說話溝通能力

muimuihipper

小女k2, 本來就讀全日班，但疫情影響，k1 k2都停課好多個月，又無兄弟姊妹，我發現佢啲說話表達能力較弱，唔夠自信，講嘢好細聲。我試過鼓勵佢同管理員/餐廳侍應打招呼，但係只限hi bye, 講多兩句就會語塞。

為咗增加自信，試過參加朗誦。但我發現如果背誦文章，佢就可以講到（去到比賽都係細聲），但對答好弱，請問有咩方法呢？

之前有老師建議參加合唱團，但而家都無得上，司儀/故事班有用嗎？早慧中文班多唔多講嘢呢？

謝謝(emoji)(emoji)

chriskaan

帶小朋友落公園玩時 , 多d鼓勵小朋友 , 主動邀請同其他小朋友一齊完 , 學乜都好 , 由生活習慣起做係最重要的

wongszehang

去公園 ，叫佢自己比錢（八達通）買野
入鋪頭，您門外等佢

yiqiyihui

覺得語文能力強弱係天生。
可以做嘅係大量閱讀去豐富詞彙，咁會有啲改善

DengCK

可以教佢錄影片做youtuber(當然唔駛真係放上youtube)

claremm

試下自己先說一遍，讓女女重複。示範比女女可以講d咩，有時小朋友唔係鼓勵就可以做到，更加需要觀察和模仿

littlecat123

回覆 muimuihipper 的帖子

試吓每日叫佢分享d 開心野或介紹佢最鍾意geh 玩具/書, 然後俾讚賞, 咁會幫到佢建立自信。出街時亦多鼓勵佢自己俾錢買野叫聲 或參加賣旗見多啲陌生人。我個女都係k2, 呢啲方法岩佢, 見到表達能力有進步。

kc33

如果你女係怕羞底 由你做示範 你可以試下約朋友傾計 係佢面前講野比佢知一個對答係點 。

又可以番去夜晚講故仔 作個虛構人物 個故事內容係你地今日發生過既事 講夠2-3星期 到佢講番 咁好似train 緊佢講故仔咁

佢會多信心 同埋個故仔當中 你仲可以教埋連接詞 e.g 首先 然後 最後

呢個等如一個show and tell 但係自由發揮版本

我晚晚都同個女咁玩 好work