究竟應該點樣放手？

Pigdripy

聽過前人話一般小三嘅測驗考試仲要大人跟，但可以俾佢開始試下自己溫默書。到小四就可以開始試下連測驗考試，都放手俾小朋友溫，因為始終都要慢慢放手。

阿女小三，我教過佢點樣自己溫默書，step by step, 亦陪佢一齊做果 D steps (讀文章，寫生字，自己錄音，自己默，改正）。但阿女好似仲係唔太跟，或者求其做，出來效果當然唔好。我又試過完全唔理，睇佢自唔自覺，結果唔合格。（好彩唔計分姐）。我都睇唔到佢有絲毫 ready 會去自己溫書。

女開始大，過左搓圓㩒扁期，教佢，佢有時又唔聽唔跟。但又唔係自發性果種。滿頭煩惱絲。

究竟幾時先可以慢慢放手？又有無前人可教下路呢？

LeeCC

我小二已經放手，只跟弱科
可以試由她的強科開始放手，留弱科你幫佢

0030

小一之後無再跟過～

小曳人

好睇孩子性格同自學能力，人人唔同

minichong28

其實某程度都睇吓家長想唔想放手。
我朋友仔仔已經升上伊中二, 小學讀書年年都級頭3名, 但而家中二我朋友都會幫仔仔溫書

Jane1983

其實你放默書先，係最make sense。但你唔睇實，佢自己溫就唔合格，咁即係佢未得，你唔可以加碼。

你就繼續同佢講道理，令佢明白讀書係佢的責任，同埋繼續教佢自己溫習的技巧。做得好就鼓勵和讚賞，懶散就提點吓、話兩句。

凡事有個過程，父母都係慢慢幫佢。有d細路好自律，好細個就自己搞掂晒。但唔使羨慕人，細路哥唔係呢樣煩，就係果樣玩你，個個父母都有嘢憂心。

chanwendy

我兩個小朋友都係除了呈一同呈二之外, 我唔會請假陪溫書架.  由小一開始, 中英默書我都叫佢地自己背咗個範圍 (即使明明係讀默, 我都叫佢地背咗去), 自己背默出嚟, 自己對一次錯幾多, 再比我睇有冇睇漏眼.  默到啱晒為止.

其他都係自己溫一次課文, 就比坊間練習佢做, 睇吓佢地係唔識定唔小心.

MrBeast

Pigdripy 發表於 21-4-20 23:56
聽過前人話一般小三嘅測驗考試仲要大人跟，但可以俾佢開始試下自己溫默書。到小四就可以開始試下連測驗考試 ...

起初自己6音和默，但父母要chk 和幫小朋友記/改錯的字。小朋友可以完全自己溫父母都要望一望，因為小朋友好多時會睇漏。掌握到默書後，找一科小朋友強的閒科測驗先試。初起步成績有上落是expected，父母要肯定和讚賞小朋友的努力

sunnymama2

MrBeast 發表於 21-4-24 13:26
起初自己6音和默，但父母要chk 和幫小朋友記/改錯的字。小朋友可以完全自己溫父母都要望一望，因為小朋友 ...

學到野！

retriever

MrBeast 發表於 21-4-24 13:26
起初自己6音和默，但父母要chk 和幫小朋友記/改錯的字。小朋友可以完全自己溫父母都要望一望，因為小朋友 ...

我覺得仍然係愈早放手愈好, 當然要係GUIDED.

重點係, 如呀蟲多年前所謂, 授之而漁而非魚. 做個式樣俾佢習慣左, 將來自己跟!

默書從小一俾支錄音筆(千萬不要俾電話), 要佢自己讀自己錄, 跟手佢聽著自己錄音去默, 這樣確保跟足老師所教及形式.

MrBeast

retriever 發表於 21-4-27 09:28
我覺得仍然係愈早放手愈好, 當然要係GUIDED.

重點係, 如呀蟲多年前所謂, 授之而漁而非魚. 做個式樣俾佢習 ...

原則上我同意的，但步伐就要因應能力而adjust.  in any case, 殊途同歸，e加孩子都唔比我同佢溫，yim 我長氣
不過見到世色唔對我都是會插手，otherwise, 主要是傾下方向和目標

retriever

MrBeast 發表於 21-4-27 13:10
原則上我同意的，但步伐就要因應能力而adjust.  in any case, 殊途同歸，e加孩子都唔比我同佢溫，yim 我長 ...

多年過後, 我覺得不少家長太理想化...
我認為, 無論跟孩子說什麼大道理, 最最最重要是孩子養成習慣.


所以要從小做, 重覆做很重要...


等到孩子大了, 開始故意挑戰權威, 家長的大道理有多對, 也沒有用.

MrBeast

retriever 發表於 21-4-27 15:36
多年過後, 我覺得不少家長太理想化...
我認為, 無論跟孩子說什麼大道理, 最最最重要是孩子養成習慣.

我依然相信從小培養的是：自控能力和責任心。我未能培養的：鬥心和passion

Jane1983

回覆 MrBeast 的帖子

鬥心和passion，應該唔係培養出來的。

MrBeast

Jane1983 發表於 21-4-27 18:15
回覆 MrBeast 的帖子

鬥心和passion，應該唔係培養出來的。

我想是可以的，只是我唔識，前者或許人人都有d，只等時機待發

Jane1983

回覆 MrBeast 的帖子

應該係觸發，如何觸動到佢，開竅、爆發、熱愛，唔樣應該唔係家長栽培得到。家長最多鋪墊前期。

Pigdripy

MrBeast 發表於 21-4-27 21:22
我想是可以的，只是我唔識，前者或許人人都有d，只等時機待發

諗起後生時，參加校隊，鬥心係由教練培育，經常說怎樣才會贏/不會輸，對手怎樣怎樣，對手優點在哪裏，缺點在哪裏，要怎樣的 tactics 和心態會增加勝算，要怎樣磨練... 又觀看自己的video來檢討，睇對手 video, 觀察點擊敗佢。再加心態上的鞏固和磨練，打氣。要嘗過勝出，也要嘗過慘敗。再激勵。令到各隊員都想爭勝。

如 apply落小孩讀書，想像到嗎？要經常檢討自己、與別人（同學）比較（知己知彼）、給予目標。

突然又諗起大陸讀書，果種鬥心，係氣氛形造出檢。走進大陸連鎖大型書店，那個小學練習的 corner 大到有成條街，本本標題都係教做精英、爬上去頂、做最 top。

有鬥心，真係事半功倍，因為有動力，但也要拿掐得好好。