用戶登入
用戶名稱:
密      碼:
搜索
教育王國 討論區 小學雜談 多年以後, 有沒有什麼覺得註定是白費氣力的事? ...
樓主: retriever
go

多年以後, 有沒有什麼覺得註定是白費氣力的事?

Rank: 11Rank: 11Rank: 11Rank: 11


47530
發表於 21-5-2 16:36 |顯示全部帖子
回覆 MrBeast 的帖子

果個亞爸真係錯,如果大肌弱,真係無辦法,需要時間練習。同埋課外活動,唔使咁勞氣。
不過我老公都係咁既人,佢以為自己發牢騷,又唔知自己大聲,小朋友係聽到的


Rank: 7Rank: 7Rank: 7


11018
發表於 21-5-4 10:49 |顯示全部帖子
jli008 發表於 21-4-30 11:02
教育女兒路途上,我放棄自己自由,覺得最重要就係陪伴孩子,咩都唔太約束女兒做事(錯事會提點),唔強逼學多餘東 ...
這些你會做嗎?



其實前段都講左D,大家係唔應該做一個無謂既比較。我同個女,K3已經一齊跑5K,你會做,又做得到嗎?你做既野我當然係欣賞,我亦都好老實咁答你,你既野我係做唔到。


本身我同你既想法有好大出入,亦正因為咁可能會多D野講。你一開始就提到,係放棄自己既自由(去做一個交換?),我以前係有過一段時間都曾經咁樣去諗過,但咁做真係太辛苦喇,成功機率亦低,於是我就由<放棄>轉為<同行>既想法,一家人唔一定係要由我去做偉大果個,而且要攪到仔女好似欠左自己咁,男人老狗唔係好想攪埋呢D野,我想佢地第日係可以放得低,唔好太受父母影響。不過,你要注意我唔係完全否定你所做既野,你要繼續做,唔好比人講兩句就懷疑人生。


另一個問題就係你成日講既要開心(或者快樂,愉快,咩都好啦),咁點先為之係開心呢?你地可能冇玩運動(見你冇咩點子講開呢類話題,事實係點我就唔知),所以大家睇既野會有D出入。唔玩運動既人,可能會講志在參與,細路仔跑下跳下就好,咁可能係因為想借運動而去達到另一個目的,呢D我唔清楚。真係想玩既人,就係想贏。想贏係需要計劃,需要方法,需要好多人同事既配合,需要要求自己有好大既付出,要接受到自己會經過好多好多好多次既失敗,輸好多好多好多次,然後先可能擁有得果一次咁大把既冠軍獎牌。開心係可以因為有得玩果一種,亦可以係因為無限付出果一種。


PS:<陪>其實又係咪咁難呢?我覺得唔係囉~
PS:你成日都隨隨便便便就做到好多野,你勁囉~






Rank: 11Rank: 11Rank: 11Rank: 11


47530
發表於 21-5-4 12:28 |顯示全部帖子
ar_mak 發表於 21-5-4 10:49
這些你會做嗎?

你講得好好。好似有個張家輝的廣告:想贏,就要不自量力。新一代物質太豐盛,人係需要果種鬥心,搏到盡,唔留係comfort zone。

我女有朋友仔為小小事要生要死。牌面睇,家庭富裕,父母愛錫,司機車出車入,出入馬會、Amc,、根本係人上人...我唔係無同理心,佢逼吓巴士,做吓苦工,面對吓人間疾苦,可能有番個perspective。

Rank: 6Rank: 6


6539
發表於 21-5-4 16:08 |顯示全部帖子
本帖最後由 jli008 於 21-5-4 17:32 編輯

回覆 ar_mak 的帖子

所以各人做法各有不同,所以冇咩收埋冇講,真係既話好多人都一樣.


我衹可以講同你既分別係冇咁大目的性.你提及K3就一齊跑5K,唔知係真正有多遠(感覺好長),但咁細個就刻意去跑,感覺係會容易做成腳疲勞而對成長有所損害.我肯定都有一起跑,不過冇你咁早到K3就這樣,最多都衹是到公園行下玩下就夠,小學時候就會一起慢跑,且有時她踏單車或踏滑輛我跑步,我用意同你諗嗰啲唔同,我衹為孩子有適當的運動量就夠,唔需要做咩一流運動員.


這個字所以我講香港好多人好難做,且喜歡自由未玩夠及怕辛苦唔想煩既人就更難,當然也有些是為了生計. "陪"唔係難,但你有這個想法就已經証實做得不夠完善(個人認為而已), 所有野都係相對論,唔係得就係失,你越要有此值不值得諗法自然就越多理由. 我放棄了自己自由,雖然辛苦但很快樂,孩子成長既階段,每失一分鐘就冇咗一分鐘既陪伴(有時候因那一分鐘你不在場會遺憾).更何況因此陪孩子快樂成長,唔會因為咁要令孩子好似欠自己咁.


開心個個人都話有,但是否真正開心衹有自己才知道,唔需要講比人聽點樣開心,且我所講學習既開心是心態,最簡單成日限制玩樂又打又罵去令孩子學習,與父母成日可以陪著玩唔會打罵去學習,兩者出來效果肯定都會不同. 運動玩樂既話題及意見我都有提及過,你可能冇睇到. 你提及運動想輸贏這點,那已經係向專業部份,都會有那份鬥心,既然係有這方面有能力,自然要用很多時間去訓練(等同讀書一樣),這正常已經唔係玩玩這種心態.


原上了中學冇煩腦事,又與女兒一起煩這個選科問題,雖然同老師了解選科事宜,都有好多不同種類項目,但真係覺得教育局為此安排有些浪費(說不出原因,感覺整個框架出來,局限孩子出路),都已經冇理太多,讓孩子喜歡讀咩就讀咩,最緊要主科冇問題就好. 好像最近有位美國哥倫比亞大學畢業女生,最後做了喜歡的中菜廚師.所以將來什麼走孩子自行會選擇.


https://hk.appledaily.com/ETW/20210504/LPKTCA6TG5HT5NIZQMCHCVJRUE/

PS:隨便在於心態. 我唔勁的,比好多有知識既人差好遠,我係冇咁多要求啫.
開心是學習最主要因素

Rank: 7Rank: 7Rank: 7


11018
發表於 21-5-4 17:56 |顯示全部帖子
jli008 發表於 21-5-4 16:08
回覆 ar_mak 的帖子

所以各人做法各有不同,所以冇咩收埋冇講,真係既話好多人都一樣.
拿,你唔好比K3同埋5K呢兩個數字嚇親先。你要睇下選擇果條路線係平路,還是係好多斜路;果日既空氣污染指數係點,溫度同相對濕度又係幾多,係咩時間去跑,有冇要求係一條氣跑哂。咁如果係可以跑下行下,行下又跑下,目標只係完成既話,我諗都算係輕量既訓練掛?而且K3之前既K1K2,都已經有過2年既<跑步>經驗,又未至於係一開始就去訂立一個好大既目標。然後引伸到既受傷問題,呢個係必然會出現既情況,所以,反過來第一日就係要學識點樣跌,點樣撞,點樣去保護自己,同埋點解要做熱身,然後仲要將呢堆野變成為習慣,以後每次都係本能咁去做出黎,從而去為將來減輕會受重傷既機會。因為一受傷,係咩都玩完,其實,保障性真係唔高,所以,我從來都冇同你講過,要靠玩運動去考學校,或者去做職業運動員,你只係估我係咁諗姐。

PS:你果筆等我再研究下可以再點去問你,你今次又係講番以前果D,唉~!

Rank: 7Rank: 7Rank: 7


11018
發表於 21-5-4 18:03 |顯示全部帖子
Jane1983 發表於 21-5-4 12:28
你講得好好。好似有個張家輝的廣告:想贏,就要不自量力。新一代物質太豐盛,人係需要果種鬥心,搏到盡, ...
EM。。。刻意去體驗會唔會變成係消費貧窮,呢個要好小心處理。

PS:如果有一日,我同張家輝企係同一個台,佢係影帝,我咩都唔係。我諗,我唯一能夠贏到佢,就係係佢面前,講普通話。

"打渣巧~禾屍渣渣輝!"

跟住叫埋古天樂一齊上台講。

Rank: 11Rank: 11Rank: 11Rank: 11


47530
發表於 21-5-4 18:44 |顯示全部帖子
回覆 ar_mak 的帖子

人地仔女,邊度到我處理,我都係有d感想啫。
講起張家輝和古天樂,亦證明呢個世界無嘢係「註定」。張係亞視咁霉,古直頭坐過監,如果佢地認命,就無今日。



Rank: 7Rank: 7Rank: 7


11018
發表於 21-5-4 21:01 |顯示全部帖子
Jane1983 發表於 21-5-4 18:44
回覆 ar_mak 的帖子

人地仔女,邊度到我處理,我都係有d感想啫。
張家輝同古天樂,除非話有D好爆既黑材料仲未出街,否則,佢地都算係咁架喇。

PS:張家輝曾經拍過一個廣告,佢話要贏人,先要贏自己,呢句我到今日都仲依然記得。

點評

Jane1983    發表於 21-5-5 09:13

Rank: 6Rank: 6


6539
發表於 21-5-5 16:02 |顯示全部帖子
本帖最後由 jli008 於 21-5-5 16:09 編輯
ar_mak 發表於 21-5-4 17:56
拿,你唔好比K3同埋5K呢兩個數字嚇親先。你要睇下選擇果條路線係平路,還是係好多斜路;果日既空氣污染 ...

講真,我唔係好明你成日話我都係講以前果D究竟係咩?或許因為全都是真,所以唔會有加油加醋,來來去去都係嗰啲.
其實在論壇上寫野出來,正常有真有假,但教育論壇,正常都應是真實事情,你寫了出來既野,轉頭又話唔好比那些數字嚇親,那變相你寫出來既野咪係吹水?   其實你講那些一起跑步/跑多少/跑多遠/空氣好與否,早到K1開始既堅持(以文字上列出),這當然也會對孩子身體都是好事, 但真係已算是一種有系統式既輕量訓練,已經有種好像偏向運動方向目標.若衹是讓孩子點樣跌/點樣撞/點樣學識保護/點樣做熱身/點樣變成習慣,一般適量既玩樂運動教育都可以做到, 同埋以孩子K1開始心態,在我來講覺得唔會係喺開心中成長,更會因不合適的運動量而影響發育.且這點距離"陪"這個字差好遠.正常個個父母都會有陪孩子(包括Mak哥你),衹是對好多小學之前既孩子而言太少.

贏係一件好事,輸也不一定是壞事,讓孩子從中了解輸在那裡,最後能慢慢解決了那些問題,所以不論贏又好輸又好,對孩子也會是一件好事,睇點樣處理. 所以要贏人先要贏自己係啱,但從不合適的方式去贏就衹會教壞孩子,就好像早前提及抄功課事件,若給老師知道要重做,且更唔會令孩子學到真正知識,這也是白費氣力去抄. 另昨天新聞報導一位警司,用不合適的方法為了得到更多金錢買樓還是什麼,但最後一舖輸清光,這位警司就真係辛苦多年最後白費氣力了.


開心是學習最主要因素

Rank: 7Rank: 7Rank: 7


11018
發表於 21-5-6 10:24 |顯示全部帖子
本帖最後由 ar_mak 於 21-5-6 10:31 編輯
jli008 發表於 21-5-5 16:02
講真,我唔係好明你成日話我都係講以前果D究竟係咩?或許因為全都是真,所以唔會有加油加醋,來來去去都係嗰啲 ...

我地重新再講過。首先我講K3跑5K既事,主要係想對等咁去回應番你果個煮6年飯既經驗,從而再去講解番再之前既睇法,就係大家唔好去作一個無謂既比較。而跑5K既例子,入面係有一個同行既體驗,而唔係單向只係我對個女好,我知道佢跑得辛苦,係因為我都跑到扯哂蝦。如果話煮飯既例子,我睇到屬於值得欣賞既地方,係長期去做一件小事呢份精神,透過累積,小事可以變成大事。但從我既角度,呢個對子女好既方式,係冇左同行呢樣野,同行係會演化成體諒,互相體諒。或者係呢個時候,你要好好想清楚,你係想搵同路人一齊圍下爐,開心下,還是有一個同你有不同睇法既人,會點睇你所做既野。你真係覺得太辛苦就唔好夾硬講解落去。

點解我同你會在睇法上有咁大分別,其中一個原因,係你只有一個小朋友,而我就唔止一個。以關係為例,你既重點必然就係同個女,但我就唔太睇重呢方面,而係睇重手足之間既關係。如果佢地將來既關係好,我諗我將來都唔會差得去邊,因為我只係要求返齊黎食飯,呢個要求係相當之清楚而且簡單既同時,係需要花好長時間去建立。

另外一個你唔係好明既地方,就正正路係而家你同我講緊既野。你個女已經中三,即係你同佢已經有超過10年既相處,期間真係冇試過一次既轉型?咩叫轉型呢,例如個女細個果陣,我多數負責帶玩帶食,有飲有食果D佢就識搵我,頭暈
身㷫就搵阿媽。咁我就省卻左思路呢部份唔講勒,直接去話你知,係我在照顧方面既工作做得唔夠(一方面可以睇成係分工,但我唔得,我要理埋呢D野),於是我嘗試去加強番照顧上既野,得到既回饋係,個女係多左去講D濕碎無謂野,話題闊左但真係好煩。


如果你話,個女開心做咩都會好,但我就從未有過呢份經驗,我個女簡單黎講,佢既生活係由開心同唔開心交錯而成。。。咁,係佢冇同你講唔開心既野,定係你唔小心睇漏眼錯過左D野呢?例如拍拖,鍾意左個男仔,果D實有喇掛,即係類似D咁既野囉,唔係要限死係某一個話題。


PS:跑步呢單野我會再同你講番詳細D。之前唔講咁多,一來根本我唔係想講跑步,亦唔會預計到原來你咁八。

Rank: 7Rank: 7Rank: 7


11018
發表於 21-5-6 11:23 |顯示全部帖子
本帖最後由 ar_mak 於 21-5-6 11:44 編輯
jli008 發表於 21-5-5 16:02
講真,我唔係好明你成日話我都係講以前果D究竟係咩?或許因為全都是真,所以唔會有加油加醋,來來去去都係嗰啲 ...

回想番第一日,帶個女落運動場,佢係咩都冇做,只係周圍行下睇下摸下,我就係後面跟住佢,我諗對於佢黎講,呢個時間同呢個地方,都係屬於自由。後來開始所謂正式跟教練學,但其實都係好流,或者應該講係紀律果方面會學得好過技術果方面。如果以接上小學黎講,由於在幼稚園階段,手眼協調既訓練都做得比同齡小朋友好,同埋係捱得,識聽野,玩咩運動都好易會成為天才。而事實上就梗係唔係咁計啦。

逗留係運動場上有咩好處呢?咁首先肯定係少左時間放落去電子產品。然後小朋友要自己想辦法去消磨時間,一係撩其他小朋友玩,一係自己拎住個波玩,個波可以拋可以踢可以滾,或者自己坐埋一邊,睇人跑,跟人跑,又或者走番埋黎搵下我。。。過程中,要玩得,要捱得,又要悶得。

跑街同跑運動場相比係有另一個體驗(先要有跑運動場既經驗)。例如可以有唔同既路線,可以用時間做挑戰,又可以用距離。跑街會有其他突發野,例如要避單車,要避狗屎,要提防比狗追啦(但我又未試過喎),同埋起左個頭,就要完成,因為唔一定會有車可以搭番屋企,同時都要知道咩叫量力而為。PS:你問跑5K即係幾遠,其實最好既答案,就係你親身去試一次!

關於受傷既問題,之前講果D,其實真係有咁既需要,不過唔太詳細再講。反而講番你認為跑5K係會受傷既呢個誤解。首先我並非專業,但亦唔係一無所知,我有兩條底線,第一係要出於自願,我會鼓勵個女盡量去跑,唔可以停,個意思係由跑改為行,行順左先再跑番。試過係行完冇力再跑番,咁就留番下一次,我地係唔需要立即就去將一個問題解決。下一次可能係下星期,或者係下個月,但肯定唔會係聽日,如果日日咁跑,就可能會出現你所諗既。。。勞損?第二係唔能夠負重練習。

去到呢度,係大約講左在幼稚園時期所能夠做到既野,我只係負責提供土壤,而將來要發生既事,就由佢自己去做決定,為自己負責。

Rank: 11Rank: 11Rank: 11Rank: 11


47530
發表於 21-5-6 15:42 |顯示全部帖子
回覆 ar_mak 的帖子

Mark哥,你講嘢可唔可以簡潔d呀

Rank: 7Rank: 7Rank: 7


12004
發表於 21-5-6 16:34 |顯示全部帖子
冇詳細睇所有的帖,不過我覺得有一樣野一定不會白費氣力的,就是運動,不一定是為拿獎,是運動本身對身心健康都有益,人都有自信D。

Rank: 6Rank: 6


6539
發表於 21-5-6 17:58 |顯示全部帖子
回覆 Jane1983 的帖子

我都要消化理解下(可能我頭腦太簡單),真係好密雜.............

點評

Jane1983    發表於 21-5-6 19:06
開心是學習最主要因素

Rank: 6Rank: 6


6539
發表於 21-5-6 17:59 |顯示全部帖子
964000 發表於 21-5-6 16:34
冇詳細睇所有的帖,不過我覺得有一樣野一定不會白費氣力的,就是運動,不一定是為拿獎,是運動本身對身心健 ...
所以睇咩心態~
開心是學習最主要因素

Rank: 6Rank: 6


6539
發表於 21-5-6 18:49 |顯示全部帖子
ar_mak 發表於 21-5-6 10:24
我地重新再講過。首先我講K3跑5K既事,主要係想對等咁去回應番你果個煮6年飯既經驗,從而再去講解番 ...
唔理跑多少吧. 其實真係冇咁煩復吧,你個人那個要求,既唔關同行又唔關體諒,若你的仔女優秀,將來一個飛去日本,一個飛去美國,一個飛去法國,正常都唔會咁容易一起返黎食飯,但肯定一點,若父母對孩子既愛係真,不論孩子什樣忙,都會自動自覺多回來陪你,唔需要你刻意出聲叫回來的. 當然一個同幾個仔女總有一點點分別,但父母愛孩子都是統一,唔會偏向那一方的. 我感覺你這個"陪"真係有些不同,
轉型係咩?唔.........例如我M到,現在反過來控制唔比我飲涼既野啦,算不算?

你還沒真正理解"開心"這個字,我所指出孩子活在快樂成長心情下,學習方面係會比較好啲. 小孩子點會冇唔開心,但唔涉及話題冇需要提出來,更何況未有拍拖,所以冇咩好講,孩子明白這階段係學習知識, 一般鐘意咩男仔點會唔知,衹係你們都未必識,例如劉宇/龔俊/肖戰,講出來又如何? 若然咁樣,其實好多人都成日講重覆既野,衹係你冇咁留意.

啲男人都講到我地啲女人係八婆啦,我唔算太八,衹係議事論事同講真實~~~
開心是學習最主要因素

Rank: 7Rank: 7Rank: 7


11018
發表於 21-5-6 18:52 |顯示全部帖子
Jane1983 發表於 21-5-6 15:42
回覆 ar_mak 的帖子

Mark哥,你講嘢可唔可以簡潔d呀
其實我已經刻意去斬開兩舊,再簡潔D就唯有係暫4件出。

PS:無論家長曾經迫過細路去學幾多野,細路又曾經放棄過幾多野,學左又好,學到又好,有成績定係冇成績都好,呢個都係成長既一部份。如果我唔認為在呢一刻就係最後,成件事既睇法就會完全唔同哂。

Rank: 6Rank: 6


6539
發表於 21-5-6 18:54 |顯示全部帖子
本帖最後由 jli008 於 21-5-6 19:08 編輯
ar_mak 發表於 21-5-6 11:23
回想番第一日,帶個女落運動場,佢係咩都冇做,只係周圍行下睇下摸下,我就係後面跟住佢,我諗對於佢黎講 ...

就咁睇MAK兄你內心已經係有系統性訓練孩子,自己唔覺吧,係唔係怪獸家長就見仁見智啦~當然自己孩子,什樣教什樣做都係家長自己決定,旁人冇得理會.
手眼協調也不用這樣做到,好像我女兒未入幼稚園開始便玩玩玩具琴,慢慢到玩真琴,一樣也可以做到,且更訓練到腦筋TIM. 其次電子產品,父母多陪孩子玩就自然少接觸這些(不論球類或紙牌類或其他玩樂方式),當然有些坐BB車就已經比孩子玩IPAD/手機,且父母自己都常在孩子面前玩這些就冇野好講~~

受傷那個諗法見你說K1開始走才說起,自己想一下孩子處於成長階段,小學開始這合理,K1開始就誇些,且這階段腳過渡疲勞真係影響發育,唔理你跑定行,所以才出現我所講既........勞損. 我幼稚園給孩子土壤衹需要舒適及正常泥土就夠,唔需要太過柯刻,因為自然都可以拙壯成長.




開心是學習最主要因素

Rank: 7Rank: 7Rank: 7


11018
發表於 21-5-6 19:00 |顯示全部帖子
jli008 發表於 21-5-6 18:49
唔理跑多少吧. 其實真係冇咁煩復吧,你個人那個要求,既唔關同行又唔關體諒,若你的仔女優秀,將來一個飛去日本 ...
而家輪到我要去諗番三日三夜消化下你講緊咩,攪唔掂就索性搵公正行算啦!

PS:M到呢樣野呢(你專登考一D唔屬於我強項既野)。。。我要問一問屋企人先,同埋比D時間我去搜集下資料先,大佬好難立即答到你架喎~

Rank: 11Rank: 11Rank: 11Rank: 11


47530
發表於 21-5-6 21:27 |顯示全部帖子
回覆 ar_mak 的帖子

其實人出生,就註定會死。人死如燈滅,乜都無晒,咁唔通中間做咩都係多餘?
人就唔係咁超然。咁超然,生又何喜,死又何悲,咁人類文明點發展?


你需要登錄後才可以回帖 登錄 | 註冊