我唔覺得我小朋友係資優

Yfyh

我小朋友初小好易分心。但對於佢有興趣嘅嘢，佢可以好專心。佢做功課好快，當然會有錯，但都只係一啲careless mistakes，尤其抄寫中、英文生字。
最近因為佢嘅唔專注同其它原因，我搵咗學校社工幫助。
老師同我講，佢覺得佢喺「過度活躍同埋係資優」。老師話佢好聰明同埋好需要郁動既小朋友。
老師叫我暫時唔使同佢做評估，但可以發掘下佢嘅長處，從而再加以訓練。
佢喺學校嘅成績係班內頭三。

但係重點係我同佢溫習、做功課嘅時候，我一啲都唔覺得佢係資優。好多時同佢講解嘅時候，搞到我好勞氣。因為我覺得點解佢講極都唔明。

想問吓各位家長，有冇遇過類似嘅情況？謝謝分享！

小曳人

好奇，點解你要請補習老師？有無試過唔請，俾仔自己發揮？

如果係我仔，首先佢唔會溫習，如果去陪佢溫習，佢初小時可能未識發脾氣，但肯定只係交個人坐响度，精神去遊雲

至於資優特質，係你頭嗰行：
但對於佢有興趣嘅嘢，佢可以好專心。

另外，資優兒好多時被誤會係過動，因為佢個腦轉得太快，佢有興趣嘅野吸得好快，吸完就無新鮮野聽，就會悶，搞下呢樣、搞下嗰樣，外人唔了解就話佢過動

不過，補習老師唔一定會講大話，如果讚下你仔叻，佢又真係叻到唔駛補習的話，佢就會無咗份工.... 家長，點解你聽到咁多人讚佢，但你自己唔信孩子嘅能力？ 仔好可憐呀~

btw 點解佢講極都唔明？
其實係你地大人唔明佢有自己一套諗法，一套唔係太容易改變嘅諗法(可以係超級硬頸)，家長有無問過佢諗乜？點解會咁諗？可能你有意外收獲！

Yfyh

小曳人 發表於 21-3-12 14:59
好奇，點解你要請補習老師？有無試過唔請，俾仔自己發揮？

如果係我仔，首先佢唔會溫習，如果去陪佢溫習， ...

其實佢而家只剩下一科主科有補習。多謝你分享關於過動的理由，都真係幾make sense.
我都曾經睇過一本書，作者咁講:如果當人人都覺得你小朋友好正常, 但只有你自己一個覺得佢有問題。這樣，有問題的人便是你自己了（ha...)真係好直得反思。
好多謝你嘅意見！

小曳人

其實孩子係唔係資優，唔重要，反而係當家長發現佢有潛能，佢有興趣嘅野，可以點幫佢，點俾空間佢發展，而唔係幫佢定限制，只可以學習適齡嘅智識

其實孩子有無限可能！

conniewktang

Yfyh 發表於 21-3-12 14:14
我小朋友初小好易分心。但對於佢有興趣嘅嘢，佢可以好專心。佢做功課好快，當然會有錯，但都只係一啲carele ...

資優係咁，沒有資優兒的父母是不會明白，家長也沒有問題，只是普通家長未必會明資優兒，以致影響教養。選對學校好重要，父母還要多花心思去教，去了解孩子，情意教育做好些，好好栽培，孩子才可飛得高飛得遠。香港傳統教育，無奈，對於栽培資優兒是非常的失敗。

ChristieMing

分享小小，我仔小一時老師都覺得佢係資優，但我冇同佢做過任何資優測試，但佢被評估中心評為專注力失調。我仔同你小朋友好相似，易分心，但對於有興趣的可以極度專注，從小背巴士、港鐵路線，到後來的巴士型號，電腦程式碼。我想分享的是他有獨特的理解方式，如果是我教的方法，佢可以學極都唔識，但換轉係靠佢自己去理解的，好容易就融會貫通。

Mrspan

借位問下, 我女visual spatial嘅block design係very superior, 係咪應該會識對住instructions砌Lego? 但佢呢方面係非常渣....

王家爸爸

Mrspan 發表於 21-3-14 00:21
借位問下, 我女visual spatial嘅block design係very superior, 係咪應該會識對住instructions砌Lego? 但佢 ...

如果visual spatial係very superior既話，不如唔睇instructions，等佢自己砌，可能樂趣更多。

王家爸爸

我既意思係睇住個盒上面嘅相砌。

WangLiLi730

回覆 Yfyh 的帖子

小朋友係咪資優其實唔係真係咁重要，我覺得你要搵啱方法去教你小朋友同埋同佢相處先至係最重要!如果小朋友過動情況持續或更加差嘅時候先再考慮同佢做評估同埋搵專業人仕幫手啦~

ANChan59

小曳人 發表於 21-3-12 14:59
好奇，點解你要請補習老師？有無試過唔請，俾仔自己發揮？

如果係我仔，首先佢唔會溫習，如果去陪佢溫習， ...

你讲的超级固执，我听一个教授讲他形容是石屎脑，要小心替他扑烂佢，就能做到你所说的“有无限可能”。

bbc2018

Yfyh 發表於 21-3-12 14:14
我小朋友初小好易分心。但對於佢有興趣嘅嘢，佢可以好專心。佢做功課好快，當然會有錯，但都只係一啲carele ...

易分心因可能佢對聲音，對其他事物好敏感，係觀察型小朋友。
做功課快，好多好處，可以多些時間玩耍，溫習。佢哋細個需要多活動。但對有興趣的事會好專心，亦對自己有要求。所以初小易培養佢睇中、英文書，提升能力。因佢哋好勝，其實唔願意您跟在身邊同佢做功課或溫習。佢哋有一套思考方式，自尊心強亦固執，好難指正佢錯處，明知錯，亦不願改正或不易接受您那套教法。所以最緊要提升佢自學能力，適當時候教吓佢溫習方法，等佢自己安排，你同佢要保持距離和空間。

如果處理得好，高小或之後亦會越嚟越好。

最緊要間學校唔好多抄寫類的功課，但自由度和程度上可以高些的的學校。

家長易多耐性，EQ要高，易多鼓勵，给多啲時間和空間给他學習和發揮。相信佢能力，適當在旁透過活動式教學方式引導。

cafeva

ANChan59 發表於 21-3-27 15:24
你讲的超级固执，我听一个教授讲他形容是石屎脑，要小心替他扑烂佢，就能做到你所说的“有无限可能”。
...

請教點樣扑烂個石屎腦？

ANChan59

cafeva 發表於 21-4-5 23:51
請教點樣扑烂個石屎腦？

你問到一個很好的問題，我要整理一下頭諸，盡量去解答。

當年的是中大的黃重光教授，他的研究是部份資優的小朋友思想及分析能力超越很多小朋友，甚至成年人，包括家長，所以他們之前的成功及被讃賞，他們個別認為自己是無所不能。他們認為是正確的答案，方法就係這個，沒有其他，他稱之為石屎腦。

我有限的經驗是來自兒子，可以分享就係有限的經驗及方法，僅供參考！

第一個做法是讓他了解天外有天，人外有人。讓他參加一些具挑戰性的比賽，讓他知道跟他接近程度的大有人在，比他更優勝都不少人，分別可能不全是在lQ方面。到有一次他在外地上完一個資優課程，他跟我們分享今次的同學幾特別，不單單是數學優秀，聰明，而且好玩得。他是這個組別第二最細，其他同學已經是初中。開始欣賞其他人的優秀，不再講數學，解難，開始明白 work hard play hard。他也是在这個課程認識了兩個大他三年的師兄，所以他埾持升中選擇這間直資男校。

第二點是家庭之間的互相溝通，他的想法是在有限知識及經驗中積累而來，我們在同一話題會嘗試用多角度分析，他不一定同意，但他知道在他已經知道的之個原因，三個方案之上，還有幾個他未聽過的，產生好奇心，會辯論，當知道萬事可以有不同答案，他的腦袋就開始似 Bruce Lee 所講的Be Water。

第三方面是思考問題的方式，CP安排他上了一個課程，如果冇記錯好似係 Discovery。CP解釋給我聽知識探索最低水平是在已知問題尋找已知答案，一般考測，奧數，lQ都在這個類別。中間水平在已知問題尋找未知答案。最高境界在發現別人未發現的問題，尋找答案及解決方法，有些似讀研究院及發明創新。

兒子上了一段時間就沒有再上，CP覺得這個課程可能不適合他的年齡發展，可能遲啲個效果會更明顯。剛剛回想起來，我覺得他經常會Think out of the box，我不知道是否課程一些方法讓他已經進入咗中階。

嘩，吹咗咁多啦，希望讓你了解多少少，不要搞亂你的思維！

cafeva

ANChan59 發表於 21-4-6 10:39
你問到一個很好的問題，我要整理一下頭諸，盡量去解答。

當年的是中大的黃重光教授，他的研究是部份資優 ...

多謝你用心回答難得既分享。
等我慢慢消化同體會下先。

ANChan59

cafeva 發表於 21-4-6 11:45
多謝你用心回答難得既分享。
等我慢慢消化同體會下先。

我講石尿腦應該在不同資優帖中提及，你是少數(我不敢肯定你是第一個問）反問這個問題，因為我腦海完全冇乜整理過這個問題。你讓我歸納咗一些親身體驗，我要多謝你！

如果你上網搜尋吓黃重光教授的研究及分析，幾有啓發性，特別在同理心方面，讓資優小朋友有同理心，他們的發展空間，人際關係是不一樣的，社交，情緒及紀律問題少好多！

chickchick

回覆 Yfyh 的帖子

每個孩子也有不專注的時刻，尤其在他們心中有更想做的事的時候。
我不知你孩子是否有專注力問題，有懷疑唯有向專業人士評估。 不過，有事無事都好，我們也可叮囑小孩做事專注，說出專注為何咁重要。或許講下講下，佢哋會明白而有所改善。

我記得由小孩識坐識行開始，就教佢做事最重要是『專心』和『完成』。玩玩具收玩具做起，直到今天十幾歲人，見佢有時溫書不在狀態時，我也會叮囑佢，一係專心+完成，一係你做過另一些你想做嘅事，再轉過頭全力做，不要同我磋跎／浪費光陰，做些令自己開心有價值的事。

我記得除了專心和完成，每過一年我也有多些『要求』，順序就是專心，完成，小心（5－6歲起有時做功課，比賽，難免大意，每次檢討也教佢careless mistake係可避免的），盡力（因為未必次次top㗎嘛，expectation management），有記性（教呢個是因為年紀漸長6歲打後確係要學會自理自律，和人建立互信關係，有記性／creditability好緊要）。 之後就不斷loop。。。 提點又提點，鼓勵又鼓勵。

前面前輩講得對，給他機會見識天外有天，人外有人 也得益不少。我覺得培養『being reflective』這個attribute對整體發展有很大幫助。

ANChan59

chickchick 發表於 21-4-8 23:59
回覆 Yfyh 的帖子

每個孩子也有不專注的時刻，尤其在他們心中有更想做的事的時候。

我回想一下，儿子參加過兩個寄宿的STEM 課程，一個在史坦福，一個在帝国学院。因为不是香港的走读，网课，遙距教学，而是一齐生活几个星期，过程中很多虾碌的人与事，对他一些习惯有良好的影响。

因为寄宿多些课外活动，当中的创意令我都大开眼界，香港地少人迫，而且寄宿困难，很难有这些互动。

leekl0

yingmaba

我覺得要做評估，因為專門測試先可以提高可信性，正如你自己都心存懷疑，對於有興趣嘅嘅嘢會專注就好多小朋友都會，但對其他嘢就好易分心，講極都唔明的話，我反而覺得依個要解決，因為基本上無興趣嘅嘢係佔大部分，如果咁樣下去對學習會有影響