聖提唔係真龍,不過因為直屬位充足,有絕對能力去收全部學生,只要全部學生都係 Band 1-2。有 Band 3 嘅話就算有位都唔會收,除非用自行位去保佢,但依家公開自行,好難去咁樣做。
聖津唔係聯繫,係直屬,同聖私爭同一間,但聖私好多學生會外闖,假設兩校冇人自行入讀聖心書院,聖津就有 51 人派入中學部。對上一次用家有實際紀錄係 17 年,87/154 入讀書院,多於 20 人外闖其他 Band 1 中學,咁所以雖然競爭大,但書院留唔住所有 Band 1 學生。自行公開後,未見有小學部家長討論,相信升中人數都同往年接近,所以冇特別討論空間。
不過兩間不論自行定抽獎都難入,既然如此,咁當然係聖提,只要唔係 Band 3 就肯定入得返,升中壓力相對細好多。