有關奧數問題

dp0060

最近了解緊奧數嘅資料，但有好多地方唔明白，想問問各位家長。

一.
我想知香港搞嘅奧數比賽同國際搞嘅比賽，內容同程度係唔係差唔多？

二.    係香港學奧數，主要通常係參加邊啲比賽？

三.
如果我係其他地方(例如台灣)搵到啲試題，係唔係都適合香港學生用？

四.
係香港，可以係邊度買到/搵到多啲奧數嘅練習/題目？

謝謝大家嘅幫助。

王家爸爸

dp0060 發表於 21-3-19 17:51
最近了解緊奧數嘅資料，但有好多地方唔明白，想問問各位家長。
一.
我想知香港搞嘅奧數比賽同國際搞嘅比賽 ...

一. 唔同奧數比賽既內容可以有差異，有啲比較接近日常既應用數學，有啲係數學雜技。
二. 如果你學奧數，無論係學校，定係出面學，老師自然會叫你參加比賽，所以基本上唔需要煩呢個問題。如果你好似我啲小朋友當年咁，裸考奧數，志在俾小朋友有啲考試經驗，咁就搵啲免費既XX杯嗰啲。
三. 同一天空下，數學都係一樣，所以同地方無關係。反而唔同既係奧數比賽內容唔同，如果你唔滿足於金牌銀牌，志在攞前幾名，咁就需要搵啲針對個別比賽既練習。如果你無所謂既話，就溫好啲學校數學，打好基礎，然後去考，但係你就預咗最多係金獎銀獎，唔會有名次。
四. 至於邊度買到/搵到多啲奧數嘅練習/題目，其實最好問數學老師，佢哋通常都會幫到你。