英華vs培僑vs聖芳濟各

KT001

阿仔好動好學有小聰明，鍾意睇書，原本覺得英華好啱佢，又一條龍，佢自己都話鍾意英華。但當知道英華用中文上堂，佢好唔開心仲想喊出嚟，因為讀英幼，平時慣聽同睇英文。想請問大家應唔應該考慮另外兩間⋯？
有冇英華用家可分享一下經驗？Thx.

菩提子

英華系中文小學，多數是 中文教學的，普教中..你小朋友普通話ok嗎？
若就咁睇你的資料，好似 SFA 英小更適合你小朋友的強項發揮。

yani904

培僑都係中小喎

lovelovebabe

想問下， SFA是否不是全科英文？

KT001

菩提子 發表於 21-3-27 00:23
英華系中文小學，多數是 中文教學的，普教中..你小朋友普通話ok嗎？
若就咁睇你的資料，好似 SFA 英小更適 ...

其實我覺得阿仔中文不差，只係佢自己prefer英文所以聽到話中文書教就有d抗拒，同埋好似英華數學同常識科係廣東話教？有錯請指教
而SFA太谷冇乜活動驚佢讀得唔開心，我想佢有個平衡d嘅童年⋯好苦惱

Jean1769

對中文抗拒成咁？

咁反而要佢讀中小喎，中文難學好多，如果你打算留港讀到DSE，而家更要令佢鍾意返中文

我知好多細路只愛睇英文書，因為易睇好多用phonics

KT001

Jean1769 發表於 21-3-27 09:26
對中文抗拒成咁？

咁反而要佢讀中小喎，中文難學好多，如果你打算留港讀到DSE，而家更要令佢鍾意返中文

完全俾你講中⋯

有冇過來人揀咗中小後發覺小朋友英文真係退步咗？始終冇咗英文語境，聽少講少咗，就算keep 到睇書習慣都好似差少少

Greenteajojo

英華真係好適合好動好學嘅男仔，如果擔心中小影響語文能力，不如到時再外補？其實有神校都係中小，中學係英中，成績都完全冇問題
利申： 非英華用家，但好喜歡英華但唔收(emoji)

Jean1769

KT001 發表於 21-3-27 09:37
完全俾你講中⋯

有冇過來人揀咗中小後發覺小朋友英文真係退步咗？始終冇咗英文語境，聽少講少咗，就算kee ...

英小唔等於英文好，中小唔等於英文差

我自己覺得聽說讀寫最重要聽同說，呢d睇電視youtube會幫到

反而英小我覺得會遇到更多難題

bugmum

SFA 中文科好深喎

WONGKACA

bugmum 發表於 21-3-27 20:35
SFA 中文科好深喎

深得過培僑咩？pkc直接用內地中文教材

cylau2

Jean1769 發表於 21-3-27 09:26
對中文抗拒成咁？

咁反而要佢讀中小喎，中文難學好多，如果你打算留港讀到DSE，而家更要令佢鍾意返中文

完全同意。如果打算喺香港升中考DSE，需要擔心中文多過英文，睇下各Band 1英文中學DSE嘅中文科同英文科成績就知道。

Superheromom

SFA的所謂「谷」，不是功課多。若論功課，比地區名津的功課量少很多。不過，課程是跳級教學 ——英文：小一上學期開始便教小二上的書。中文及數學：小一上學期是教小一下的課程.
對認付到的學生，不能說是「谷」。對未能追上程度的，你可形容為「谷」。因課程教快了，可能需要家長輔助或外補。
SFA小一中文也不淺。 用普通話教，有難度，及要修古詩，三字經。第二個學期中文作文考試，大量考作句子（不少於八個字的作句），擴充句子，句子仿作....。


英文第一及二個學期，主要側重操練文法及句子仿作。到第三個學期，開始作文。
通識用英文教，vocab深，難過英文科！
數學，有中文及英文教，大約8比2。

KT001

Superheromom 發表於 21-3-28 00:45
SFA的所謂「谷」，不是功課多。若論功課，比地區名津的功課量少很多。不過，課程是超前教學 ——英文：小一 ...

謝謝你的資料，很詳盡！

有冇用家可分享一下英華課程，有冇教快教深？除咗英文堂，其他校內時間係咪真係冇機會用英文，同學仔之間會唔會用英文溝通？好想了解英華嘅英文語境

TYSC

KT001 發表於 21-3-28 10:03
謝謝你的資料，很詳盡！

有冇用家可分享一下英華課程，有冇教快教深？除咗英文堂，其他校內時間係咪真係 ...

英華，除英文堂用英文外，數學都有需要用到英文。工作紙及評估都需要小朋友理解相關英文用詞，當然中文仍然係主力。

我仔初小，我覺得無教快，但教得急。中文普教中，老師初段有用粵語協助，但慢慢會全普通話。英文全英教學，老師很鼓勵小朋友發言、答問題。數學除普通數外，邏輯思維尤其重視。功課重質不重量。

至於同學間有無英文溝通，我仔話少。但我在街都有聽過高小學生用英文溝通。

以我既理解，小學雖然中小，但書院係英中，學校點都會緊張，繼而重視英語。我見我仔班同學多數英文比較好，反而中文要多加努力。

1998Ruby1998

回覆 WONGKACA 的帖子

唔覺得培僑中文特別深，起碼測考卷嘅題目算輕鬆。

1998Ruby1998

英小英中都唔代表同學之間會用英文溝通，中小都有好多英文高手鍾意齋講英文。呢啲好睇個人，我相信依家咁多家長係追求英語程度，就算英華係中小都大把家長要求小朋友講英文，你個仔就會變得好受家長歡迎，會鼓勵同學同你個仔玩，因為你個仔講英文。

唔需要擔心中小升英中呢個問題。年年大把中小學生升英中，只要你嗰間唔係寶校中小而你小朋友智力正常就得。

不過要分清楚，你個仔抗拒係因為程度好弱，溝通認字都係問題，定係因為陌生所以唔想去面對？

呢三間都係要攻打本地課程留港升學，你係有意留香港讀書嘅話，中文係一定要去面對。SFA 就更加，因為你呈分中文低分嘅話，你可能就要讀 Band 2、3 嘅中文中學，就更加冇接觸英文嘅機會。反而培僑同英華你仲可以安穩升中，到讀高中先再諗都未遲（provided that 你係夠彈藥送佢出國避中文）。

KT001

阿仔其實中文不差，只係有得揀佢一定揀英文，因為識拼音大概知道英文書內容，但中文字就完全唔同，佢一定捨難取易⋯

大家都講得好啱，如果本地升學，中文點都要打好個底，但同時都好想佢keep到英文水平。有朋友嗰仔由英幼升中小，佢話小朋友英文真係退步咗，呢個我最擔心，因為冇咗個語境，就算有外補都係唔一樣。咁睇好似SFA中英文都兼顧到。

但我真係好鍾意英華真係魚與熊掌

mcl203

SFA 畢業生點解一定係攻打本地課程升大學？～～～

Lilianyu500

KT001 發表於 21-3-28 13:04
阿仔其實中文不差，只係有得揀佢一定揀英文，因為識拼音大概知道英文書內容，但中文字就完全唔同，佢一定捨 ...

英華雖然是中小，但學生的中文和英語水平兩樣都很好，深淺適中，閱讀風氣很濃厚。