請問有讀鄧顯中學的同學或者家長嗎,想問問大家

傘尼

請問有無現在讀鄧顯中學的同學或者家長可以幫幫我,想問:


1. 鄧顯中學功課多嗎,特別係主課,大概要做幾耐?

2. 一個學期幾多考試,測驗呢?

3. 上、下課幾點?

4. 補課很多嗎?幾點放?補星期六日,假期嗎?

5. 呀SIR,MISS,訓導,新校長怎樣?師生關係好嗎?

6. 上課氣氛好嗎?積極答問題還是好被動,同學態度、紀律如何,上課嘈唔嘈?

7. 係咪好注重谷成績呢?要攞好多獎?出去比賽?

8. 出去食LUNCH定要學校食?帶飯有無蒸氣機?幾點食到幾點呢?

9. 捉遲到,欠交,儀容情況係點?點樣罰?

10. 課外活動多唔多?活動到幾點?有無交流團呀??

11. 疫情停課,網課會點?用ZOOM嗎?家長日,考試會點?

12. 同學們老師們夠唔夠休息,壓力大唔大?


不好意思問題有點多,唔該大家幫幫忙,真的萬分感激!
   

tt106

嘩，好多問題，唔緊要逐條答(emoji)
我女兒都在鄧顯讀，知道的盡量答。
1。功課的確多，主科和副科，要做幾耐，睇下小朋友能力，女兒當年都做好耐。
2。2測2考，考試前老師再嚟過小測先。
3。依加都返8點，行夏令制，如行冬令制，返8點2O分。下課1時35分(夏)/3時45分(冬)，未計放學D活動。
4。補課返星期六上午/下午，有D同學返晒上下午，老師安排學生返去補底，不過，唔係老師教，係舊生回校教學生。
5。全校老師都好好，不過緊有D惡老師，hea 老師。
6。上課氣氛好，同學都積極答，唔識答次次都叫你答(阿女見過)。同學好好，呢間學校出名紀律嚴格。
7。好谷成績，你有能力，老師先叫你出去比賽。
8。可以出去食/係學校食，可帶飯，家長送飯都得，留意通告有寫。依加只返半日，不用留校食飯。
9。對儀容超嚴格，遲到要罰企，遲到3次記缺點。
1O。課外活動多，是乎該活動玩到幾點，你預6點前走到，有交流團(暑假)去英國。
11。用team 上網課，依加開始逐步返學校上課，下午要網課，追課程。
12。阿女話辛苦(功課多和深)和壓力大(來自自己，因D同學水平真係高)。
希望幫到你啦，小朋友入到鄧顯，雖然辛苦和壓力大，但係佢睇到係另一個知識世界，係值得的，做家長，只可以多關心和理解佢既壓力。

medicine

tt106 發表於 21-5-2 00:12
嘩，好多問題，唔緊要逐條答(emoji)
我女兒都在鄧顯讀，知道的盡量答。
1。功課的確多，主科和副科，要做幾 ...

嘩，好多問題，唔緊要逐條答(emoji) 我女兒都在鄧顯讀，知道的盡量答。 1。功課的確多，主科和副科，要做幾耐，睇下小朋友能力，女兒當年都做好耐。 2。2測2考，考試前老師再嚟過小測先。 3。依加都返8點，行夏令制，如行冬令制，返8點2O分。下課1時35分(夏)/3時45分(冬)，未計放學D活動。 4。補課返星期六上午/下午，有D同學返晒上下午，老師安排學生返去補底，不過，唔係老師教，係舊生回校教學生。 5。全校老師都好好，不過緊有D惡老師，hea 老師。 6。上課氣氛好，同學都積極答，唔識答次次都叫你答(阿女見過)。同學好好，呢間學校出名紀律嚴格。 7。好谷成績，你有能力，老師先叫你出去比賽。 8。可以出去食/係學校食，可帶飯，家長送飯都得，留意通告有寫。依加只返半日，不用留校食飯。 9。對儀容超嚴格，遲到要罰企，遲到3次記缺點。 1O。課外活動多，是乎該活動玩到幾點，你預6點前走到，有交流團(暑假)去英國。 11。用team 上網課，依加開始逐步返學校上課，下午要網課，追課程。 12。阿女話辛苦(功課多和深)和壓力大(來自自己，因D同學水平真係高)。 希望幫到你啦，小朋友入到鄧顯，雖然辛苦和壓力大，但係佢睇到係另一個知識世界，係值得的，做家長，只可以多關心和理解佢既壓力。 _________________________________ 好似如7所講,好谷:想知道,成績跟不上怎麽辦?是否除了周六上下午都補課外,仲有沒其他?(6都算壓力,唔識答次次都叫答)

tt106

medicine 發表於 21-5-2 00:28

小朋友上課要聽書，回家要温書，所以一日24小時都唔夠用，慢慢會越夜先訓。個個開始時都成績跟唔上，老師會叫你星期六去返補底班，我覺得功效一般，最重要係靠平日温習，可以去補習，當年阿女頭2年都跟唔上，成績表全紅色，D同學好好，放學教佢，夜晚做功課透過電話教佢，有時好早返學教佢，中二學期尾開始只有2~3科紅色。
學生係學期尾考試真係好差，會要佢留班，唔合格D主科同學，係暑期3星期上補習班，由老師再補一次，3星期後有測驗，阿女話唔難(阿女都去果2年)合格者可升班，唔合格要留班。
唔知解答咗你既問題。

傘尼

tt106 發表於 21-5-2 00:12
嘩，好多問題，唔緊要逐條答(emoji)
我女兒都在鄧顯讀，知道的盡量答。
1。功課的確多，主科和副科，要做幾 ...

多謝你咁詳盡回應和鼓勵我,真係好幫到手,感激不盡

傘尼

tt106 發表於 21-5-2 08:18
小朋友上課要聽書，回家要温書，所以一日24小時都唔夠用，慢慢會越夜先訓。個個開始時都成績跟唔上，老師 ...

咁D同學仔真係好好,恭喜你個女進步左咁多,我相信媽媽嘅付出都唔少呀,你囡囡而家中幾了?

medicine

tt106 發表於 21-5-2 08:18
小朋友上課要聽書，回家要温書，所以一日24小時都唔夠用，慢慢會越夜先訓。個個開始時都成績跟唔上，老師 ...

小朋友上課要聽書，回家要温書，所以一日24小時都唔夠用，慢慢會越夜先訓。個個開始時都成績跟唔上，老師會叫你星期六去返補底班，我覺得功效一般，最重要係靠平日温習，可以去補習，當年阿女頭2年都跟唔上，成績表全紅色，D同學好好，放學教佢，夜晚做功課透過電話教佢，有時好早返學教佢，中二學期尾開始只有2~3科紅色。
學生係學期尾考試真係好差，會要佢留班，唔合格D主科同學，係暑期3星期上補習班，由老師再補一次，3星期後有測驗，阿女話唔難(阿女都去果2年)合格者可升班，唔合格要留班。
唔知解答咗你既問題。


______________________________






多謝你的詳細分享及解答.

學校整體成績好,離不開全體師生的努力.家庭的理解及支援.

年前曾經對鄧顯的各個年級人數甚有興趣.在某個post被幾個(鄧縣)家長話,他們所知係極少人留班..校務報告有各個年級人數的變化,有網友幫手計算出來.今日聼真用家分享,堅信當日的感覺.


最後,祝賀你的女兒繼續進步,將來獲得理想成績.

tt106

傘尼 發表於 21-5-2 16:11
多謝你咁詳盡回應和鼓勵我,真係好幫到手,感激不盡

希望你小朋友好快適應鄧顯中學生活，壓力間間 band 1 中學都有，只要小朋友盡咗力，結果可能不合格，都要多鼓勵佢，下次可以考多1~2分都叫進步咗，遇到功課難題，鼓勵佢請教同學，要知道呢間係神校，功課和考試都深，我女兒試過灰到要轉校，同女兒傾談後，佢願意接受挑戰，繼續留校就讀。當佢慢慢長大，呢間中學既磨練對佢人生好大幫助。

tt106

medicine 發表於 21-5-2 16:31
小朋友上課要聽書，回家要温書，所以一日24小時都唔夠用，慢慢會越夜先訓。個個開始時都成績跟唔上，老師 ...

大家一齊努力啦!

medicine

tt106 發表於 21-5-2 16:31
希望你小朋友好快適應鄧顯中學生活，壓力間間 band 1 中學都有，只要小朋友盡咗力，結果可能不合格，都要 ...

這就是家庭的理解及支援.
有的會心痛子女,早早轉校.有的會如你一樣,鼓勵小朋友,迎難而上,從而戰勝困難.這一點,值得贊許

tt106

傘尼 發表於 21-5-2 16:15
咁D同學仔真係好好,恭喜你個女進步左咁多,我相信媽媽嘅付出都唔少呀,你囡囡而家中幾了?
...

今年中六考DSE啦，回顧六年，悲喜交集，要學識放手，功課上已幫不了，只能靠佢自己和多鼓勵佢，一次比一次少進步，都叫進步，不要給她任何壓力，因佢哋已經有好多壓力。

ruisz

傘尼 發表於 21-5-1 22:10
請問有無現在讀鄧顯中學的同學或者家長可以幫幫我,想問:

以我所知答下您
1功課肯定多
5新校長係原校升,在鄧顯工作了二十幾年,一定會繼承前兩任校長嘅教學理念,是一個謙厚中年男士
小貼士：如果面試嘅係男仔,級前三名收嘅機會極高.因為大抽獎階段入鄧顯係女仔多過男仔,大家可以留意下鄧顯每班女仔係比男仔多出幾個.

ruisz

tt106 發表於 21-5-2 16:38
今年中六考DSE啦，回顧六年，悲喜交集，要學識放手，功課上已幫不了，只能靠佢自己和多鼓勵佢，一次比一次 ...

祝您囡囡係咁摘星！

tt106

承你貴言，多謝。

傘尼

tt106 發表於 21-5-2 16:31
希望你小朋友好快適應鄧顯中學生活，壓力間間 band 1 中學都有，只要小朋友盡咗力，結果可能不合格，都要 ...

好呀,聽左你嘅經歷,我信心都大咗,希望一切OK啦!你女女中一、二那時是舊校長,現在換了新校長,唔知D 各種安排有無變呢....總之多謝晒你

傘尼

tt106 發表於 21-5-2 16:38
今年中六考DSE啦，回顧六年，悲喜交集，要學識放手，功課上已幫不了，只能靠佢自己和多鼓勵佢，一次比一次 ...

祝你囡囡考試順順利利,成績優秀,考進心儀學系!

tt106

傘尼 發表於 21-5-2 22:14
好呀,聽左你嘅經歷,我信心都大咗,希望一切OK啦!你女女中一、二那時是舊校長,現在換了新校長,唔知D 各種安排 ...

學校有D保守，多數唔變，但都要多留意。

傘尼

ruisz 發表於 21-5-2 20:13
以我所知答下您
1功課肯定多
5新校長係原校升,在鄧顯工作了二十幾年,一定會繼承前兩任校長嘅教學理念,是一 ...

多謝你的資訊呀,可唔可以分享多D 最近這一兩年這位校長升任之後,有無野同之前唔同咗,包括學業、課外活動、升留班或星期六補課之類,唔該曬!

tt106

傘尼 發表於 21-5-2 22:19
祝你囡囡考試順順利利,成績優秀,考進心儀學系!

多謝先。

bobbob

tt106 發表於 21-5-2 08:18
小朋友上課要聽書，回家要温書，所以一日24小時都唔夠用，慢慢會越夜先訓。個個開始時都成績跟唔上，老師 ...

齋睇都戥你哋辛苦，自問無咁嘅心理質素就千祈咪報呢間