自行剩餘學位

5星猩

yyk1009 發表於 21-1-13 16:53
以上年做法，中學website 會公佈所有自行成功的名單嗎？

中學只會個別通知自行取錄既學生，唔會係任何地方，包括網上公佈。

「請問假設收自行收40人，是有可能那所中學只收到30人的情況嗎？」
中學會用盡自行名額去收生，呢個情況估計有兩個可能:

<1> 40個學額只有30份申請人。呢個情況應該唔多，你都唔會考慮呢間學校，所以唔使担心。

<2> 自行取錄既學生被搶，例如: 去另一間自行中學或去直資。教局會根據中學自行後補取錄名單遞補學生上去，若果仲有剩位，撥去大抽獎。

「waiting 學生是在何時收到通知？」
同大抽獎派彩一齊公佈。

yyk1009

回覆 YmOra 的帖子

我明，即係中學會將學生計分，跟著次序排名，而該中學不會知道自己收到第幾個學生，要視乎有幾多個學生選該校為自一又或者選該校為自二而自一吾收。講落有d複雜。

YmOra

yyk1009 發表於 21-1-13 18:17
回覆 YmOra 的帖子

我明，即係中學會將學生計分，跟著次序排名，而該中學不會知道自己收到第幾個學生，要 ...

唔只這原因。最大問題係你條問題係無可能發生，當"只收"３０人未爆滿的情況下，無可能仲有人會係ＷａｉｔｉｎｇＬｉｓｔ？！個人認為，ＷａｉｔｉｎｇＬｉｓｔ＝０人才想得通。

Poyau

自行備取生是不會收學校通知
到大抽獎放榜派到自1/2學校才知
如大抽獎有選 不知是否自行入
如大抽獎無選 才知係備取補上

gracelam

yyk1009 發表於 21-1-13 18:17
回覆 YmOra 的帖子

我明，即係中學會將學生計分，跟著次序排名，而該中學不會知道自己收到第幾個學生，要 ...

9樓答左

A中學有40個自行位，所以A校有40個正選生，及40個或以上的後備生一同呈上教育局，假設40個正選生中有10揀A校為自行二被B校自行一取錄及有5個去左直資中學，咁剩餘的15個位就由後備生補上。

咁呢15個學生事前係唔知已自行成功，要到7月放榜先知道結果。

黑咪喵

所以呢…教育局搞呢個“正取生”提早通知出嚟，根本係“多舊魚”，搞到好多家長誤會咗無得提早通知就等於自行落選，然後有好面子好同人比較嘅家長將怨氣不滿發洩仔女身上（本人身邊有呢類家長），再心驚膽跳幾個月等搞珠（忽略咗仲有一大堆備取生)，亦有家長誤會咗兩間自行都正取時可以隨便揀一間…作為上屆白老鼠家長提提今屆家長：平常心對待，3月底無電話通知並不等於自行唔入，其實有好多都係備取位入。

gracelam

黑咪喵 發表於 21-1-13 22:08
所以呢…教育局搞呢個“正取生”提早通知出嚟，根本係“多舊魚”，搞到好多家長誤會咗無得提早通知就等於自 ...

咁起碼有40個正取生可以安落咁買定校服或直資定自行揀吓，叫做有可取之處。  

conniecheung

黑咪喵 發表於 21-1-13 22:08
所以呢…教育局搞呢個“正取生”提早通知出嚟，根本係“多舊魚”，搞到好多家長誤會咗無得提早通知就等於自 ...

黑咪喵

gracelam 發表於 21-1-13 22:15
咁起碼有40個正取生可以安落咁買定校服或直資定自行揀吓，叫做有可取之處。  
...

弊多過利！而且直資學校又覺得唔公平俾資助學校搶走叻學生，而本來自行備取位入嘅以為無機而“嗱嗱聲”去直資註冊

YmOra

黑咪喵 發表於 21-1-13 22:31
弊多過利！而且直資學校又覺得唔公平俾資助學校搶走叻學生，而本來自行備取位入嘅以為無機而“嗱嗱聲”去 ...

這個好似有ＤＤ講唔通喎！以前無得早知自行結果時，咪又係怕自行無機嗱嗱聲入"直資"，ｅ＋知道情況下唔係應該比以前叫做好咗咩？！起碼有批人唔會嗱嗱聲入直資嘛！話晒仲多咗學校揀添，又有直資在手又有自１正取選擇。

cyhh

YmOra 發表於 21-1-13 22:42
這個好似有ＤＤ講唔通喎！以前無得早知自行結果時，咪又係怕自行無機嗱嗱聲入"直資"，ｅ＋知道情況下唔係 ...

同意呀，有一少部分人知道左結果，或可選擇離場，係有好處架，起碼有一班人壓力細d。
其實升小學時，自行都係早d放榜架啦

YmOra

cyhh 發表於 21-1-13 23:02
同意呀，有一少部分人知道左結果，或可選擇離場，係有好處架，起碼有一班人壓力細d。
其實升小學時，自行 ...

係啦！以前乜都唔知年代除咗要決擇於放唔放棄直資好已經人都癲，加上受自行未知之數影響下就連大抽獎應以詳策略都舉步難行。個人認為，ｅ＋可以早ＤＤ知道自行結果已經可以減少好多無形壓力了，對大抽獎的佈署亦有幫助。

jacknetpass

正取生通知，我覺得對有選擇的學生最有利，又中自行又有直資offers，早點選擇和安心

當然這樣也影響直資音樂椅再早點轉動

Poyau

jacknetpass 發表於 21-1-13 23:21
正取生通知，我覺得對有選擇的學生最有利，又中自行又有直資offers，早點選擇和安心

當然這樣也影 ...

直資12/4知抽飛情況可叫備取補上

B.B.BaBa

gracelam 發表於 21-1-13 22:15
咁起碼有40個正取生可以安落咁買定校服或直資定自行揀吓，叫做有可取之處。  
...

又唔好太早買定校服..... 如果收到的係自二學校的錄取電話，仲有機會最終派去自一

gracelam

B.B.BaBa 發表於 21-1-14 08:37
又唔好太早買定校服..... 如果收到的係自二學校的錄取電話，仲有機會最終派去自一
...

多謝補充

B.B.BaBa

其實呢個安排已行左一年，所有唔清楚的事都已經好清楚。

唔清唔楚都唔去搞清楚的係家長，好面子要發洩的都係家長，明明一早已選好自一自二次序仲以為可以再揀一次的都係家長，關教育局咩事？

教育局的確有好多野做得未夠好，甚至係差，但都唔應該乜都賴晒落佢度

joe12211981

B.B.BaBa 發表於 21-1-14 08:37
又唔好太早買定校服..... 如果收到的係自二學校的錄取電話，仲有機會最終派去自一
...

自二取錄咗唔係就入自二咩？

gracelam

joe12211981 發表於 21-1-14 11:21
自二取錄咗唔係就入自二咩？

最後有可能係後補入自一嘅中學，所以7月會有驚喜。

每間中學都會被人放响"自二"選擇及有人選擇讀直資，3月31日冇收到自一電話，也可能在後補當中。

Vitsoi00

回覆 joe12211981 的帖子

自一備取生的話..最後或可能入自一.
大抽獎後知道結果