

Ellachan28

還未出。上課時，有同學問老師是否一定要參加老師回答是

Ellachan28

不衹一次。最初我都不相信，加上你們所說的事我現在明白(鑽空子)。記得有一次學校星期六學校舉辦開放日，強迫全級中一及中二學生回校出席開放日，沒有得選擇參加與否，不出席者當作缺席！有家長向教育署投訴，最後學生無需強迫參加⋯⋯

dingyan

會唔會小朋友誤會咗？不如直接打俾老師問下是否必須報名？

dingyan

或者email問，白紙黑字清清楚楚。。

gracelam

Ellachan28 發表於 21-5-17 21:52
還未出。上課時，有同學問老師是否一定要參加老師回答是

通常呢D要繳費的考試，學校會出通告給家長，若不想參加，可以不同意不繳費。

學校只有鼓勵參加，冇得迫。

Yanamami

Ellachan28 發表於 21-5-18 07:58
不衹一次。最初我都不相信，加上你們所說的事我現在明白(鑽空子)。記得有一次學校星期六學校舉辦開放日，強 ...

有趣，通常開放日全校放假，衹有模範生番去招呼“賓客”

kirstyau

gracelam 發表於 21-5-16 21:24
香港學校點會迫人考試  你唔想考咪唔好報名囉!

有架！家姐學校中三前一定要考gapsk, 但這兩年疫情關係，阿女中三條線，可以延遲出年中四先考。

不過經濟困難可以申請資助考試費。

黑咪喵

Yanamami 發表於 21-5-18 09:41
有趣，通常開放日全校放假，衹有模範生番去招呼“賓客”

係囉！開放日一般都係風紀或老師認為乖、叻學生先返去幫手，可能我仲屬於井底之蛙啦，真係未見過或聽過強逼全級學生都要返去，除非一級得果三幾十人啦

黑咪喵

kirstyau 發表於 21-5-18 13:15
本帖最後由 kirstyau 於 21-5-18 13:18 編輯

有架！家姐學校中三前一定要考gapsk, 但這兩年疫情關係， ...

係咪津校先，津校真係唔可以強逼考呢d試喎，就算普通出外比賽都好，都要家長簽咗同意先可以去啦

kirstyau

黑咪喵 發表於 21-5-18 13:24
係咪津校先，津校真係唔可以強逼考呢d試喎，就算普通出外比賽都好，都要家長簽咗同意先可以去啦 ...

係呀！聽班家長講操下past paper 已經夠合格。老師話未試過有人唔合格。學校仲係考試場地，驚唔識學校仲有開班上堂。甘又唔需要放到太大，相信有困難同學校講會處理。