一線私小VS地區一線，你地會點揀?

kikibebe

creambun 發表於 21-1-26 14:07
一般來講，私小的課程較靈活，重思考，少抄寫功課，所以有多些時間發展運動，音樂或藝術等課外活動。以另 ...

"作戰狀態是指長期保持閱讀及溫習習慣"，這樣我應該可以，如果放學後要補呢樣果樣咁樣谷法就唔想了（當然追唔上另計）

b3410

Poyau 發表於 21-1-26 15:15
升中目標為B1要考慮錦泰往績
保一聯繫位16個同陳南昌齊齊抽
其他本區他區B1每間可入多少人

冇寫每間入讀人數？

PTL_L

kikibebe 發表於 21-1-26 15:19
"作戰狀態是指長期保持閱讀及溫習習慣"，這樣我應該可以，如果放學後要補呢樣果樣咁樣谷法就唔想了（當然追 ...

另外仲要有心態上調整，如考測後，分數好理想，以為成績好好，但可能只係排中間位置，因為大把人同你小朋友既能力一樣，又或當努力溫書後，出來結果不成正比，又或見到自己小朋友明明跟到學校進度，但始終都係被比下去，做唔到最叻既一群等......

mooie

kikibebe 發表於 21-1-26 14:58
其實谷都預左，即使讀一線津小，有要求的父母，我覺得都唔會唔谷。。問題係如果谷嘅意思係~每日放學都要補 ...

冇可能放學唔使補習或者學嘢啦，大把津恔生放學之後，啲補習班或興趣班都係鋪到密密麻麻的。另外如果入宣小但又唔係target更高層次嘅神校，咁使乜入宣小，target 只係地區b1中學，咁讀津/官小就得啦，何必嘥錢。雖則個個都話私小師資好，課程又彈性，功課唔係抄寫為主，但其實係咪咁嘅教學模式就一定係好，同埋津校又係咪好似啲人咁講咁冇彈性/咁死板呢？我又覺得未必囉，而家資訊發達，要學嘢、要擴闊視野已經比以前容易咗好多，一個google + youtube 已經可以學到好多你係學校學唔到嘅嘢。
如果我係你，我會揀宣小，但升中目標一定係神校，同埋會全力以赴，做好心理準備作戰。

kikibebe

mooie 發表於 21-1-26 19:55
冇可能放學唔使補習或者學嘢啦，大把津恔生放學之後，啲補習班或興趣班都係鋪到密密麻麻的。另外如果入宣小 ...

原來而家讀小學咁恐怖㗎? (啲補習班或興趣班都係鋪到密密麻麻的。)咁即係我揀咩學校都死

PTL_L

kikibebe 發表於 21-1-26 20:14
原來而家讀小學咁恐怖㗎? (啲補習班或興趣班都係鋪到密密麻麻的。)咁即係我揀咩學校都死 ...

我都會揀宣小，個人意見，只有數間津校會令我放棄英私小。

kikibebe

PTL_L 發表於 21-1-26 20:24
我都會揀宣小，個人意見，只有數間津校會令我放棄英私小。

其實仲等緊兩間直資，如果有我諗我會揀

mooie

kikibebe 發表於 21-1-26 20:14
原來而家讀小學咁恐怖㗎? (啲補習班或興趣班都係鋪到密密麻麻的。)咁即係我揀咩學校都死 ...

咁又唔係，只要接受到小朋友排名係中游或下游份子就得，始終人人要嘅野唔同，另外亦要睇埋小朋友資質同受唔受操

PTL_L

kikibebe 發表於 21-1-26 20:36
其實仲等緊兩間直資，如果有我諗我會揀

咁又要睇到時vs邊間私同直喇，咁確實直資源比私好，最簡單講係師生比例

kikibebe

PTL_L 發表於 21-1-26 20:40
咁又要睇到時vs邊間私同直喇，咁確實直資源比私好，最簡單講係師生比例

所以亦都比較難入

b3410

bb.fayli 發表於 21-1-27 03:55
回覆 PTL_L 的帖子

如果mps vs Aps ，點揀？

MPS  
三私一直去考插班的學校

PTL_L

bb.fayli 發表於 21-1-27 03:55
回覆 PTL_L 的帖子

如果mps vs Aps ，點揀？

Sure mps

Azzurro

adako728 發表於 21-1-25 23:19
三私一直就算升學率再好也是睇畢業果批，其實中間已經進進出出了好多人，當中的辛苦只有讀過/讀緊嘅人先直 ...

感謝分享
其實大部分三私一直的家長應該都有比較高期望值
因為幼稚園三年已經比較進取
可能大部分人都目標係 1a 中學
但是到最後還是很多人會失望
畢竟幼稚園的競爭強度比小學低
不少家長和小朋友可能堅持不下去

準三私一直的家長也很難評估自己是否以後 1a中學的中獎者。。

kcyleung

我小朋友係APS舊生, 當初入去讀, 沒有以神中學為目標, 九成上BAND 1已經好滿足, 當然六年後, 佢有能力上神校, 我就賺咗.  本身小朋友好鍾意讀書(鍾意讀書不等如聰明), 同老公共識如果讀落去成績跟唔上, 就會轉校, 反正APS轉去其他學校都有相當的選擇.

過去六年的小學生活, 小朋友好享受APS的讀書氣氛, 每星期一次學樂器返樂團, 每日功課唔算多, 少抄寫背默, 反而PROJECT各科都有(包括體育,音樂), 這個比較花時間, Project都需要家長協助.


APS要求學生自理能力好強, 例如小一開始每日功課清單不會上載上網, 要學生抄寫下來, 如果小朋友抄漏咗, 就出事.  功課通常不是第二日交, 隔幾日/下週期交, 小心做咗但漏交, 學校以六天為一個週期上課, 學生和家長都要好好適應, 學生不要執錯書包, 家長要留意上體育堂不要著錯校服, 所以我孩子的自理能力被訓練得不錯.


成績的壓力, 我要求孩子盡力就足夠, 不比較會開心好多. 所以我孩子沒有去補習; 也很少買街外的補充練習, 因為和學校程度有差距, 沒有太大幫助.  重要教他温習方法, 不是我幫佢温, 我還要返工做家務.


過去六年是充實的, 孩子不單在知識上得到充份的裝備,  以致上了中學也可以輕鬆應付.


希望以上的用家分享可以幫到你.

kikibebe

kcyleung 發表於 21-1-27 11:59
我小朋友係APS舊生, 當初入去讀, 沒有以神中學為目標, 九成上BAND 1已經好滿足, 當然六年後, 佢有能力上神 ...

感謝你的分享! 請問學樂器方面，會不會很大壓力? 我指是學校是否很有要求，要考級之類? 還是只當一種興趣班看待? 每天是否要花很多時間在樂器方面? 謝謝!

kcyleung

回覆 kikibebe 的帖子




小一開始學習一種樂器, 學校會比意見你選咩會合適, 也可選聲樂(唱歌), 不過大部份人都係學樂器, 好少人選聲樂.


學習及購買樂器, 費用由家長自付, 學校會有指定導師以小組(五人左右)上課, 上課時間係放學後或星期六. 學校指定導師都是資深的, 家長不用費神.


校內的音樂堂, 學生分管樂, 弦樂, 聲樂上課, 考試的其中一項評估, 要以樂器演奏評分.


我的孩子, 每星期有4天都會在家練習, 加埋上樂器小組, 音樂堂, 每星期都有6天. 初學時每次練30分鐘夠了.


二年級學生可以參加樂團選拔, 入咗樂團, 每星期練習一次, 每次2小時, 於放學後或星期六.


   

xubin2008

回覆 kcyleung 的帖子

真係羨慕你嘅可以入到宣小，學校氣氛好，小朋友比心機，你哋父母心態都平和

kikibebe

kcyleung 發表於 21-1-27 13:39
回覆 kikibebe 的帖子

請問學樂器費用，大嘅一個月多錢呢？唔好意思，太多嘢問。

kriskoo196

回覆 kikibebe 的帖子

視乎你揾咩老師同埋學咩樂器，好難一概而論，不過肯定的是小一小組上就唔太貴，幾千蚊半年。