讀緊k2/k3 如果而家有小一offer會否退學？

blueaqua

小朋友讀緊私幼k2, 報咗幾間IS等緊interview/result, 如果有出年Yr 1 offer 諗緊好唔好提早退學唔讀k2下半年，慳返幾個月學費。
而家成日停課，個個月的學費好似白俾咁，網上學習小朋友又唔係好吸收，始終要有大人陪住喺側邊一齊上同教，對雙職家長嚟講真係唔易handle。
唔知大家點睇？

blueaqua

EudyptulaMinor 發表於 20-12-16 21:56
小朋友上網課學唔學到嘢？如果退學，家長係唔係可以自己教到或外補等小朋友銜接到出年yr1?最重要係小朋友 ...

根據我喺屋企陪佢地上咗接近一年的zoom class, 我覺得佢地由網課大約吸收到2成，其餘8成都係我地自己教返曬佢地。 k1下學期反而好少少因為佢地上學期都同d同學仔一齊返咗幾個月學有印象，但k2又洗牌換咗大半班同學，又只係一齊返過學一個月多少少，而家上網課佢地其實都對d同班同學冇乜感情又唔熟，佢地都唔係好掛住想返學校了。
咁如果退學了，當然會比佢地出去上其他堂補返學術上的東西，起碼興趣班嗰d唔洗跟停課指引，彈性大又小班好多。

我其實都好想佢地有個完整的幼稚園生涯，不過在疫情下似乎只能繼續這種畸形又冇效的學習方式去完成餘下的旅程，所以先有提早退學呢個諗法。

blueaqua

EudyptulaMinor 發表於 20-12-17 20:21
聽你咁講繼續交學費真係唔抵，我小朋友（大果個已有小一offer）係券幼唔駛交學費，細仔係n班，要交學費， ...

咁最緊要係你地家長覺得小朋友用呢個學習模式都ok就可以了！
我有這個念頭係因為覺得佢地上網課唔係好學到嘢，寧願把相同的金錢比佢地去上其他堂好似比較用得其所咁。

但講真，身邊朋友大部分n班的都選擇唔讀了，因為網課對於大部份2-3歲剛開始返學的小朋友真係冇乜意義，n班主要都係想佢地學社交、自理、群體學習、大小肌肉訓練、待人接物等等，呢d我覺得在家學習好難做到。