如何令小朋友愛上閱讀?

pyaleung88

我女今年K2 其實都唔係淨係為咗考小一但係真係想小朋友喜愛閱讀
但係囡囡都好少拎起本書平時已經冇乜screen time
最多都係揭兩頁又放低
我已經好努力咁每日起碼同佢讀兩本書以上
尤其是簡單的英文書，其實佢已經識得讀晒全部句子
但係都好少真係睇字，都仲係睇圖畫多
仲要睇完都係唔明白個故仔講乜
請問有咩方法, 定係我太心急...
謝謝。

Galaxymommy

識讀曬簡單字係任務。睇有趣嘅繪本，用聯想力來睇圖畫先係尼個年齡鍾意嘅嘢。只要唔抗拒讀書、睇有趣嘅繪本、再認識基本嘅字先可以從圖像閱讀向文字閱讀過度。即使識字，閱讀時腦中沒有畫面都係好難深入、持續地睇落去。

kenyuenkc

我覺得要小朋友讀書，最緊要有耐性
每日陪佢睇兩三本書，陪佢一齊睇，教佢認及讀嗰啲字，持之以恆，半年就會見到效果
好多人無呢個耐性，覺得小朋友唔叻認唔到字；其實一本書起碼讀5。6次，小朋友先會有啲印象

lambeanmama

父母看書嗎？小朋友最喜歡「學大人」，如果身邊大人無人閱讀，小朋友也無咁易愛上閱讀。當父母也樂在其中之時，小朋友就會覺得閱讀是「享受」，而不是「為了認字」。

我仔出世起，每天也一齊閱讀。我把閱讀「包裝」到是「享樂時間」、「親子時間」。最緊要大家每天都坐定定自己睇書。（我有我睇，佢有佢睇）；我不理會佢睇咩書（我買得放在家都是啱佢睇嘅書）；也不讓佢打擾我睇書。睇圖睇字都隨便佢。同時，我每天上班時，也會讓他聽audiobooks, 語言學習，一切由聽開始。聽得多，慢慢自然會講會睇。

真的，呢個方法不是我獨創。大把家長咁做。小兒升K2時仍是只看圖。升K3也只是簡短小故事。升小前突飛猛進，睇chapter books了。中文呢，就繼續努力中，佢肯揭，肯每一讀吓繪本，我便覺得足夠。

閱讀是一輩子的事。不是考試、更不是競賽。慢慢伴讀，總有出頭天。

加油！

chantelle321

pyaleung88 發表於 21-2-28 12:37
我女今年K2 其實都唔係淨係為咗考小一但係真係想小朋友喜愛閱讀
但係囡囡都好少拎起本書平時已經冇乜screen ...

同樓主一樣好想小朋友看書，但我個小朋友比你更加唔喜歡看書，可能係男仔更加活潑好動。我哋淨係睡前聽我講兩，三個故事，由k1維持到k3,我真係好想佢下午時間都拎起本書睇下，性格問題，佢真係寧願玩車仔無無聊聊都唔會睇書。

小曳人

想佢地睇書，首要係佢覺得有趣味

從佢地喜歡嘅事物開始，我自己會帶小朋友去科學館、太空館，然後揾相關主題嘅書，再做小實驗
又或者日常生活中教認字，但所有野趣味行先