多年以後, 有沒有什麼覺得註定是白費氣力的事?

retriever

我自己經歷是孩子學樂器.

聽回來的, 是孩子在沒有長期語境下學外語!

YolandaTam

retriever 發表於 21-4-27 14:17
我自己經歷是孩子學樂器.

聽回來的, 是孩子在沒有長期語境下學外語!

我家高中生學咗五年小提琴，一上中學即停，除咗音樂科考 practical, 唔駛旨意佢拎起隻琴，佢話完成中六第一件事就係賣咗隻琴
另一經歷就係叫完全無語文天賦嘅數學人睇中/英文小說或詩詞以令語文科成績好，嗰啲人無論睇幾多都係水過鴨背，連情節都只記得大概，更遑論記得啲句式、生字、描寫手法......對呢啲人嚟講，閱讀小說都係作為消閒好了，反而閱讀非小說、資訊類或報章雜誌得益更大。

MrBeast

大部分eca, 付出和回報都不成正比，不過希望過程中有得著（有時係估d小朋友唔到）

Jane1983

所有家長鍾意，細路順你意的興趣活動，都係註定白費心機的。

不過世事無絕對，有日佢捱到開竅，突然好熱愛亦唔係無見過。

RRDDragon

學樂器好多時都是家長想小朋友學，小朋友其實不enjoy

gloryu2

我地都係學左2，3年琴，再學2年小提琴，最後升中後個個去晒合唱團玩。我就叫俾佢地感受過，冇考級，就見佢地唔多練我都放棄，話唔想學就唔好學啦

YolandaTam

RRDDragon 發表於 21-4-27 22:03
學樂器好多時都是家長想小朋友學，小朋友其實不enjoy

我哋係小學要求要學：一係入樂團或學校樂器班，如在外學要交學費單副本証明，所以一上中學即刻停。

msmilkli

請問「白費氣力」是指最後沒有achieve 到什麼嗎？我也沒有想過學樂器有什麼目標，純粹給孩子試試看！

分享一下我孩子的現況，囝仔學了3年多琴，又學了一年多saxophone ，暫時初小時間夠用，他也養成了練習的習慣，他明白練琴是自己的責任，但練習是苦悶的過程，我只好在旁邊鼓勵一下！

之前他有參加過一些鋼琴比賽，蚊型比賽得獎，較大型比賽也得到了一些豬肉獎！因為有學琴嘅底子，saxophone 也學得不錯，但他告訴我他只希望表演給自己及家人欣賞！我有與他討論過要否停其中一樣，他又說不用！

這麼說來，你覺得要「止蝕」嗎？還是引導他定立一個明確的目標嗎？

0030

小朋友想學的一般都會支持，但白費力氣的事，我覺得沒有～享受過程就足夠，比如，我女之前年年參加西九運動會，都系包尾，但她每個星期放學後都要訓練1-2日，有些家長會覺得浪費時間，但我覺得無所謂～想參加就參加，得獎當然好，不得也是一種經歷～

b3410

是否白費力氣，可能取決於當初開始時的心態。如果本來就是重在參與，當學過玩過就算，就唔會覺得費咗力氣。

如果本身有些goals to achieve，一直好努力，最後達唔到，就會覺得白費力氣。

Jane1983

jli008 發表於 21-4-28 11:32
白費力氣與否係睇家長自己咩心態,家長對孩子能力得與失越冇太大要求,大部份做既野都唔會有白費力氣感覺出現 ...

所以係睇家長初衷。如果一心要贏國際賽事，揚名立萬，就會覺得白費心機。

Jane1983

回覆 ar_mak 的帖子

小朋友八級琴，除非剩係練考試歌，否則係我心目中係叻的。但在香港這個地方，幾年前一個直資校長直頭考佢間中學唔使填，因為呢d考得佢學校的學生大把人有。
我女都係八級琴，佢唔少朋友都係，從功利角度係無用，幫唔到任何嘢。但我對音樂就無乜強求，佢樂在其中就得。

Jane1983

回覆 jli008 的帖子

香港好多雄才大略的家長