求對白:同小朋友講落選了

Hkmama818

直接講，好多人報，各校有自己收生標準，落選好正常，
而且，適合學校與否自己真係未必知，冥冥中自有安排。。。將來搵工/男女朋友都一樣，唔係你努力你好就一定人人爭住要，落選未必唔係好事

rsx

一句講晒：蔡翁失馬焉知非福！

41009022009

我末見中學前。已經同小朋友講志在參與。平常心去面試。畢竟得四十幾個位。一定成績較好精英入先。末當見識下。人生必經階段。

Hkmama818

ganggang 發表於 21-3-5 17:32
同埋我有少少怪自己唔識培養到好似人地感勁

我估好多媽媽都有咁嘅感覺。。。

SuLuLu

SLHongkonger 發表於 21-3-5 19:30
未到7月 真係未知結果
上年 我由3月一直到7月頭都好失落
諗緊係唔係自己做錯決定

哎喲，真的要撐佳。現在成日都好緊張，失望，點捱到7月。

karli_lam

常常說: 平常心! 相信天自有安排吧!

SuLuLu

karli_lam 發表於 21-3-6 00:24
常常說: 平常心! 相信天自有安排吧!

希望能做到。但自己也忍不住眼濕濕。

pauljr

SuLuLu 發表於 21-3-6 01:16
希望能做到。但自己也忍不住眼濕濕。

其實唔需要講。

真係問到，咪話仲要考慮下，例如學費、車程、時間...  總之七月一定會話佢知。

cafeva

塞翁失马……
我睇過篇野，話一班小朋友被编去唔同學校-，無論入學前成績點，同一間學校好自然就會出左top group, above average group, lower average group, and lower group. And students in the group will show typical behaviour of that particular group.
So, if your kid goes to a less prestigious school, he/she may go top group and there cultivated typical top student characteristics- confidence, competence etc, not a bad thing after 6 years.
So, 打好自己手上的牌就可以了。
加油！

Face3366

嗱，其實我又覺得失敗并唔係一件壞事。宏觀上來講，失敗就係我地不斷修正自身，提升自我的一個必經過程。具大智慧嘅孔子，係2千幾年前已經參透咗呢個道理 ：吾日三省吾身丶又講：見賢思齊焉，見不賢而內自省也。可見，失敗唔係成功之母，自省才是。咁我地失敗之後，最重要嘅唔係自怨自艾，而係反省自己，問題出係邊度呢？係唔係學習方法錯咗呢？可能我以上嘅ans好行，但作為家長嘅我地必需要學。樂於接受失敗，先能夠從失敗中接受教訓。父母係孩子最好的老師，我地自己要具備正面積極的人生態度，先可以言傳身教俾仔女。教曉孩子正路嘅人生觀，俾佢自己面對成功與失敗，好過怎樣諗計去保護佢吧？

PTL_L

ganggang 發表於 21-3-5 17:18
唔知點講，自己都down 埋

樓主，唔需要諗咩對白，反而正正可透過呢個機會俾試一下失敗既滋味，呢啲失敗係可以承受得起。你反而要調節下心情，每個小朋友能力、潛能都不一樣，並唔需要入讀最好既學校，反而入到最適合既學校係最重要。仲有，而家都未到最後，到開學前都有變動既機會。

Hkmama818

Face3366 發表於 21-3-6 07:20
嗱，其實我又覺得失敗并唔係一件壞事。宏觀上來講，失敗就係我地不斷修正自身，提升自我的一個必經過程。具 ...

講得非常好

tpmon

ganggang 發表於 21-3-5 17:18
唔知點講，自己都down 埋

自行未公佈結果wo，仍有機會。

kirstyau

冇。阿妹冇乜感覺，最多阿媽自己唔開心。
唯有繼續努力自行+考好呈三。
記得有EK前輩講過，沒有一間非讀不可的中學。世界其實好大，退後少少睇沒有什麼大不了。
祝所有今年P6同學仔入到心儀中學

jacma2020

我阿仔上年都有呢個經歷，佢成績係band 1A ，但直資和自行階段都全軍覆沒， 我有同阿仔講結果， 鼓勵佢更加要畀啲心機學習裝備自己， 還有大抽獎階段， 就算派位結果唔理想，仲可以叩門， 阿仔知道直資和自行全部失敗，佢喺3月至7月更加積極學習準備要去到叩門階段， 呢段期間佢冇鬆懈，所以學習根基打得好好， 有幸7月大抽獎派到心儀中學，升到中學能應付到各個科目， 讀得很開心。

SuLuLu

jacma2020 發表於 21-3-6 19:48
我阿仔上年都有呢個經歷，佢成績係band 1A ，但直資和自行階段都全軍覆沒， 我有同阿仔講結果， 鼓勵佢更加 ...

而家我囝的處境一樣。有一間竟然連面試機會都冇。心好唔舒服。聽完你咁講我會陪佢一齊fighting!
佢承受嘅壓力好大，因為個個都覺得佢會得，佢好似要同好多老師，學校，同學交代咁。而家有一間不是好一線嘅直資收咗，又要諗吓參唔參加大抽獎。心好煩。

Hkmama818

jacma2020 發表於 21-3-6 19:48
我阿仔上年都有呢個經歷，佢成績係band 1A ，但直資和自行階段都全軍覆沒， 我有同阿仔講結果， 鼓勵佢更加 ...

很勵志，謝謝分享！

奇奇媽媽

SuLuLu 發表於 21-3-6 19:57
而家我囝的處境一樣。有一間竟然連面試機會都冇。心好唔舒服。聽完你咁講我會陪佢一齊fighting!
佢承受嘅 ...

過來人分享，有啲學生學術好好，但面試並不是他專長；又有啲學生面試好叻，但讀書成績好一般；有人適合讀DG，但SPCC又未必收佢；學校只找適合自己學校的學生，隨緣吧   

Hkmama818

個個都想入超級band 1A, 有幾多個入到去後會自得其樂？隨緣

SuLuLu

Hkmama818 發表於 21-3-6 21:32
個個都想入超級band 1A, 有幾多個入到去後會自得其樂？隨緣

其實明白㗎，但係世俗嘅眼光好似我做阿媽好唔識得為個仔打算咁。