想訪問一下畢業左既小朋友家長，KV , LH , SC , York

993rs

bbhappyhappy 發表於 21-1-8 09:17
本帖最後由 bbhappyhappy 於 21-1-8 09:17 編輯

我正正有KV 同 KM k1 AM offer，仲未諗掂如何選擇:sick ...

前KM、KV用家。

你講既都係正確，唯對於KV所謂「主攻中數」，我仍然會理解為KV英文弱做成既假像。事實 KM 中數唔會弱過KV（甚至更深）。turnover rate 高，係。當年我中晒，印象n-k3都中。

阿大讀完KV，覺得風格同傳統地區一線津小咁：古板、守舊；唯根基穩固，唔好其望咩突破、但唔會點錯。所以阿二就冇take offer。

KM 英粵-英普，中文當時深過阿大讀KV，但後來聽聞KV加深左。對我來講邊間深d冇乜意義，因為都過深，有人中意有人唔中意。英文 net 視乎家長追求，有南亞定中東口音的老師。所謂語景，一定高過KV（我甚至認為KV談不上語景）。另外家長參與度高、有好多義工家長event，呢個係代表家長有參與既機會，唔一定要參加；但呢個機會可以讓家長睇到小朋友系學校既另一個樣，更了解小朋友，對成長、升小都起到正面作用。

名氣，一定KV，贏太多（雖然我唔明KV好系邊）。每年KM n 班都會走一大班人升去KV讀 k1。經歷兩次升小，我都有懷疑過阿二如果讀KV會否有更多 offer。不過已成過去，對我來講，KM為阿二既成長提供既正面作用大過當年讀KV既阿大。

坊間有個謬誤，就係KV家長可以唔駛參與。我估可能小朋友未上到k3。KV expect 家長改好晒每日既功課先交，有錯既話老師會有說話比小朋友聽，但又唔會同家長講。呢件事係阿大畢業後話我知，亦成為其中一個直接原因我唔比阿二讀KV。

兩間k對升小支援都好 limited。KM既家長分享會安排得太遲，分享會本身亦冇大幫助；甚至現役用家都不滿。印像中KV好似冇支援，當年我地係要自己摸索、朋友提點。

overall KM、KV都係d乖乖學術型既k，中數唔差太遠。KV 名氣贏一條街、語景輸返大半條街，而實際升小結果應該KV靚少少。家長要按小朋友需要自己考慮。

canadababy93

讀書叻唔叻，靠資質，性格，再加家庭教育，其實唔関幼稚園。得罪講句，就算讀以上名幼，唔努力的話用曬老本，去到小一下學期好多都冇著數了，甚至見過一個KV畢業都變下游。

soha2018

993rs 發表於 21-1-8 10:54
前KM、KV用家。

你講既都係正確，唯對於KV所謂「主攻中數」，我仍然會理解為KV英文弱做成既假像。事實 KM ...

謝謝用家客觀分享...

我都好想知要幾深先夠深？ 大家都不停追求夠深... 小朋友係米真係應付到？定打擊自信心？ 我無答案，純問...

soha2018

hoiki_hk 發表於 21-1-8 00:48
KM K2開始英普班，其實由n開始已有中文認字，英文phonics ，show and tell。課程係偏深，上到小二都夠用， ...

無前設，唔好誤會...

但我覺得KM 同明慧情況好似， PN 個個爭住入，但都諗住K 就轉走... 好古怪... 即係間學校好定唔好...

hoiki_hk

bbhappyhappy 發表於 21-1-8 09:17
本帖最後由 bbhappyhappy 於 21-1-8 09:17 編輯

我正正有KV 同 KM k1 AM offer，仲未諗掂如何選擇:sick ...

KV 學費平，但預左英文一定要外補，咁計就一啲都唔平。我朋友每月俾緊4k去ABC 上英文。

KM turnover 已經唔高(自己可以揾揾係幾多年前既舊聞話高）

我個人就非常注重對小朋友既關注度，特別鍾意小班教學，2老師對20學生vs2老師對30學生，分別應該好大下。

加上我有2個小朋友，真係兼顧唔到一個am 一個pm

無話邊間一定好，揀適合你同係小朋友既學校啦
睇你ta

hoiki_hk

soha2018 發表於 21-1-8 11:58
無前設，唔好誤會...

但我覺得KM 同明慧情況好似， PN 個個爭住入，但都諗住K 就轉走... 好古怪... 即係 ...

KM n 係多人走去龍校，我諗哩個情況，非龍校都會面對，加上km 細校，全級學生先一百人，走40個，成40%, 咁聽係咪好誇

amazinggrace13

我是前KV用家，超感激學校用心的栽培小朋友。老師非常有經驗，知道點可以教和motivate 學生。學術、禮貌、紀律、德育是強項。課程中、數學術程度高，上到一、二年級仲夠用。事實上英文則好一般，但我發現街外很多好的英文learning centre，容易過找好中文的learning centre,所以KV英文一般對我們來説反而不是重點。考小學其實中文都好重要，但又往往很容易被忽略，我見在考小一時KV學生在這部份有點優勢。我們那屆有不少名小（尤其男校）都有大比例KV的學生，識得的同學仔都考到或扣門扣到很好的小學。

最重要是我是working mum,KV可以培養到小朋友能回家自動自覺做功課，寫出不錯的字體，又不太需要家長做好多親子勞作，出席很多旅行、家長活動，對工作繁忙的我是我的一大喜訊。

其實每個人看重的部份不一樣，只是純個人分享。(emoji)

964000

soha2018 發表於 21-1-8 11:54
謝謝用家客觀分享...

我都好想知要幾深先夠深？ 大家都不停追求夠深... 小朋友係米真係應付到？定打擊自 ...

我見大家選幼稚園主要看學術，我反而覺得塑造小朋友的性格更重要，學術容易外補。
如果小朋友本身已經內歛和敏感，小時候我不會選學校多規矩和比較嚴的，因為會形成小朋友太怕犯錯及「敬畏」老師，係會好似好乖咁操行A, 但對將來的學習未必好，例如會不夠自信，上課不敢答問題和提出問題等，反而到大個一點建立了信心和習慣了發言，先嚴番少少好D，始終老師有要求學生才有動力進步。
如果小朋友比較大膽或百厭，就可能一開始入注重规矩的學校訓練好些。
這是我小朋友N和K分別讀過愛心，freestyle,及嚴少少學校的經驗，的確對小朋友會有不同影響，不致於改變性格，但行為會受影響。

soha2018

amazinggrace13 發表於 21-1-9 02:31
我是前KV用家，超感激學校用心的栽培小朋友。老師非常有經驗，知道點可以教和motivate 學生。學術、禮貌、 ...

謝謝回覆。

是的，的確如家長比較沒時間，有某些參予性高的KG 不太合適...

soha2018

964000 發表於 21-1-9 09:45
本帖最後由 964000 於 21-1-9 09:47 編輯

我見大家選幼稚園主要看學術，我反而覺得塑造小朋友的性格更 ...

所以我只請教客觀敘述情況，
結論部份我沒注意(emoji)

每個孩子、每個家庭有屬於自己的「好」，我的「好」不代表你的「好」。

做家長要學會自我抽離有時(emoji)

993rs

soha2018 發表於 21-1-8 11:54
謝謝用家客觀分享...

我都好想知要幾深先夠深？ 大家都不停追求夠深... 小朋友係米真係應付到？定打擊自 ...

見到你成個post 都強調冇前設，客觀係好事，但完全唔表達你對升學嘅要求有時好難幫到你。
正如「幾深先夠深」呢個話題，係論文級別。

作為家長，我認為改變唔到大潮流下，你不如講下你追求啲咩？in general 我留意到就算去到美國，有高小學嘅野都可以好「深」，始終時代進步中。香港local curriculum 由K到小學（我未有中學）好多都越教越快、越教越深。

揀一間幾「深」或者幾「happy」既K，其實睇你揀咩中學、咩學制、留港定海外大學，全部都係家庭主觀嘅追求

964000

soha2018 發表於 21-1-9 10:13
所以我只請教客觀敘述情況，
結論部份我沒注意(emoji)

所以你個post問得好
否則全部答案變成xxx for sure

MrBeast

十年人事幾番新，st cat 以前好hit, e+冇乜人講。除非你sure 小朋友資質高，kg 太深只是拔苖助長，st cats phonics, reading 若家長能配合是一間balanced 的好 kg

soha2018

993rs 發表於 21-1-9 11:31
見到你成個post 都強調冇前設，客觀係好事，但完全唔表達你對升學嘅要求有時好難幫到你。
正如「幾深先夠深 ...

謝謝你回覆。

我唔需要人幫呀，我只需要用家經驗作參考(emoji)(emoji)

自己再分析適合自己嘅嘢

soha2018

964000 發表於 21-1-9 11:39
所以你個post問得好
否則全部答案變成xxx for sure

Err... 其實大家交流經驗，真係無需要太多結論... 如果我想睇結論如你所說真係唔需要開post (emoji)

soha2018

993rs 發表於 21-1-9 11:31
見到你成個post 都強調冇前設，客觀係好事，但完全唔表達你對升學嘅要求有時好難幫到你。
正如「幾深先夠深 ...

真心，想保持客觀唔容易，正如你quote 反我既問題出來，我自己都唔小心又跌反入某某既「好」同「唔好」既問題同層次個度(emoji)(emoji)(emoji)

做家長真係好深既學問(emoji)

謝謝你anyway

993rs

964000 發表於 21-1-9 09:45
本帖最後由 964000 於 21-1-9 13:46 編輯

我見大家選幼稚園主要看學術，我反而覺得塑造小朋友的性格更 ...

同意。
幾歲人仔係最易教既時候，睇唔到點解要用太多餘既規矩去限制佢地成長。

好似轉堂要伏系臺面，我覺得係一種失敗：學校係認為自己老師教唔好小朋友？定係對小朋友冇信心？

阿二小學係可以系上課途中，自主離開位去 teacher's desk 拿紙巾、去書櫃搵書，或者要求去廁所（提出就可以去）；轉堂係可以自主去廁所、傾計、睇書 etc。

咁多自由情況下，上堂時小朋友好專注、轉堂時保持到秩序。教得識小朋友認清自己責任、唔好 manipulate 被給予既自由，比施加規距更值得鼓勵。

lambeanmama

我是SC 用家。當年選校（我指報名咋）的考慮主要是性格同學習態度的影響，以及我只考慮英粵班。

學術野，好老實，你讀邊間都可能會有「不夠感」而考慮外補/內補。因此學校程度深淺我覺得平平均均就夠。性格呢，我是信幼教老師存在深遠影響的家長。我本身是嚴厲的家長，入學前我的兒子已是審慎觀察慢熱型。所以基本上嚴厲少少的學校我根本沒有報考。好坦白，沒有學校不重紀律不要求德育的。在SC K1開學後兩個月，有小朋友入班房前作未做到「停低、敲門、講老師早晨同學早晨」，家長是會收電話的。作為家長，我覺得讀邊間都好，一兩星期做一次親自接送，見吓老師，了解吓小朋友在校表現，其實很重要。

SC曾經是不少人眼中的首選，但近年不是了。我眼中的SC, 其實「樣樣有，但又沒有過份Chur」；假如家長留心學校課程，多和小朋友傾偈，你會發現學校教很多生活知識。去年K3短暫復課期間，老師有同小朋友解釋除口罩注意事項，連點解要咁做，點解要向外/內放，都有解釋。不是「老師叫你做就做」，而是「事事都講清解楚」，我覺得呢點係我欣賞的。

SC當然有其「缺點」，例如貴。但老實，香港生活消費是一年比一年貴，我很難期望老師不加人工。要加人工，就不能避免加學。另外，要考小學，在K2尾時的學術能力，尤指中文和數學，確是比不上其他名幼。但K3課程的幼小接軌做得很好。下學期教的，對升小後適應有大幫助。我相信學校是在適當的時間教適當的野。小朋友K2時其實仲係好細。教咁深唔知為咩。

考慮讀邊間，我覺得：
1. 睇交通
2. 睇am pm
3’ 睇 英普定英粵
4. 睇自己銀包

呢個經濟環境，KV 學費是性價比很高。而讀邊間都可能會繼續補。我仔上過某熱門中文中心補中文課程，組內六名同學，有四位來自KV的。所以，其實家長讀邊間都可能因為「驚唔夠而繼續補」。都係睇自己啦。如果你以為讀xx就不用補xx...太天真了。

但俾我再揀多次，一粒仔，都係會俾錢讀SC。

soha2018

lambeanmama 發表於 21-1-10 12:24
我是SC 用家。當年選校（我指報名咋）的考慮主要是性格同學習態度的影響，以及我只考慮英粵班。

學術野， ...

謝謝回覆。

請問SC具體教學模式是如何？謝

lambeanmama

soha2018 發表於 21-1-10 16:46
謝謝回覆。

請問SC具體教學模式是如何？謝

其實你是家長嗎？小朋友多大？你對小朋友教育理念和方針是甚麼呢？

你問了很多。大家也分享了很多。大家反問你，你又話無前設。咁真係好難傾落去呀。