SFA

happygirl1284

我仔仔學術ok但不算最top, 做功課唔算十分主動個種, 有時都要催促下才做, 我是working mum, 每日放工能跟佢學習情況的時間不多, 常聽到sfa需要家長高度參與, 所以想請教各位用家:-

1) 高度參與即係要去到咩程度呢?
2) 學校教得深但是否有方法令小朋友吸收得好好?
3) 幾耐會默一次書(中/英)?
4) 每天的功課量&做功課的時間如何?
5) 老師有愛心嗎? 對於追不上的學生會有補底班嗎?
6) 有沒有功課班? 功課能否在校內已完成呢?
7) 小朋友會不會一味得個讀字呢? 校內活動或者課外活動算唔算多呢?
8) 升讀sfa小一前需要作什麼準備功夫令小朋友易d適應?


十分感激!

ivypooh

happygirl1284 發表於 21-2-10 12:33
我仔仔學術ok但不算最top, 做功課唔算十分主動個種, 有時都要催促下才做, 我是working mum, 每日放工能跟佢 ...

我小朋友今年6年班了，希望以下可以幫到你。

1. 我們一年班也有跟進他的功課，但升上二年班時已全部放手了，只是默書，測驗和考試前，會幫他溫習。

2. 要小朋友留心聽書，回家溫習，用心做功課，便比較容易吸收。

3. 小一時一年中英各有9次默書，小四時已減少至一年中英各有6次默書。另外，每年會有3次測驗和3次考試。

4. 功課量還好，一般1小時至2小時內可以完成。

5. 老師有愛心的，對於追不上的同學，會鼓勵他們小息到教員室找老師問。

6.沒有功課班， 可以小息時在學校做功課，但比較少能於學校全部完成。

7. 課外活動OK的， 有不同的運動，棋藝，奧數，樂團等等課外活動。

8. 升小一前可先看坊間小一上學期的書和習作，因一開始開學已用下學期的書。

Greenteajojo

ivypooh 發表於 21-2-10 19:38
本帖最後由 ivypooh 於 21-2-10 19:38 編輯

我小朋友今年6年班了，希望以下可以幫到你。

謝謝這位家長答得咁詳盡(emoji)(emoji)

xubin2008

回覆 ivypooh 的帖子

所以話點解SFA嘅升中亮麗係有原因，無論是學校，老師，家長有很多支持比到小朋友進步，令人羨慕！

legoisland2005

回覆 happygirl1284 的帖子

我仔都似你，今年小一。（不算最top, 做功課唔算十分主動個種, 有時都要催促下才做, 我是working mum, 每日放工能跟佢學習情況的時間不多）

1) 高度參與即係要去到咩程度呢?
好在今年wfh為主，上午網課后，好多時間同佢跟。

2) 學校教得深但是否有方法令小朋友吸收得好好?
這點真的不太清楚，因為網課，所以我involve都多

3) 幾耐會默一次書(中/英)?
每個學期2-3次
不過現在冇實體課，不計分，不能作準

4) 每天的功課量&做功課的時間如何?
我認為好少功課
不知道是否因冇實體課
不過好多功課要自己教

5) 老師有愛心嗎? 對於追不上的學生會有補底班嗎?
不知道

6) 有沒有功課班? 功課能否在校內已完成呢?
沒有，我知道有人話高年班有啲乖小朋友會用小息做

7) 小朋友會不會一味得個讀字呢? 校內活動或者課外活動算唔算多呢?
於我而言，暫時係讀書為主，因為所有活動冇哂

8) 升讀sfa小一前需要作什麼準備功夫令小朋友易d適應?
e個重點！！！
一定要學識普通話，自己教哂小一上的課程，尢其中及數。
英文要識哂成個小一。這樣會輕鬆啲。
可以出去買d補充練習教，現在差不多。
我舊年都係由停課開始，自己教，所以都ok

小曳人

SFA 係叫家長放手，唔好理功課嘅學校，越早放手，就越能自理

當然，初初開學點都要幫一幫
我地當年係第一個學期見ok，第二個學期已經唔理

(不過小二轉走咗，津小班主任話：你地千萬唔好以為小二喇，就放手！佢地仲係好BB....  O咀! )

happygirl1284

回覆 ivypooh 的帖子

非常感謝你的詳細解答. 聽你咁講, 只要小朋友上課留心, 吸收到, 其實又唔係真係太大問題, 而且功課可以一至兩小時內完成都可以接受呢, 最怕係小朋友要做功課做到好夜, 玩樂同休息時間唔夠
另外想問下學校會否公布所有人的名次呢? 因為實在有少少擔心小朋友會做下游個批, 我自己壓力大, 同時又會俾到壓力佢


同埋讀sfa的小朋友多唔多要再外補呢？如果要，係補咩科多？

謝謝！

RWKT

happygirl1284 發表於 21-2-11 11:16
回覆 ivypooh 的帖子

非常感謝你的詳細解答. 聽你咁講, 只要小朋友上課留心, 吸收到, 其實又唔係真係太大 ...

今年1st term考試只公布每班頭三名.
另外，因為我地d普通話麻麻地，所以有外補中文科.

happygirl1284

回覆 legoisland2005 的帖子

謝謝你詳盡的回覆! 入讀之前要做的功夫真係唔少野, 一聽到要自己教定小一上學期都有點滴汗, 哈哈, 不過都明no pain no gain依個道理既, 要升中好家長真係唔可以懶

legoisland2005

回覆 happygirl1284 的帖子

數又唔係好難既
小一上數真係比較簡單

中
我不知道你小朋友程度，
但一定要努力，襯現在仲有七個月
可以學下多啲普通話
及認下字

英
我上年停課，同佢做哂cambridge starter, mover, flyer
不是考試，but go thru下vocab
不用怕

只可以話對手好強
一定要比心機，我仔沒有中下，反而老師話名次滿意。
第一個學期未計分，相信好多人未發力而已。

legoisland2005

回覆 happygirl1284 的帖子

其實唔係好難，我相信好多私幼程度都有小一，人哋去津小可以食老本一年，但入到sfa只係啱啱好，冇老本食。
因為上年停課，我又係屋企，佢又係屋企，又冇街去，
咪教下佢lor.

chingchub

我覺得如果係雙職父母都可manage，不過我建議其中一個必須可以準時收工會好啲，始終父或母都要適度投入跟下功課默書考試，亦要係適應得咁上下時（P2?) 開始放手，俾小朋友自己試下。

同埋小朋友自律性如何都重要，自律高家長少啲勞氣，做功課都快手啲，1-2個鐘完成係可以，特別係父或母係屋企監督住都會做得快啲。但做野手腳慢唔夠專注，仲要加埋放工後先跟到，的確會辛苦啲。

No pain no gain, 大人細路都一樣。小朋友學習同吸收能力較高會比較易適應。

ivypooh

happygirl1284 發表於 21-2-11 11:16
回覆 ivypooh 的帖子

非常感謝你的詳細解答. 聽你咁講, 只要小朋友上課留心, 吸收到, 其實又唔係真係太大 ...

我小朋友小五開始有外補英文，始終要應付呈分試。其他科目他也不錯，可以自己應付。
至於公布名次，以前學校網站會公布每班前三名的名次，今年網站公布全級頭10的名次，而各人的名次只會印於成績表內。

sloba123456

happygirl1284 發表於 21-2-10 12:33
我仔仔學術ok但不算最top, 做功課唔算十分主動個種, 有時都要催促下才做, 我是working mum, 每日放工能跟佢 ...

小朋友完成2年級就插入其他學校，2年級級10內。

1)高度參與，點會唔駛呀。跟功課，温習，測驗，考試樣樣都要跟
2）學校係教得深，小朋友咪要家長幫手啦。唔幫手，自己讀，中游吧
3）默書，係唔計入總成績，keep住有A就可以啦，85分就有A
4) 功課唔算太多，每天10份內，1至2小時完成，要專心做
5）一個個老師吧，基本好的老師都走佐好多，一間傳統學校，都係鐘意上堂坐定定，識擦鞋嗰啲小朋友咁囉。追唔上，咪會同你家長傾，叫你揾人幫手。
6）有啲勤力的，會小息做功課，但無咩機會可以完成哂
7）讀書成績係皇道。有興趣班，但唔係必需參加，同埋跟其他名校水平都有點距離。
8）國語緊要，有些老師上堂播完錄音就差不多教完啦，你話要唔要自己補底。。

總括每年級10多數都會插班，都好大機會走到，剩番2至3個無走，一係走唔到，一係就好鐘意學校，出到去其他名校，就知道小朋友唔夠全面，只有讀書。

HKEEriver

我大囡讀緊小一， 今年疫情，唔知係唔係跟往年一樣。 我不是很投入跟佢學術，平日功課我囡自己做，佢唔識會問我,通常2小時內完成。
默書測驗不多，但每次默書測驗我都有跟她一起溫習。
雖然今年只上了一個月學，但我囡很喜歡班主任，佢話老師見佢頭髮亂了，會溫柔幫她束辮子。
Sfa 的同學都很好，佢話唔夠力拎書包時，同學常常會幫忙，而且她認識了一些朋友，返學是開心的。
我囡在學校成績排中間，但我感覺這樣不錯，我囡見同學叻過自己，會更主動學習。
課外活動方面，我沒有特別參加學校的，佢有ECA堂，我囡學了一兩句日文，成日話想學多D，我無另外學了。（網課ECA堂就沒有了）
我自己另外俾佢學鋼琴，以前有學游泳，但因疫情停左。
希望解答到你的問題😊

happygirl1284

回覆 HKEEriver 的帖子

謝謝你的解答呀! 聽到你囡囡返學開心, 做功課又自律真係好呀, 其實如果我仔去到中游我都滿足了, 有進步的動力但又唔會太大壓力, 而且sfa學術水平咁高, 就算中游應該都已很不錯了
請問你覺得學校係疫情期間既應變同支援ok嗎?

happygirl1284

回覆 sloba123456 的帖子

你小朋友好厲害呀, 你的付出有回報, 除左家長幫手, 仲要出去補嗎? 定跟番學校教材都ok?
其實我都有d擔心佢入到sfa只得讀書, 唔夠balance

sloba123456

happygirl1284 發表於 21-2-17 13:38
回覆 sloba123456 的帖子

你小朋友好厲害呀, 你的付出有回報, 除左家長幫手, 仲要出去補嗎? 定跟番學校教 ...

好多都好勁呀！個個想轉校的都好俾心機讀，務求小二轉走，因為插小三係最後機會。
多數名校，好少位可以插小四，可能依家會多啲啩，因為多人走。
外補係需要，但學校所有worksheets, notes必須背熟哂，特別係中文。
如果响sfa唔讀書，先係怪獸呀。。响一間咁著重成績的學校，想得到機會，想得到位置，成績係皇道

happygirl1284

回覆 sloba123456 的帖子

岩既, 入得sfa預左要搏盡, 但我真係好驚會影響到親子關係, 同埋我唔想佢童年只得讀書, 我都想佢全面d發展

ivypooh

happygirl1284 發表於 21-2-17 13:27
回覆 HKEEriver 的帖子

謝謝你的解答呀! 聽到你囡囡返學開心, 做功課又自律真係好呀, 其實如果我仔去到中 ...

我小朋友小一，二，也只是中游位置，幸運地，游下游下游到前面，所以不要低估他們的學習能力，今年未考呈二，已有中學offer, 可早小小上岸