中二要陪子女温書嗎？

MrBeast

S-Kwok 發表於 21-2-2 20:42
最怕就係佢哋高估自己，覺得自己已經可以遠早高飛，有時我仔覺得我係管，做父母有時好難拿掐。  ...

青春期特色，最近孩子都微言話我管得太嚴，以前我會理論，e加就盡量千就/配合

msming

MrBeast 發表於 21-2-2 22:00
做是可以，但result 未必一樣

教育子女除了父母本身的方法之外,亦會有其他環境同人物影響(如長老是否配合)等

我比較好彩,老公同我理念一致,而長輩們亦配合到我地,所以更加事半功倍

msming

S-Kwok 發表於 21-2-2 20:42
最怕就係佢哋高估自己，覺得自己已經可以遠早高飛，有時我仔覺得我係管，做父母有時好難拿掐。  ...

我女好細個時我地已經咩都有商有量,所以佢地又唔會話我地成日管住晒,反而好多時會主動説出自己的想法然後問我地意見

S-Kwok

msming 發表於 21-2-2 22:22
我女好細個時我地已經咩都有商有量,所以佢地又唔會話我地成日管住晒,反而好多時會主動説出自己的想法然後 ...

視乎係咩，例如零用錢過份要求, 疫症其間要求同同學出街，呢啲我拒絕，仔就覺得我係管佢。

我覺得可以有要求，但唔係一定要答允, 但當唔答允時，我仔就覺得係我唔信任/管佢。。

S-Kwok

YmOra 發表於 21-2-2 21:15
明白有時會係幾難拿捏，純粹個人做法，我會用自己成長嘅過去作定位，因為過去嘅自己經歷過嘛！自己以前去 ...

我自己覺得會有唔同，可能男女大不同，亦可能因為我仔有ASD, 喺教育上真係會跟我好唔同，無論喺日常生活還是學業，都在調適中，我覺得學業嘅拿捏較難，例如幾時講多句，幾時時運高睇唔到。 數學方面，你如何微調呢？

msming

S-Kwok 發表於 21-2-2 22:40
視乎係咩，例如零用錢過份要求, 疫症其間要求同同學出街，呢啲我拒絕，仔就覺得我係管佢。

我覺得可以有 ...

哈哈哈,可能我女真係唔會有呢D情況出現,所以不存在有被管的感覺

又或者咁講,例如零用錢,佢地自己如果仲有錢係手,就算我出聲問,佢地都會同我講D$未用完唔洗俾住.

疫情期間如果要出去都會問准我地,如果我地話唔好,解釋左我地所顧慮的,佢地都會接受,假如我地批准,佢地亦會保護好自己同不時報導行踪亦會準時回家
我地成日講要互相尊重,亦要互相体諒

YmOra

S-Kwok 發表於 21-2-2 22:56
我自己覺得會有唔同，可能男女大不同，亦可能因為我仔有ASD, 喺教育上真係會跟我好唔同，無論喺日常生活還 ...

我都承認女孩子會好教好多，尤其當媽咪關愛孩子，小女孩一定受，少女們都係喜歡被愛，這點對教導她們好有利。不過，個人認為只要有更多的耐性和溫柔關愛男孩子，也可以有相同的結果。友人ｊｍ的囝囝與你兒子有著差不多的個性，ｊｍ係做社工的，對著自己的兒子同別的孩子無異，一樣有耐性有愛心，我哋經常哦到口臭嘅說話，ｊｍ更是重複百次千次，唯一分別嘅係我哋或許會動怒，而ｊｍ佢則萬次如一，仍然溫柔教導，最艱難嘅日子過去了，初中好咗好多，高中更是收成期，男孩子忙於高中的學習和已經响初中時期建立了一班好朋友，似乎有了同路人和有了目標，這些都是自己辛苦努力擁有得番嚟的，真係屬於自己擁有的，可能就是這原因，小男孩就去掉了以前的問題向著自己的目標入大學而努力了。

分享少少，小學時，女兒學習數學總是喜歡不跳步，但個人認為不愛跳步嘅人數學好難可以更上一層，去到中學階段好多問題就會浮晒出嚟，我覺得當時嘅佢有少少固執，認為做數嘅步驟一定要咁做就一定要咁做，是不能改變的，我當時唯有"微調"一下，慢慢地由只跳半步去到一步、二步、三步。。。，都用咗好耐時間囡囡才願意接受跳步的"必要性"，後來去到中學見佢跳步跳得成熟了便問她你還記得你以前如何固執，她竟然話無咁嘅事，無可能發生响佢身上，小孩子就是這樣，佢哋想做想改變嘅事，下一秒鐘就可以立即改變，未諗通嘅未肯接受嘅就一年、二年、十年也是不能改變，若然大人認為改變可以幫助到孩子成長嘅就要有定心理準備，要是不能放棄、進展援慢、此刻可能得個桔等等令你心灰意冷的事情發生，但只要你心信明天會更好，為的不是鄰家的小孩子，而是自己的孩子就仍然願意繼續努力下去，咁！成功一定可在望呢！

MrBeast

YmOra 發表於 21-2-2 23:59
我都承認女孩子會好教好多，尤其當媽咪關愛孩子，小女孩一定受，少女們都係喜歡被愛，這點對教導她們好有 ...

re jump step, 我覺得唔多唔少同傳統教育有關，上年我孩子唔夠時間時間做唔哂份卷，我叫佢jump 但佢felt uncomfortable.  我話我自己跳主要是因為我懶唔想寫咁多字，扣分vs 做唔哂，要取捨，呢幾天睇佢d數，已有跳，任務完成

MrBeast

S-Kwok 發表於 21-2-2 22:40
視乎係咩，例如零用錢過份要求, 疫症其間要求同同學出街，呢啲我拒絕，仔就覺得我係管佢。

我覺得可以有 ...

其實帶口罩都ok安全，成日屈在家亦唔係咁健康，其他同學出佢冇得出自然冇面，呢d要考慮also.  或者大家work out a compromise.
ps, 好明顯仔仔步入青春期，管教方式不能再和之前一樣（知易行難），送你一字：忍

S-Kwok

YmOra 發表於 21-2-2 23:59
我都承認女孩子會好教好多，尤其當媽咪關愛孩子，小女孩一定受，少女們都係喜歡被愛，這點對教導她們好有 ...

多謝你，你嘅說話好有鼓勵性，亦提醒我ASD係比一般孩子更需要千萬次重覆嘅提醒。
你朋友jm真係好有耐性，令我記起從前教仔朝早起身要跟爸爸媽媽講早晨，都教足(身教)幾年，先識朝早起身講早晨。可能依家佢長大咗，我已經好難再待佢如幼稚園孩子一樣，超耐心教導(唔動氣), 我覺得只要佢用心提自己，定能改掉壞習慣。而且好多時我提嘅時候，佢會覺得我煩，更令放棄，而爸更對仔已經完全感到沒救。

S-Kwok

MrBeast 發表於 21-2-3 07:26
re jump step, 我覺得唔多唔少同傳統教育有關，上年我孩子唔夠時間時間做唔哂份卷，我叫佢jump 但佢felt un ...

good

你地煩唔跳step, 我嗰就覺得煩，又唔明點解要寫，計數從來唔會寫自己計緊咩，連最後statement都唔想寫，我就多番解釋有啲step你係要寫比考官睇，依家我唯有攞住書後嗰啲marking scheme同佢講。

MrBeast

S-Kwok 發表於 21-2-3 07:42
多謝你，你嘅說話好有鼓勵性，亦提醒我ASD係比一般孩子更需要千萬次重覆嘅提醒。
你朋友jm真係好有耐性， ...

試下你同佢講早晨先，唔好理佢會不會同你講。我已放棄叫我個起床，但佢自己又起到不過就冇時間食早餐

YmOra

MrBeast 發表於 21-2-3 07:26
re jump step, 我覺得唔多唔少同傳統教育有關，上年我孩子唔夠時間時間做唔哂份卷，我叫佢jump 但佢felt un ...

你的孩子還好，容易改變固有諗法，多數不能短時間內接受跳步做數嘅都係小學時受老師影響，多數發生响小一小二，老師經常掛口邊話做數要跟步驟做，沒有可見的步驟將會被扣分，小孩子們有Ｄ太過記在心裏就影響甚遠，從此就誤以為"規規矩矩地做數" 與 "正確地學習數學"連成一線，這就十分難攪了，小孩子固執起上嚟，要扭轉要花很多時間，阿女自小就由我教數，我都以為她不受影響，誰不知响小二遇到個數學教得好好的女老師，也是第一次遇到的女性數學老師，囡囡即時把她封為偶像好鍾意老師，故老師响第一堂就教做數的"規矩"，女兒即日就改變做數的風格，我當時見到都好突然，不過，老師這一教法亦帶來我有機會教囡囡其他"思路"新方向，係就係用咗好耐時間讓她重新接受跳步，但"過程中"所學到嘅其他東西也同樣地多咗！

S-Kwok

純呻:

info: 學校英文默書係考vocy運用，會比一堆vocabulary要學生記，考試就會比一篇文章/句子/詞語解釋，要學生填寫佢哋之前要温嘅vocabulary, 當然沒有供詞填充，所以學生一定要背晒嗰堆生字。

話說上星期老師話今日（星期三）有英文默書，仔就安排今個星期一先温，星期一嗰日，求其睇過下，到噚日，我仔仍然係求其睇咗2次左右，未記熟20個vocabulary，我問佢，係覺得自己睇2、3次記到幾多得幾多，還是冇方法記所以唔記。 佢回應我佢用故事串連咗十個詞語，其他串唔到，所以唔記。 之後我話佢可以用好多方法，如分類 分verbs, adjective等， 睇2次唔得，咪讀多幾次到熟記囉，依家根本就未準備好，我完全接受唔到呢種態度。

YmOra

S-Kwok 發表於 21-2-3 07:42
多謝你，你嘅說話好有鼓勵性，亦提醒我ASD係比一般孩子更需要千萬次重覆嘅提醒。
你朋友jm真係好有耐性， ...

你孩子的情況加上"年青人"哩個暴風時期係會難教ＤＤ，但"既溫柔又有耐性"的對待真係能醫百病，我識咗哩位ｊｍ好耐，我的溫柔耐性也是向她學習，的確有用。

S-Kwok

MrBeast 發表於 21-2-3 08:00
試下你同佢講早晨先，唔好理佢會不會同你講。我已放棄叫我個起床，但佢自己又起到不過就冇時間食早餐 ...

係吖，從前教佢，我就會自己先講早晨，教足幾年，幾年前開始，終於識佢起咗身，就主動叫我哋早晨。

呢啲生活細節，我已經唔理，例如唔記得洗衫，搞到自己無衫換，洗咗唔記得掠，以前我會提，提得多我都覺得自己口臭，依家唔提，唔記得洗咪著多日底褲囉。

YmOra

S-Kwok 發表於 21-2-3 07:51
good  

你地煩唔跳step, 我嗰就覺得煩，又唔明點解要寫，計數從來唔會寫自己計緊咩，連最後stateme ...

類似的問題我以前曾遇見過，我女响幼稚園已經學識乘數表，小一時首次做老師俾嘅乘數題，她不寫步驟就直接寫答案，老師當然不收貨，全錯打回頭，阿女知衰Ｄ乜嘢，只是不接受個結果係都要有步驟，我即時响網上給了一些"女子花式單車"比賽佢睇，因為阿女當時成日踏單車，故投其所好，應該會容易ＤＤ接受我想帶出的訊息，睇咗三五個選手表演之後，我問佢：「你有無覺得佢哋嘅表演好似不同呀？（我専登講反話）」，女兒回應地話，好似有相同，又好似不相同，有ＤＤ混亂，如我"期望"的反應，我就承著機會與她說，這些選手係在"比賽"，不是在"表演"，若是表演嘅話就會由表演者隨心所欲地鍾意點就點，但一旦上得台就代表願意接受挑戰，會有想做到最好甚至想贏，不過就要做晒比賽規定嘅１０個花式出嚟，而點樣調配花式之先後就可以由參賽者自己決定，就好似你做數一樣，你交得嘅功課參加得嘅考試，就要接受學校對"評數"的準則，無得任性㗎！女兒明白道理，但她沒有放棄自己嗰套，只是當做我俾嘅數題就唔寫步驟，學校的就照規矩做而矣！我亦有鼓勵女兒，去到中學這些"規矩"會漸漸無咁嚴謹，自由度會大ＤＤ。

MrBeast

YmOra 發表於 21-2-3 08:03
你的孩子還好，容易改變固有諗法，多數不能短時間內接受跳步做數嘅都係小學時受老師影響，多數發生响小一 ...

其實影響好深遠，我發覺有時規則冇講明會選擇唔做，我會challenge 冇話唔得即是得，但如你說，子女受學校朋輩影響多過父母，只能盡力

MrBeast

S-Kwok 發表於 21-2-3 08:14
係吖，從前教佢，我就會自己先講早晨，教足幾年，幾年前開始，終於識佢起咗身，就主動叫我哋早晨。

呢啲 ...

總之父母要懂得由主道角色變成輔導/support/協助 角色

YmOra

MrBeast 發表於 21-2-3 09:11
總之父母要懂得由主道角色變成輔導/support/協助 角色

認同做法。咁！孩子才會飛得起飛得更高更遠呢！