有冇讀緊 樂沛兒 Nobel 嘅家長可以分享下？

ecol

樂沛兒 Nobel 我見都係一兩年前嘅post比較多而且都係PN 有有最近嘅用家可以分享下 k1 2 3?
對佢個steam幾有興趣

求指教！

ecol

Push

My-jade

我唔係直接用家，係朋友個小朋友讀，佢由PN開始，最初只係見佢近屋企又係兩文三語學費唔貴所以去讀，後來見個小朋友好開心所以放棄其他offer上K1，整體而言小朋友都好有教養，兩文三語都好好，學校每年都舉辦好多唔同比賽鼓勵小朋友參加，重點係佢唔會揀最叻最勁嗰個去參加，基本上家長想小朋友參加就可以報名然後老師訓練，聽講今年仲有好多小朋友攞冠軍，佢之前有畢業學生去到蔡繼有都攞STEAM 科學獎，所以我估佢科學應該都唔錯，升小大部份都係即知私校或者係本地名校，好似話幼稚園會響差唔多面試時候會訓練小朋友，所以佢好多人都可以考到心儀小學，不過可能始終開校時間唔長，用家未係好多所以比較少人題。

My-jade

以上由我朋友轉述，希望可以幫到你

快樂股民

我個小朋友在樂沛兒畢業, 現在讀小學一年級.

我覺得樂沛兒功課唔算heavy, 但又唔可以話好輕鬆, 我見到我個小朋友同佢d同學都好開心, 校園生活應該愉快.  佢地英文水準似乎好高, 可以講很流利的英語, 私底下交談都很喜歡說英語.

我個小朋友現在讀小一, 間小學都算係名校, 因為近期用zoom上堂的關係, 我可以坐在旁邊觀察, 我覺得我個小朋友的英語水準都算全班最top嗰幾個.

至於中文水準呢...... 我個小朋友剛剛第一個學期考試, 中文科考試滿分係70分, 我個小朋友得36.5分, 係全班最低分!  而全班第二低分的都有五十幾分, 我個小朋友的中文水準明顯大落後.

咁當然啦, 呢個可能係我個小朋友的個人問題, 唔代表其他樂沛兒的畢業生.

另外, 過去幾年樂沛兒的教職員變動都好大, 不過幸好佢地新請的老師嘅質素都唔錯.

總括而言, 我都滿意樂沛兒.

快樂股民

My-jade 發表於 21-1-30 12:49
我唔係直接用家，係朋友個小朋友讀，佢由PN開始，最初只係見佢近屋企又係兩文三語學費唔貴所以去讀，後來見 ...

係呀, 去年因為疫情的關係, 有部份的校際朗誦比賽取消咗, 所以去年樂沛兒參加校際朗誦的項目比前年少, 但係得到的獎項卻比前年更多!