中文詞語

katyiplee

我仔小二，但我發覺重覆抄寫都記唔到d字點寫。請問仲有咩方法呢？
字佢識讀，但默寫唔到出黎，點算

feifei_baby

我咁教我初小嘅女：搵枝四色筆，將個字不同部件用不同色寫，再叫佢用不同色逐部件跟住寫，慢慢佢學識用部件記字，默書自己溫都多數啱哂，也不需要再用四色筆了。

我咁教我k3嘅女：買一叠最細最細size的手工紙 （3 x 3cm)，將個字唔同部件用唔同色marker寫上去，俾佢睇一陣，再將個字按部件剪開，儲幾個字，再撈亂砌，砌熟再默寫。

希望幫到你

katyiplee

多謝你呀，佢地每次默完會唔會還返比你。到考試又唔記得？

宮二

katyiplee 發表於 21-1-8 10:41
我仔小二，但我發覺重覆抄寫都記唔到d字點寫。請問仲有咩方法呢？
字佢識讀，但默寫唔到出黎，點算
...

試下用手機中文字學習app
有些可以自製工作紙印出來

MrBeast

katyiplee 發表於 21-1-8 10:41
我仔小二，但我發覺重覆抄寫都記唔到d字點寫。請問仲有咩方法呢？
字佢識讀，但默寫唔到出黎，點算
...

google 下 multi-sensory
下一步用拆字+故事法，eg, 插：用手插一支花入花瓶

katyiplee

宮二 發表於 21-1-10 08:58
試下用手機中文字學習app
有些可以自製工作紙印出來

thx,已經用過，每個詞語都抄過過十次，都無用

katyiplee

MrBeast 發表於 21-1-10 09:57
google 下 multi-sensory
下一步用拆字+故事法，eg, 插：用手插一支花入花瓶

呢個方法ok,只係無咁好想像力，每個字都拆得到又作到個令佢impressed既故事，旁邊。

MrBeast

katyiplee 發表於 21-1-10 10:24
呢個方法ok,只係無咁好想像力，每個字都拆得到又作到個令佢impressed既故事，旁邊。
...

沒有捷徑，你教左個方法at some pt 小朋友要自己學懂拆
ps, 也不是所有字都拆到，只能盡力而為

ar_mak

我讀小學果時，老師就咁教既，佢要我地專寫Ｄ同音字，例如：公，工，弓，攻，功，恭，躬，供。。。又有Ｄ都係拆字原理，辨（別，要用個心），辦（事，要出力），辯（護，搵把口），（心）瓣，辮（子）。。。（學生不才，老師教過既野好多已經唔記得）。

但最效一定係抄書，成本書咁去抄（而家小學生好似連騰文都冇），我以前學打字，都係搵本書黎打。呢Ｄ硬食落去既功夫，係可以一個星期內短期見效。

咁到底要抄本咩野既書先可以有咁勁既呢？

katyiplee

你個拆字方法係要建立個字羣，要下點功夫（媽媽）
但未能救近火 因為每一次默書範圍都無普既

ar_mak

其實抄書係一個最有效率既方法。本身默書就係要透過寫字去表達，例如筆劃筆順果Ｄ都可能要執正，唔係就咁將個字畫出黎就可以當係岩。

坦白講，要救近火，我既經驗就只有係出貓，但你都唔好以為係食菜咁易，一樣係要受過專業訓練，冇得話訓係度就會學得識。

ＰＳ：默書如果有範圍既，就試下將個範圍縮細，提高頻密度同增強連續性咁去溫，好似食藥咁樣，每４小時默一兩隻字，成個星期咁去溫。同埋寫極都唔識既字就唔好哂時間浪費青春打擊意志消磨時間，默書係行扣分制，識小幾隻字係唔會唔合格。

最後要提下你，除非想考插班，否則二年級張成績表係廢既，更何況係默書？

katyiplee

ar_mak 發表於 21-1-12 09:05
其實抄書係一個最有效率既方法。本身默書就係要透過寫字去表達，例如筆劃筆順果Ｄ都可能要執正，唔係就咁將 ...

咁又係，我都發覺，就算佢默書識左個字，到考試又唔記得。長遠都係用你個方法或另一個網友介紹既形象化／故事化既方法。謝謝各位

ar_mak

katyiplee 發表於 21-1-12 09:15
咁又係，我都發覺，就算佢默書識左個字，到考試又唔記得。長遠都係用你個方法或另一個網友介紹既形象化／ ...

抄書既方法，係媽媽笑了，孩子哭了；形象化或者故事化，就係媽媽哭了，孩子笑了。

你自己諗勒。

MNIF

多背誦抄寫唐詩宋詞。

taiyeung

學校老師要求同學寫詞語時用藍筆標示易錯漏筆劃。

我會用形象化或故事教小朋友，有次見佢做功課「親戚」寫咗「親威」，我作咗個故事：有個親戚肥叔叔嚟探你，因為太肥所以間屋佢只入到一半，小朋友笑到卡卡聲，仲畫咗個肥叔叔出嚟切一半隔離寫個戚字。

katyiplee

taiyeung 發表於 21-1-12 23:42
學校老師要求同學寫詞語時用藍筆標示易錯漏筆劃。

我會用形象化或故事教小朋友，有次見佢做功課「親戚」寫 ...

thank you,我都要努力作下故事