選科

YolandaTam

Rich5 發表於 21-2-8 17:17
M1/M2 選擇，如想讀architect,medicine,dental, 應選那科較適合？

建築 M2
其他兩科唔特別需要，可以按興趣及能力揀，甚至唔讀，搞好 chem bio 更實際。

maggie814

Rich5 發表於 21-1-30 20:45
剛剛又同女討論，提醒她chem 和bio 也很demanding ，她說2科也喜歡，不喜歡econ , bafs
...

想請教下哪科比較冇咁demanding？我女今年選科，原本想phy+econ+bafs+m1，但之後又想唔要 bafs轉中史，但聽聞呢科好難   

b3410

教局話會改革4科核心科目，減少大概250小時課時。對選科有冇影響？最快今年9月中四實行，即係依家中三準備揀科的同學。
時間太短，好多unknown, 可能要再多問問學校意見。

YmOra

b3410 發表於 21-2-9 07:22
教局話會改革4科核心科目，減少大概250小時課時。對選科有冇影響？最快今年9月中四實行，即係依家中三準備 ...

個人認為，教育局把"通識"降至只要求合格或不合格，咁無形中少咗科可計算分數的科目，亦多咗時間修讀多一科選修科，即是話，間接鼓勵學生選修多１個ｘ，今年可能太急了，未必所有中學都明白消化得切地多開３ｘ班，希望今年學生唔會有所損失啦！

妹妹頭

YmOra 發表於 21-2-9 10:52
個人認為，教育局把"通識"降至只要求合格或不合格，咁無形中少咗科可計算分數的科目，亦多咗時間修讀多一 ...

我地學校就有講過, 希望全校S3學生, 都會選3X, 精英班更一定要選多一科M1/M2, 即係4X

YmOra

妹妹頭 發表於 21-2-9 11:02
我地學校就有講過, 希望全校S3學生, 都會選3X, 精英班更一定要選多一科M1/M2, 即係4X
...

係啦！這政策帶動下，將來的趨向應該會係ＤＳＥ平均"報考"科目達至６點幾或７科，又會帶動多ＤＤ學生修讀哩Ｍ１或Ｍ２，就算係４ｃ＋２ｘ＋Ｍｘ也可當作為３科選修科，合共７科報考科目。

YmOra

妹妹頭 發表於 21-2-9 11:02
我地學校就有講過, 希望全校S3學生, 都會選3X, 精英班更一定要選多一科M1/M2, 即係4X
...

加上，數學會以"普通能力"最高取４的學習選擇供學生，顯得既有彈性又為Ｍ１Ｍ２鋪路將來升格為１科選修科。

b3410

YmOra 發表於 21-2-9 11:23
加上，數學會以"普通能力"最高取４的學習選擇供學生，顯得既有彈性又為Ｍ１Ｍ２鋪路將來升格為１科選修科 ...

咁睇其實改動有利於學生將來銜接大學課程。應該是好事。
點解還有好多校長出來反對？

YmOra

b3410 發表於 21-2-9 11:41
咁睇其實改動有利於學生將來銜接大學課程。應該是好事。
點解還有好多校長出來反對？

這點我倒不清楚，那只是純粹個人睇法，未必有人認同。

b3410

YmOra 發表於 21-2-9 11:53
這點我倒不清楚，那只是純粹個人睇法，未必有人認同。

我只係覺得改動太快，同學，學校可能需要時間消化吸收。不過總體來講應該係方向正確

nicolemummy

b3410 發表於 21-2-9 11:41
咁睇其實改動有利於學生將來銜接大學課程。應該是好事。
點解還有好多校長出來反對？

數學變2個version, 5**版和4版，真的有利嗎？

如果個學生只能承受4版，佢可以兼修更深既M1/M2嗎？

數學既改革係我覺得最差既。全世界都知DSE math無calculus, 已經只當得半科math。只係香港學生只自唔知，感覺良好）。現在整多科4版，外國只會當無讀過數。

真係越改越“喎”

YmOra

b3410 發表於 21-2-9 11:55
我只係覺得改動太快，同學，學校可能需要時間消化吸收。不過總體來講應該係方向正確 ...

的確太快，但無計，教局今次的改動"主菜"係整治"通識科"，既然要改咪改埋其他，無需要改完這科第二年又改哪科，但整體而言，個人和女兒都喜歡這改動，阿女十分羡慕學弟學妹們唔駛再為通識而煩腦，但佢又開心好在將來才把Ｍ１Ｍ２升格為１科選修科，因為現階段嘅佢無咁多人讀Ｍ１Ｍ２住，對競爭對手多寡而言仍然少會有利ＤＤ。

nicolemummy

b3410 發表於 21-2-9 11:55
我只係覺得改動太快，同學，學校可能需要時間消化吸收。不過總體來講應該係方向正確 ...

中文刪去說話同聆聽，其實入返落SBA。我無咩意見。因為變返同HKCEE都ok.

英文其實無咩改。

通識變第2科，大家心照，唔comments.

整個改革目的，我覺得是想D學生讀新科和修多一科elective, 前面姐妹都有提過。

這樣我只覺得是想D學校可以把過多既LS人手去教其他科。

但對學生考大學，並無實質意義。只係迫學生讀多科，唔洗D LS老師失業。這樣的話，現在LS老師多數兼教社會科學類科目，如中史、西史、地理等等，多加一科將會只是社會科學類科目。

YmOra

b3410 發表於 21-2-9 11:55
我只係覺得改動太快，同學，學校可能需要時間消化吸收。不過總體來講應該係方向正確 ...

至於從"消化"角度看，我就係擔心未必間間中學可以明白和消化得嚟，這會對"今年"升高中的學生有ＤＤ不利，因為未必間間中學會以３ｘ為開班目標嘛，但相信將來一定會多咗中學開辦多ＤＤ３ｘ班呢！

YmOra

nicolemummy 發表於 21-2-9 12:05
本帖最後由 nicolemummy 於 21-2-9 12:18 編輯

中文刪去說話同聆聽，其實入返落SBA。我無咩意見。因為 ...

純粹個人睇法，要讓通識科老師轉教另一"專屬學科"會比較難，因為專科專教嘛！

nicolemummy

YmOra 發表於 21-2-9 12:20
純粹個人睇法，要讓通識科老師轉教另一"專屬學科"會比較難，因為專科專教嘛！
...

https://std.stheadline.com/daily/article/2332761/%E6%97%A5%E5%A0%B1-%E6%95%99%E8%82%B2-%E9%80%9A%E8%AD%98%E6%94%B9%E9%9D%A9%E8%87%B4%E4%BA%BA%E6%89%8B%E9%81%8E%E5%89%A9-%E4%B8%AD%E5%AD%B8%E5%8A%A9%E6%95%99%E5%B8%AB%E8%BD%89%E6%95%99%E4%B8%AD%E5%8F%B2

開口中添

　　(星島日報報道)高中通識教育科終極改革後課程減半，料可釋出約一百小時課時，衍生科任教師的轉型問題。有中學打算安排其中一名科任教師，逐步轉教中國歷史科，加上有教師退休，料可解決人手問題。有中三的跨境生指，新科內容對國家發展有較多涉獵，有助港生消除偏見，同時亦減輕學習壓力。

　　高中核心科目課程與評估的優化方案日前出爐，而課時及內容減半後的通識教育科，九月起重新冠名，在中四級起推行。天水圍的天主教培聖中學，校長郭富華認同，現行的通識教育科課程內容重複，學生學習較吃力，刪減內容能減輕負擔。校方計畫每周縮減兩個課節，衍生教師轉型的問題，現時學校共六名科任教師，四人屬於專教，兩名則為兼教，他形容學校情況較「幸運」，通識教育科科主任將於三年後退休，另一名科任教師有良好中史背景，可替補另一名將退休中史科教師的工作，至於其餘教師任教新課程外，亦任教初中生活與社會科，相信能解決人手問題，「將與他們討論轉型方向。」

　　新課程有三分二內容與國情相關，郭富華指科主任精通國民教育，相信可協助學校順利過渡，但不會參考他校做法，製作校本教材，避免「誤觸地雷」，「以免言者無心，聽者有意。」

　　該校中三的跨境生何同學，將是通識教育科改革後的首批學生，他坦言現行課程內容多與本港有關，因居住內地關係，較難理解相關議題，而新課程較多國情內容，「相信新課程亦可協助港生認識及接納中國，消除偏見。」他又認為課程減半後，內容更貼近生活，而評級改為達標與不達標，亦能減輕學習壓力。

　　至於中文、英文及數學科，郭富華指，考慮到語文學科需長時間學習，方能掌握閱寫聽讀能力，而數學科課程實際未有減少，故暫不打算刪減課節。雖然核心科目合共釋放課時，相當於一個選修科目，但他坦言，要評估學生能力後，始決定會否鼓勵他們多修一科。

　　

nicolemummy

YmOra 發表於 21-2-9 12:20
純粹個人睇法，要讓通識科老師轉教另一"專屬學科"會比較難，因為專科專教嘛！
...

好多通識老師本身都要兼教中史，西史，地理的。

如果妳學校真的專科專教， ，現在的處境，實屬LS老師的不幸。

YmOra

nicolemummy 發表於 21-2-9 12:26
好多通識老師本身都要兼教中史，西史，地理的。

如果妳學校真的專科專教，  ，現在的處境，實屬LS ...

原來係咁，我校中史和西史反而真係由專屬老師教，佢哋教得幾好㗎，而初中係咪由專屬老師教定係由通識科老師兼任就不太肯定了。

nicolemummy

YmOra 發表於 21-2-9 12:35
原來係咁，我校中史和西史反而真係由專屬老師教，佢哋教得幾好㗎，而初中係咪由專屬老師教定係由通識科老 ...

通識教育要求要咩都知，好難“專科”。亦因好多關係社會科學，所以多教呢D。但通識其實科技知識也有需要。

不過，現在咩都無需要了。因為新科根本不是通識。

YmOra

nicolemummy 發表於 21-2-9 12:23
https://std.stheadline.com/daily/article/2332761/%E6%97%A5%E5%A0%B1-%E6%95%99%E8%82%B2-%E9%80%9A%E8 ...

這報道响電視新聞亦有聽聞，但純粹個人睇法，若然真係多咗中學生揀第３個ｘ，學生會選擇"中史科"的機會未必增加得太多，故對中史科老師的需求未必需要增加，因為平均每所中學有報考ＤＳＥ中史科嘅學生比例都係大約１４至１５人左右，即是半班左右，即原有的一位老師就足已應付，但若然第３個ｘ發生响別的學科身上就有可能需要考慮多請該科嘅專屬老師了，尤其過往以２ｘ為主的中學。

參考資料：中史科報考情況
http://www.hkeaa.edu.hk/DocLibrary/HKDSE/Exam_Report/Examination_Statistics/dseexamstat20_2.pdf#page=5
http://www.hkeaa.edu.hk/DocLibrary/HKDSE/Exam_Report/Examination_Statistics/dseexamstat19_2.pdf#page=5