中二想改善中文的作文

海之風

shannon_fky4186 發表於 21-1-19 14:04
本帖最後由 shannon_fky4186 於 21-1-19 14:04 編輯

因為好詞好句速食，學得快，用得快又就手，正正符 ...

有時要睇下任教老師的喜好
上咗中學，我仔中作一向6X，我仔寫野是貼題、平實果種。有時個别同學有7x分，而前排上zoom堂，老師拎7x的作文講解，真係好多好詞好句，每行平均有两至三個有深度的成語再加一個 修辭手法......睇到我都嘆為觀止、目不暇 給。(因老師無講解全篇文章，所以我的 焦點就落咗此同學作文的好詞好句上了)

shannon_fky4186

海之風 發表於 21-1-19 14:17
有時要睇下任教老師的喜好
上咗中學，我仔中作一向6X，我仔寫野是貼題、平實果種。有時個别同學有7x分，而 ...

本帖最後由 shannon_fky4186 於 21-1-19 14:27 編輯

無錯，老師既喜歡都重要。

你講既情況係內容加文筆同樣出色，咁比起單是內容，當然係果位同學高分。雖然我唔知題目係咩，但其實你仔要在不在文辭下手的情況下同佢平手甚至比佢高分，係有方法既：從選材同主旨層次落手，令到老師看完兩篇文，不得不俾你個仔高分D，因為無人會承認自己無深度或深度唔夠

詞彙多學無妨，但如果只重詞彙積累而忽略貼題，就變成本末倒置（我相信你仔唔係呢類），因為文章最重要係文意（主旨），所有野都為佢服務。

最後一提：Dse 唔知marker喜好，建議中學6年，留意下老師共同特點，務求dse一擊即中。

海之風

shannon_fky4186 發表於 21-1-19 14:25
本帖最後由 shannon_fky4186 於 21-1-19 14:27 編輯

無錯，老師既喜歡都重要。

多謝你的建議我仔不喜歡我睇佢D作文，平時我更睇不到佢同學的作文，今次意外看到幾段，我都提議我仔要加强下用詞及修辭手法.....。
現時的老師其中一個喜好是鐘意學生寫長文，我仔都知，但佢又不肯投其所好。

shannon_fky4186

gigayan 發表於 21-1-19 13:52
講得好好，有時看宜家嘅學生範文，好多時都用好多「好詞好句」去求拎分多D，但忘記咗最根本係要貼題。我女 ...

我剛打開2020dse中文閱讀卷，剛好有這一段：

人物形象正是寡言，看看作者以甚麼方法呈現出來？她以角色的表情和他人（作者自己）的行為（側面描寫）來呈現。

shannon_fky4186

海之風 發表於 21-1-19 14:33
多謝你的建議我仔不喜歡我睇佢D作文，平時我更睇不到佢同學的作文，今次意外看到幾段，我都提議我 ...

下次如果你想提議仔仔在某方面下功夫，試吓唔好直接講出嚟，調轉同仔仔企同一陣線，話唔明點解果個同學高分D，有咩咁好。你仔仔就自然會「指點」你 咁佢自己亦知自己可以點搞搞自己既文筆。

你仔唔中意同中意食咩？你搵次煮呢2樣野，唔中意果樣用心去煮，記得上碟上到好似大廚上身咁，靚到不得了；中意果樣，你就求其煮。仔食左，問佢中意邊樣，人人有自己喜好，你個仔都唔例外。跟住你問佢點解唔中意果碟，果碟明明落足心機又賣相好。佢最後應該會答你，因為佢就係中意食Xxx。

同青少年講野真係好勞心勞力，媽媽辛苦了！

海之風

shannon_fky4186 發表於 21-1-19 15:03
下次如果你想提議仔仔在某方面下功夫，試吓唔好直接講出嚟，調轉同仔仔企同一陣線，話唔明點解果個同學高 ...

我之前有問過我仔某同學點解中作咁高分，佢就話唔知，明明自己都寫得好好(佢認為)，但今次我睇咗某同學果幾段，用詞文筆這方面比佢好。我仔一向無補中文，我地商議好9月升中四去yy到補下中文，到時睇下有無進步。

shannon_fky4186

海之風 發表於 21-1-19 15:14
我之前有問過我仔某同學點解中作咁高分，佢就話唔知，明明自己都寫得好好(佢認為)，但今次我睇咗某同學果幾 ...

如果係咁，你就俾佢補大型補習社啦，等佢開開眼界，明白天外有天，透過比較去令佢進步啦

b3410

shannon_fky4186 發表於 21-1-19 11:58
好喇，等我認真番先：
你個女其實係好正常既香港中學生，因為佢哋認為中學嚟講，老師根本無教過作文，佢哋 ...

茅塞頓開！
咁請問，如果議論文，唔夠料（可能知識不夠淵博）做不到引經論典，不過好有個人見解，分析的有條有理，是否也可以是好文章？

王家爸爸

b3410 發表於 21-1-19 15:20
茅塞頓開！
咁請問，如果議論文，唔夠料（可能知識不夠淵博）做不到引經論典，不過好有個人見解，分析的有 ...

議論文，離唔開辯證法。而好似《六國論》既開門見山，然後圍住個山轉，係最容易既寫法（唔會越吹越遠而離題）。

王家爸爸

海之風 發表於 21-1-19 15:14
我之前有問過我仔某同學點解中作咁高分，佢就話唔知，明明自己都寫得好好(佢認為)，但今次我睇咗某同學果 ...

YY俾一大疊野你，如果肯認真睇，又睇得晒，點都有進步。

海之風

王家爸爸 發表於 21-1-19 18:36
YY俾一大疊野你，如果肯認真睇，又睇得晒，點都有進步。

所以中四就去，早D去，早D睇。

YolandaTam

b3410 發表於 21-1-19 15:20
茅塞頓開！
咁請問，如果議論文，唔夠料（可能知識不夠淵博）做不到引經論典，不過好有個人見解，分析的有 ...

根據考評局資料（如下），可能有啲影響。

b3410

YolandaTam 發表於 21-1-19 19:11
根據考評局資料（如下），可能有啲影響。

引古論今就真需要多閱讀，冇時間。。。。。

YolandaTam

b3410 發表於 21-1-19 19:19
引古論今就真需要多閱讀，冇時間。。。。。

所以我女避開議論文，因為講引古論今佢實唔能夠同修歷史嘅同學相比。

b3410

YolandaTam 發表於 21-1-19 19:49
所以我女避開議論文，因為講引古論今佢實唔能夠同修歷史嘅同學相比。
...

有道理！
本以為理科人應該邏輯好，議論文可能會寫的出色，原來還是心有不逮

shannon_fky4186

b3410 發表於 21-1-19 15:20
茅塞頓開！
咁請問，如果議論文，唔夠料（可能知識不夠淵博）做不到引經論典，不過好有個人見解，分析的有 ...

議論文唔引經據典（語例），可以。但無論據就會差好遠，而論據往往係積累番嚟，無法一蹴而就。

得閒閱讀吓雞精書，我通常去廁所辦大事時看，當係普及吓知識就得

王家爸爸

海之風 發表於 21-1-19 19:01
所以中四就去，早D去，早D睇。

等小朋友習慣咗睇

gigayan

shannon_fky4186 發表於 21-1-19 14:49
本帖最後由 shannon_fky4186 於 21-1-19 14:52 編輯

我剛打開2020dse中文閱讀卷，剛好有這一段：

呢種寫法，其實我個人唔太欣賞，究竟佢想帶出爸爸沉默寡言的性格？又或是爸爸思鄉情切？

太大範圍去描述爸爸的寡言，以至重心有點偏離，就咁睇其實應該爸爸思鄉之情才是重點，如果呢份係一本小說，用呢種手法碼字數不足為奇，但寫一篇數百字嘅文章，呢種寫法真係會唔夠時間寫導致離題呢......

但我發現宜家嘅學生大部分寫文都係用咁嘅方式，可能宜家嘅作文準則需要係咁寫，以前好少聽到學生離題，宜家就經常聽到......

所以我都唔太識教阿女作文了，可能宜家作文要求唔同咗。所以等佢自由發展，學你話齋，一個十多歲嘅對住50歲嘅古天樂，當佢係伯伯都係正常嘅......

b3410

shannon_fky4186 發表於 21-1-19 20:55
本帖最後由 shannon_fky4186 於 21-1-19 20:57 編輯

議論文唔引經據典（語例），可以。但無論據就會差 ...

請問這本名是？
放一本在洗手間，好過玩電話

shannon_fky4186

gigayan 發表於 21-1-19 22:18
呢種寫法，其實我個人唔太欣賞，究竟佢想帶出爸爸沉默寡言的性格？又或是爸爸思鄉情切？

太大範圍去描述 ...

我認為父親形象不是這篇文章的主菜，有關父親的一切其實是作為引子，帶出親情的主題：
第6段的作者感到「遺憾」對父親的不理解、
第8段作者驚覺與父親有關的只剩下兩個紀念日、
第9至10段對未能實現父親歸葬故鄉的心願感到自責、
第13段想到與父親同樣日漸蒼老的母親，感悟要珍惜仍健在的親人

呢條線貫穿全文，而且契合文章末段的內容。所以我懷疑這才是主菜

不過公開試為方便設題，都有可能刪減文章，咁就會影響作者對主旨既表達 同埋咁多類型的內容，方便考評局設題就真。