請問精英班係咪會功課多啲？

小余

請問band 1 中學，係咪通常精英班會多啲功課？
囝囝中一僥倖入咗精英班，但明顯應付唔到個功課量。預計佢中二應該入唔返精英班，咁去普通班應該功課無咁多？如果無分別的話我就要諗幫佢校了

gracelam

小余 發表於 21-4-21 02:52
請問band 1 中學，係咪通常精英班會多啲功課？
囝囝中一僥倖入咗精英班，但明顯應付唔到個功課量。預計佢中 ...

間間中學唔同，我女初中讀精英班功課唔算多，但比較深，高中因為修X科多，core科上堂時數會比普通班少啲。

PTL_L

小余 發表於 21-4-21 02:52
請問band 1 中學，係咪通常精英班會多啲功課？
囝囝中一僥倖入咗精英班，但明顯應付唔到個功課量。預計佢中 ...

睇學校，我阿大學校，成績較好一班功課不多，但感覺係聚集咗一班對自己有要求的同學，學習認真，主要係氣氛問題。

洋蔥頭媽咪

小余 發表於 21-4-21 02:52
請問band 1 中學，係咪通常精英班會多啲功課？
囝囝中一僥倖入咗精英班，但明顯應付唔到個功課量。預計佢中 ...

呢個問題真係好睇學校，以我所知有部份較谷嘅中學本身都係勁多功課，精英班當然更甚，所以若力有不逮或者真係太辛苦，可能係錯配，呢類學校可能唔啱孩子建議轉校。
我大仔中學有精英班，佢果班功課係比其他班多成倍，佢哋做到頭都暈，反觀鄰班真係輕鬆好多。(真人真事)我大仔有個同學唔想留響精英班，響考試時特登考差啲，结果S2跌出精英班入返普通班功課輕鬆好多，攪到我大仔都有呢個念頭，幸好我不斷鼓勵佢堅持，其實去到S4選科後最終大家都走番在一起。

JJDBB

洋蔥頭媽咪 發表於 21-4-21 11:09
呢個問題真係好睇學校，以我所知有部份較谷嘅中學本身都係勁多功課，精英班當然更甚，所以若力有不逮或者真 ...

其實精英班功課吾知有無多，但教法就好吾同，不是精英班有時還好BB教法(例如一齊對答案)而精英班叫大家自己對答案，有吾明一起討論。
精英班同學會上進些，會盡力吾明都問到明，是周圍態度問題。另外話得登考低分些，就真的有人在。可以柴娃娃一起玩。至於功課多少問題，都有能力者老師會把功課精要叫同學自己做，不會網住一題一題解。

洋蔥頭媽咪

JJDBB 發表於 21-4-21 13:50
其實精英班功課吾知有無多，但教法就好吾同，不是精英班有時還好BB教法(例如一齊對答案)而精英班叫大家自 ...

你講呢個精英班教法唔同，我细仔小學時就真係有好深體會，佢哋高小要考好呈分，學校真係會將所有資源都放落去，最簡單當時我仔高小精英班果班，主科全部都係科主任老師教，書同補充都比普通班多，所以精英班同學出嚟底子的確比較強。不過到中學大仔精英班就唔係咁，只係功課比較多，quiz多啲，但好多嘢其實一樣要靠自己，始終初中就算書本上分別都唔大，上到高中選科後一樣打番散，再選番佢哋心儀嘅科。我大仔S2跌出精英班嘅同學，我知道學習上同我仔查實差別不大。

mimi1102

我女學校精英班, 教法會同普通班或補底班唔同, 數學會教得超快, 功課都會比普通班多; 英文就唔會再鑽研Grammar, 而係會叫佢地寫好多文, 做presenation.

如果跟唔到精英班進度, 做番普通人, 都不是壞事.