整體發展遲緩 15M 求集氣 + 意見

blytheholic

大家好!
妹妹6個月時坐唔好, 到9個月時坐時還似青蛙坐同向後跌. 當時即時已經唔等健康院轉介, 就去做私人同栛康做物理治療評估.. 當時都話係遲左大約3個月. 於是就不斷做私家物理治療, 每星期兩次哪到依家做左5個月。期間都有進步但仍不可自己由訓到坐到拉自己起身.. 私人物理治療3月頭都話妹妹仍然似9個月的小朋友機能.
終於3月頭排到政府見第一次兒科醫生，醫生話妹妹似遲左半年，即時排左PT (做緊)/ OT (下個月) /ST(12月) , 照腦(9月) 服務. 由於我網上research GDD (整體發展遲緩) 唔多資料，所以未太清楚未來面臨的日子情況. 同一時間CAC 已打來做interview, 再要等15個月先見到醫生. 隨後要再等E/I/S/O 位.... 於是我地都唔等了，找兒童發展平估科私家醫生評估再寫信轉介排服務...現在都會係私家醫生到照腦. 希望腦無大問題..另外即時再找其他感統治療比小朋友..
請問有否GDD 家長可比D 意見或隨後要有的心理準備呢? 謝謝大家.

WangLiLi730

回覆 blytheholic 的帖子

聽你講你小朋友嘅情況真係唔係咁樂觀...不過我哋做家長能夠做嘅就只有盡自己能力去幫小朋友~所以你千祈唔好氣餒~加油！

mrs.3845

blytheholic 發表於 21-3-23 00:51
大家好!
妹妹6個月時坐唔好, 到9個月時坐時還似青蛙坐同向後跌. 當時即時已經唔等健康院轉介, 就去做私人 ...

我小朋友冇呢個情況但都係sen家長，只可以話寶寶永遠都係我地家庭嘅禮物！加油！訓練一定有用！寶寶其他方面點？食、訓、玩 ok!?

blytheholic

回覆 WangLiLi730 的帖子

多謝你 !!! 我地會加油!

blytheholic

回覆 mrs.3845 的帖子

妹妹近日先爬(肚貼地，雙手爬)，對於玩具都係咬咬咬, 近日見哥哥玩大Lego 先有興趣爬去拎玩具咬。對於Problem Solving 未太有意識... 食野現在無問題, 只係未咬到太大件野食. 食緊大人飯 感恩 =)
多謝你同我地打氣！

mrs.3845

blytheholic 發表於 21-3-23 19:44
回覆 mrs.3845 的帖子

妹妹近日先爬(肚貼地，雙手爬)，對於玩具都係咬咬咬, 近日見哥哥玩大Lego 先有興趣 ...

太好了，原來有哥哥！可以陪伴，可以多個人訓練妹妹！

wkayee

我小朋友情況同你0既相似, 22 個月做CAC 評估, 全面發展遲緩, 最差係認知同言語，交際都唔合格只係咁多項入面最高分, 當時整體係得10 個月左右, 即遲左12 個月, 醫生幫佢排S 位

社工幫我地排高津, 一個月上6堂一對一訓練, 其實 S 位可以揀 過渡性E 位 (都係最近同某中心社工了解, 過渡性E 位上既堂會比高津多)

而家34個月大,, 開始會發單聲,, 而家學緊兩個音既詞語, 職業治療話佢追得好好, 物理治療話佢而家應該遲一年..

繼續努力中...

你有咩問題都可以大家傾下,..

Creativesummons

回覆 blytheholic 的帖子

加油

Snakewong1983

回覆 wkayee 的帖子

我都有類似相同情況，而家好旁煌都唔知點算好，噚日去完評估中心，我個仔2歲，但暫時只有10個月能力，未識行，只能企到下一陣仔，扶住行先行到，擺下擺下，講野都未識講，社工都係俾左高津我又排e位，都係要去s位，個人好灰，都唔知可以點，家下等緊抽血同要照磁力共震，反而職業治療同物理治療相對快d排到，希望有過來人士都分享一下大家經歷點樣幫個小朋友過到，好等家長唔好咁旁煌，謝謝

wmychang

我個仔今年7歲，但佢歲半時係CAC評估係GDD，整體遲緩1年，14個月先識爬，22個月先識行，物理治療師話佢係肌肉張力唔夠，排I位，做3T，當時係一星期一當PT(政府)，一星期3堂ST(自費唔同機構做)，兩星期一堂OT(政府)，之後入I位重讀左一年K1，入小一前再評估都已經追返同齡，所以把握黃金6歲前訓練，係會追到。

carryoncarry

分享我的經驗，我已經很少在這邊了。

我女今年十三歲，半歲時仍然不懂反身，開始感覺有問題，開始人工訓練反身，八個月仍然不懂爬，Babykingdom BB們已經識得爬，我更加驚慌。健康院排隊見醫生。

我上網找資料書和看書，問專家整crawling track.  後來問其他家長，找協康會幫手做訓練，開始燒銀紙，不斷燒銀紙。我要返工，回家才能夠做訓練。承受的壓力瘋了一樣，眼淚流出來看不到前景。今天，囡囡升主流中學。


大家加油，自己孩子是起跑比別人慢，但是終有一天會跑到終點。最重要不要放棄，相信奇蹟會出現。

黄金六年千萬不要等政府，盡快找私家治療。當年一直追上去，不停做訓練才能康復。