想請教一下，哪些學校會適合IQ155兒子

hkhill

回覆 akys 的帖子

對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳、網球、跆拳、足球、籃球…，冇一樣肯學多過一年！
近兩年試吓叫仔上coding course，佢又係唔肯，於是爸爸買咗Mbot 俾佢，玩到其中一度過唔到就唔玩，鼓勵極佢都唔想再試…
佢只係想一直睇YouTube，睇人打機同一啲資訊性嘅channel，全部外國人，所以英文好強，而且識嘅嘢都好多，會令人意想不到。
仔亦都不斷重複睇漫畫大英百科，基本上睇過都記得，可以突然間同你講遺傳基因，又會突然間講靜電、閃電點樣形成。
所以爸爸話唔擔心佢學習能力，只係唔知可唔可以搵到間適合佢嘅學校…。
加上家姐今年要升中選校，我已經冇乜精神同時間，心力交瘁…
學校英文科老師話香港學校唔適合仔讀，但經濟上未能送佢出國讀書，唯有努力搵直資學校試吓。

akys

hkhill 發表於 21-1-21 11:50
回覆 akys 的帖子

對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳 ...

每個孩子都是獨特的，而最清楚他們的就是父母。 呢度好多前輩分享過他們的經驗，可以參考但不能照抄。不過，總括而言，都有幾點共通點。1） IQ高不是入場券，成績才是王道（非常現實）。
2）不要偏向一面，文理平衡就最好。
3）外國（我唔清楚）》IS》直資私校》官津。
4）成績重要但不是一切，性格行為，態度，觀念要留意。
5）多學習，多嘗試。


所有煩惱來自自己，按你的描述，如果父母無慾無求，除非有情緒，自我放棄等行為，我覺得將來3大8大一般科目不用擔心，但如果target神科，牛劍哈耶等就要痛苦一下了，呢個亦都係父母怕晒咗嘅諗法。

我孩子由細到依家最叻係靚較，唔理係乜嘢或放喺邊度，都係中上，亦總有一兩科前列，可以認屎認屁，所以我對揀學校十分小心，會針對一線學校，一線嘅中上與2 ，3線嘅中上好唔同。因為唔知將來會如何，就按多元智能理念栽培，安排多閱讀（語文），運動，音樂，童軍（生活技能，記律，領導），STEM等項目。有得有唔得，有冇動力都唔重要，盡人事就算了。不過，我覺得所做的一切唔會浪費，待一朝覺醒就會發覺工具齊全，想點都得。我嗰個冇乜朋友，但搞事能力一流，仲係大大鑊果啲，小學時最驚係收到某些字頭來電，上到中學以為好啲，中二時又衰一單，雖然打得甩，不過仍然被記錄在案。所以，平常心才是王道。

stillgood20

hkhill 發表於 21-1-21 11:50
回覆 akys 的帖子

對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳 ...

有一個資優孩子, 對家長確是一個壓力.有苦自己知.

如果, 只是普通較高IQ, 而且, 是綜合能力.
那讀書真係唔使煩. 普通學校, 最叻是"較"資優+積優學生.

我自己屋企,
老婆教大囝已經係煩到不得了.
到細囝, 老婆話由我教. 佢完全唔理.

如果, 真的細囝, 老婆去教.
肯定遇上很大問題.
老婆睇成績, 講平衡, 做事有要求.

由細囝讀小學, 以至中學, 考試測驗, 老婆都催細囝溫習.
細囝可以用不同方法化解, 最終, 行返自己個套. 即係少理, 唔溫習.
老婆也好, 只向我投訴, 要我負責.

我自己很理解細囝, 中間拖拖拉拉, 事情便過去了.

問題在於, 如果細囝真係IQ很高, 普通人係唔理解.
鈿囝最經典一句,
每當數學考試前一天, 等於放假, 唔使做野.
相反, 媽咪話, 快d溫習.
亞囝, 會答, 溫咗書, 反而會低分了.


另外, 我可能有不同觀點,
去勉強IQ很高的, 去做綜合能力, 究竟, 效益有幾大?
還是, 集中發揮專長?
當然, 去找那個entrance & platform, 要多留意孩子行為了.

王家爸爸

hkhill 發表於 21-1-21 11:50
回覆 akys 的帖子

對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳 ...

恕我直言，由細到大上唔同興趣班，可能就係冇一樣學得好既原因。我既建議係，首次，每個人都會對有啲野有興趣，所以興趣班一定要係小朋友自己鍾意，而且係好鍾意既。第二，數理既資優，對任何coding都會好有興趣，而且係會越來越鍾意，如果小朋友興趣唔大，會唔會佢唔係數理既資優，而係文字方面既資優？第三，學校英文科老師話香港學校唔適合你小朋友讀，其實未必係事實，傳統名校英文勁既人其實好多，所以重點係揾間小朋友自己鍾意既學校。

akys

王家爸爸 發表於 21-1-22 13:50
恕我直言，由細到大上唔同興趣班，可能就係冇一樣學得好既原因。我既建議係，首次，每個人都會對有啲野有興 ...

test 後CP嘅忠告和上網睇下外國過來人嘅自我分析都不約而同指出一個普遍問題『容易放棄』或『自我放棄』，將來結果係可以好參差，有些最後從事體力勞動，有些在油站打工。寫code為例，心頭高但遇到難題或Bug後停下來，最後開好多頭，但一件完成品都做唔出來。 我孩子都有呢個傾向，哦咗幾年，要他適當manage expectation，最近一兩年好咗好多。

王家爸爸

akys 發表於 21-1-22 16:48
test 後CP嘅忠告和上網睇下外國過來人嘅自我分析都不約而同指出一個普遍問題『容易放棄』或『自我放棄』， ...

容易放棄、自我放棄，主要係因為無滿足感；而無滿足感，主要係因為做啲自己唔鍾意，或者無能力做好既野。我早期讀電腦既時候，見寫程式寫得好既都係兩個因素：第一，轉數快；第二，有耐性。呢兩樣基本上係缺一不可既。
現在寫程式比我哋當年容易（現在似切LEGO），而且唔需要太考慮資源效率（當年洗衣機咁大既硬碟得既MB，現在SIM卡咁大已經有近TB）。現在寫程式，基本上係call現成既libraries；除非寫整個系統，否則對轉數快，IQ高，又有興趣既人，唔會有難度。
所以最重要反而係知道自己小朋友既興趣同能力；家長最需要既係引導小朋友，令佢哋既興趣 align with 佢哋既能力，而唔係挑戰佢哋唔精既範疇（除非你肯定小朋友IQ高，EQ/AQ都高），原因係IQ高既人係比普通既人脆弱。簡單啲講，就係知道佢係魚定係馬騮，如果係魚就令佢鍾意游水，而唔係去學爬樹。好多魚就係因為想學爬樹（家長又鼓勵佢哋學爬樹），最終一事無成；明明小朋友係大文豪，將來可以係出名小說家，但係家長見IT搵到錢，想佢哋學寫程式。

mandy_ng207

stillgood20 發表於 21-1-22 12:19
有一個資優孩子, 對家長確是一個壓力.有苦自己知.

如果, 只是普通較高IQ, 而且, 是綜合能力.

數學考試前可以放一日假-》又幾啱喎，我記得考英文試前就係可以放一日假，因為都唔知温咩好
數學都係中六七先至有嘢溫，中一至中五考數學前一日都係幾輕鬆㗎

picture

hkhill 發表於 21-1-10 19:46
回覆 王家爸爸 的帖子

感謝回覆！兒子小三時曾參加ICAS 英文、Writing 及數學。

點解不試下男拔？

sloba123456

其實阿仔小一，學校已經選佢係優先做iq test, 高分。我還記得考頭過我小朋友嗰幾個全部唔係資優，啲阿媽好失望，當然就講啲test唔準啦。

其實iq高咁又掂呢？高iq,  點解一定係數理叻呢？可以其他方面叻喎。
另外，叻iq跟成績好，係未必正比的。仔係成績好嗰批，都係讀番來，背番來。
我每次都講培養毅力和恒心才是成功的重要關鍵。

王家爸爸

mandy_ng207 發表於 21-1-23 12:16
數學考試前可以放一日假-》又幾啱喎，我記得考英文試前就係可以放一日假，因為都唔知温咩好
數 ...

個人認為，既然唔係呈分試，又唔係分班試，亦唔係DSE，無必要過度準備，裸考試下小朋友既真正實力，更多實際。有時無壓力，小朋友可能考得更好。

王家爸爸

sloba123456 發表於 21-3-2 22:08
其實阿仔小一，學校已經選佢係優先做iq test, 高分。我還記得考頭過我小朋友嗰幾個全部唔係資優，啲阿媽好 ...

點解會覺得考頭過我小朋友嗰幾個全部唔係資優？我教書時都研究過下，發現考得好既，部分係測試咗係資優，覺得自己係資優，信心大咗，勤力咗，所以成績好咗；部分係無去測試既超級資優，佢哋雖然HEA讀，但係都攞到高分。

小曳人

sloba123456 發表於 21-3-2 22:08
其實iq高咁又掂呢？高iq,  點解一定係數理叻呢？可以其他方面叻喎。

首先你要明白，唔係所以能力，都能夠用客觀量表去計分，而現時嘅WISC 所用嘅方法或所測試嘅能力，就係剛剛同數學能力高有關，當然仲有分析能力，短暫記憶，反應等等，但好多時數學能力高嘅，以上能力都會比較好
至於其他能力高，我有見唔少話語言資優嘅，都會响WISC 度有13x，佢地有d同時係其他方面能力都突出，e.g. 音樂

sloba123456

王家爸爸 發表於 21-3-3 09:16
點解會覺得考頭過我小朋友嗰幾個全部唔係資優？我教書時都研究過下，發現考得好既，部分係測試咗係資優，覺 ...

梗係唔係我覺得啦。。係測試結果証明唔係。

sloba123456

小曳人 發表於 21-3-3 09:24
首先你要明白，唔係所以能力，都能夠用客觀量表去計分，而現時嘅WISC 所用嘅方法或所測試嘅能力，就係剛剛 ...

香港嘅資優測試，係無測到音樂和體育，主要係無有資格測試人。
當然理解能力，短暫記憶等各方面都對學習音樂有好大幫助。

ANChan59

王家爸爸 發表於 21-1-11 10:24
如果係我，我會鼓勵佢多啲寫野，長短唔係問題，多寫自然越寫越多。

我儿子有两个经验，一个在Current Affairs Writing，另一个在 Pre-IB。

两个老师都係俾一个题目佢任佢写，然后跟佢讨论他的观点，挑战他的想法，让他提出新的观点，新的表达方式。过几天再交作业，再讨论，他们的目标不是数量，而是质量及思考。

到一定程度才给另一个题目，重复类似的流程，最后结果是让他了解一篇好的文章是要有不同原素，慢慢写一篇文章之前，脑海已经有一定想法，结构及表达方式。

当时学的是英文写作，老师亦提醒佢可以用在中文及其他理科报告上！

ANChan59

planetearth 發表於 21-1-11 14:16
你仔同我仔性格相似, 小學時不是勤力安靜的學生, 太過活躍且專注力不足. 成積不太標青, 但到了初中(一條 ...

你最后一段，我好有共鸣！

我当年曾经考虑及替他报其他小学，最后还是留在原校，但我有跟校长讲他的情况，校长有幇他，让他改善人际关系。

ANChan59

王家爸爸 發表於 21-1-11 16:29
細個既小朋友，語言同數學學習能力強，而呢兩科係其他科目既基礎。如果小朋友仲細，個人認為重點應該係打好 ...

这个如意算盘最好，如果小朋友的多元智能强項不在这两方面，就家长辛苦好多！

ANChan59

小曳人 發表於 21-1-13 17:06
我都以為係，但原來同我仔差唔多怪嘅人唔多，佢响學校未必撞到個差唔多怪嘅怪人，反而响DP就開始 ...

我的观察他们找寻的 soul mates 不一定是跟自己相似的，反而有机会是跟他性格，想法相反的朋友。如果套入多元智能，几个加起来，都几完整，同时学识欣赏其他的的优点，互补长短，到职场，就在侍人处事十分有利。

ANChan59

hkhill 發表於 21-1-21 11:50
回覆 akys 的帖子

對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳 ...

你哋点样选那些兴趣班？同时上几多个？为什么选这些兴趣班？

ANChan59

akys 發表於 21-1-21 13:15
每個孩子都是獨特的，而最清楚他們的就是父母。 呢度好多前輩分享過他們的經驗，可以參考但不能照抄。不過 ...

认同！