級頭小朋友點溫書？

chasedream

大家嗰d級頭小朋友點溫書？
交流下

LeeCC

小學級頭溫習方法常人好難參考

我見過級頭的，平時交齊功課就收工，望多眼都唔會，海量睇課外書，到考試前週末人人閉關，佢就如常兩日都長途跋涉去資優學院和大學上課，去玩

另一個都係級頭系我同事的女，港島女校畢業，小學時，同事自己教個女學下一學期的書，操題目，所以到學校教的時候，已經至少系學第二次，功課可以做得好快，到考試時已經系起碼操第三次。而且每日分配時間學高一級的書，做高一級的補充。

1998Ruby1998

我認識的級頭/級三內

A：有恆常做補充練習，中英文會做高一級，睇好多書，有去補習。
B：同上。
C：冇任何特別，睇電視多過溫書，冇補習。
D：冇特別，鍾意訓覺、玩遊戲、睇卡通片，冇補習。
E：冇任何特別，冇加操，冇補習，一直都係自己溫書。
F：同普通小朋友冇特別大分別，屋企畀佢任玩，只補一科。

共同點係佢哋記性非常好，悟性非常高，海綿一樣咁吸收知識，咁所以溫一兩次就可以容易攞到 9 字。級頭好多時候係天生條件造成，冇資質配搭嘅話，以勤補拙唔夠佢哋玩。

chopin999

小朋友平時無温書（高小）
默書，Quiz前有溫一篇
考試前一星期左右有溫
無補習
超級鍾意睇英文書
不愛睇中文（但中文成績都好好）
功課自己自動自覺做好
可能平時有留心聽書（呢個好重要，因為佢自己上online也跟到功課，我前排都有問佢，數學識吾識，需唔需要補下？佢話不用［佢最吾鍾意數學，所以一定話不用］，不過見佢功課也跟到）
但有學課外課程（另一種語言，英國文學.....）

LeeCC

1998Ruby1998 發表於 21-2-12 10:14
我認識的級頭/級三內

A：有恆常做補充練習，中英文會做高一級，睇好多書，有去補習。

記性好和專注力高系基本條件

人地默書要一個星期前開始日日溫都只係得八字，記性好的，默書前一晚揭下，都有滿分。

pinkupinku

我都同意先天條件勝於一切，記性好，悟性高，一講就明，背幾次就背到，專注度高。
考前有做補充，目的只為更穩操勝券。無測考時，基本上唔駛溫書，不用補習。

CYRIL0929

我仔是級一的，多做練習和背書，不用補習

conniewktang

chasedream 發表於 21-2-11 19:43
大家嗰d級頭小朋友點溫書？
交流下

讀書講資質，級頭通常記性好，資優，領悟力高，唔洗點溫點背就記得，練習會做一點。

LeeCC

級頭不一定資優，但至少系記性好，坐得定，做卷小心

唔少資優成績真系好普通，因為資優範疇不是學校考的，又坐唔定，大意，還有日日發夢

宮二

記性好，海量閱讀，中英不拘，速度快，一目十行，領悟力強，會融匯貫通。

好奇心重，從小每事問，為什麼為什麼，打爛沙盤問到篤。大了自己會google

鍾意瞓覺，睡眠充足好重要。

有睇卡通片，每天限時一小時。

冇補習。考試前一兩星期做適量補充練習，以適應做卷的時間管理。

疫情下在家網上學習，難免專注力稍遜，會魂遊或邊畫公仔邊上課

運動麻麻，幸而愛行山遠足探索，滿足對大自然的好奇心之餘，也算鍛鍊身體吧。

conniewktang

LeeCC 發表於 21-2-13 11:33
級頭不一定資優，但至少系記性好，坐得定，做卷小心

唔少資優成績真系好普通，因為資優範疇不是學校考的， ...

同意，但也見小學不少級頭非資優，靠勤力肯背同肯做補充，將勤補拙考到級一，但上中學就好普通或差。如果資優果啲不是偏科果種，小學丶中學丶大學都可以一直領先，我覺得天資加後天努力都重要。（記性好唔好在IQ test是四個範疇中的一個），亦有資優是越高班，上了中學或大學越叻，小學課程太簡單同沉悶，使他們冇心機同易發夢。考級一其實中上智力已足夠。

LeeCC

conniewktang 發表於 21-2-13 13:24
本帖最後由 conniewktang 於 21-2-13 13:31 編輯

同意，但也見小學不少級頭非資優，靠勤力肯背同肯做補 ...

同意，特別系一些由父母或補習老師主導學習，而考到級頭的小朋友，一上中學，無人做主導，就即刻散曬，自己唔知點溫書

conniewktang

LeeCC 發表於 21-2-13 13:52
同意，特別系一些由父母或補習老師主導學習，而考到級頭的小朋友，一上中學，無人做主導，就即刻散曬，自 ...

我又教過幾個，小六級一至三都有，上b1英中就近乎包尾，完全無心向學，也許小學已出晒力，已無力前行，但他們/她們是醒目的，一點也不蠢，只是不再喜歡讀書，可能已厭倦了！

LeeCC

conniewktang 發表於 21-2-13 13:56
我又教過幾個，小六級一至三都有，上b1英中就近乎包尾，完全無心向學，也許小學已出晒力，已無力前行，但 ...

甘好可惜啊

conniewktang

LeeCC 發表於 21-2-13 14:54
甘好可惜啊

冇計，怪獸家長太多，小學已逼到喘不了氣，上中學有機會就反彈，唔再努力，厭倦讀書了，所以就hea讀，男女都有。

cafeva

jli008 發表於 21-2-13 19:48
小学讓孩子無壓力下开心啲学野，温書自然随意抽温就可以，中学更不会下降。
...

MCS 级頭？好犀利！

fibe0313

我2粒姨甥由細到大都係級頭。但佢地丫媽在測驗考試前1個月就開始溫書。平時都係同其他小朋友一樣，打機睇電視。不過細個既時候，妹夫經常性同佢地玩board games. 不過佢地係資優。

小曳人

死溫書做小學積優，倒不如培養學習興趣....一生受用

MrBeast

LeeCC 發表於 21-2-13 13:52
同意，特別系一些由父母或補習老師主導學習，而考到級頭的小朋友，一上中學，無人做主導，就即刻散曬，自 ...

中學都仲可以補習，倒覺得either 青春期作祟or 不能逃離小學死記模式。
身邊有個case, 小學名列前矛，高中開始dup, 大學畢業唔到，呢個case 阿媽中學都一路主導，但上到大學完全幫唔到