真心請教

kittttty

想請問你們唔揀英國而揀加拿大留學嘅家長原因是咩?  因為我一直我都想孩子去英國, 但C6有親屬在加拿大, 所以話想細嘅去當地, 唔跟大嗰去英國, 所以想知道英/加嘅不同之處? 或者加拿大吸引你們當初揀佢嘅原因?  可以分享一下嗎? 謝謝

小時了了

kittttty 發表於 20-11-27 17:24
想請問你們唔揀英國而揀加拿大留學嘅家長原因是咩?  因為我一直我都想孩子去英國, 但C6有親屬在加拿大, 所 ...

重中之重，較其他國家易用"讀書移民"途徑留得底攞PR

王家爸爸

kittttty 發表於 20-11-27 17:24
想請問你們唔揀英國而揀加拿大留學嘅家長原因是咩?  因為我一直我都想孩子去英國, 但C6有親屬在加拿大, 所 ...

我贊成你先生既睇法，小朋友對唔同國家既深入認識，對將來既幫助可能更大。

LSKLTK

kittttty 發表於 20-11-27 09:24
想請問你們唔揀英國而揀加拿大留學嘅家長原因是咩?  因為我一直我都想孩子去英國, 但C6有親屬在加拿大, 所 ...

本帖最後由 LSKLTK 於 20-11-27 10:51 編輯

我哋兩地都有研究同埋考慮過，首要就係我哋對加拿大熟悉啲，
大部份親友都係加拿大；所以對於選擇學校方面，當地關於學校嘅資料都好透明，加埋朋友嘅建議，選擇起上嚟容易啲。

第二，我哋都比較傾向於美加式嘅教育
第三，加幣同港紙嘅匯率相對低啲
第四，係搵學校過程當中，發覺加拿大對於international students,配套都好齊全，今次申請公立學校，當地嘅school board,都有專人跟進你嘅申請
第四，同意小時了了嘅睇法，留學生較容易留低申請PR

小時了了

kittttty 發表於 20-11-27 17:24
想請問你們唔揀英國而揀加拿大留學嘅家長原因是咩?  因為我一直我都想孩子去英國, 但C6有親屬在加拿大, 所 ...

英國: 無論英格蘭丶蘇格蘭丶北愛爾蘭丶Wales，高中畢業時學生必须要考所讀的全部 eg 3或4 科選修科公開試GCEAL 或 Higher/Advanced Higher

加拿大: 除咗2個省(BC 省及ON 省) 高中時要考省試英文及數學，其他省只需要以校內試成績，讀夠該省省政府要求的 credit 就高中畢業，並用此成绩申请大學

kittttty

先謝謝各位嘅見解!  想多問句......首先講清楚, 並無貶意, 只是唔清楚.  喺認受性方面加拿大的學校會否比英國的沒有咁高呢? 在我自己認知上好似英國的學校會被看高一線.   再多說一次, 並無眨意, 謝謝   [主要是中學]

LSKLTK

kittttty 發表於 20-11-27 13:43
先謝謝各位嘅見解!  想多問句......首先講清楚, 並無貶意, 只是唔清楚.  喺認受性方面加拿大的學校會否比英 ...

本帖最後由 LSKLTK 於 20-11-27 17:30 編輯

我都對英國好多出名嘅學校都有認識，而英國本身係精英制教育國家，而香港人多數傾向於去英國讀寄宿學校，所以感覺上好似認受性高。

而我喺加拿大搵學校嘅過程當中發覺加拿大其實好多好學校，而加拿大行嘅教育制度並不完全好似英國咁，唔係行精英制。

香港係英國殖民地，行嘅都係精英制，所以你有呢種感覺，不足為奇。

我小朋友喺香港都係接受傳統嘅精英制
教育，我好想佢哋試另一種教育制度，可以開闊佢哋嘅思維，輕鬆啲，可以創意性高啲，多啲時間self explore 自己喜歡嘅科目，加埋佢哋鍾意Science + IT。

其實係加拿大，考入頂尖嘅公立學校，都好大競爭，考入大學嘅熱門課程，都需要好好嘅成績先至入到。

小時了了

kittttty 發表於 20-11-27 21:43
先謝謝各位嘅見解!  想多問句......首先講清楚, 並無貶意, 只是唔清楚.  喺認受性方面加拿大的學校會否比英 ...

唔好意思，我都唔係有貶意，只係希望提以下呢兩個例子你能明白及理解多一些
中國内地高中學生又係要考一個全國性考試"高考”；香港高中生亦要考香港公開試"DSE"；莫非呢兩個地方嘅學校比加拿大學校睇高一線？若是的話，應回內地讀高中考"高考"，因"高考"每年有約8、9千萬學生考，而"高考"亦聞名於世，比DSE 又或者GCEAL 更多人考及更多人認識。

正如樓上所講，加拿大教育模式及理念係"普及性""，而中國、香港、英國等地行"精英性"。

加拿大好Top 好top 嘅私校申請入學要考SSAT 呢個試，分數高才收新生的，呢啲學校畢業生通常大學會考入美國哈佛、耶魯、加拿大多倫多……亦有啲私校要test英文，test英文成績唔得唔收又或者要額外要用多半年或一年加讀英文課程。如果，你擔心加拿大中學質素無英國中學咁好，如你先生堅持想孩子去加拿大讀書，咁你不妨考慮讀要考SSAT嘅私立中學，呢啲中學係加拿大必定係你""感覺""中的優質中學，一定比英國中學排名30以外更好吧

如你對加拿大以校内成績為評核分數仍然唔安心的話，可以揾有IB 課程嘅私校或公校，IB 課程要考公開試亦全球認可嘅學術成績，而呢個課程唔易的，讀呢個課程畢業認受性必然高了

ps:
SSAT，全称Secondary School Admission Test，中文名称为美国中学入学考试，适用于美国、加拿大私立中学的入学，是申请者所必须具备的一个考试成绩。主要测量学生的数学、语文以及阅读理解能力，考察考生的逻辑思维和发展潜力。由Admission Test Board命题。针对不同年龄的学生，SSAT考试分为高级（upper level）和低级（lower level），前者针对目前就读8-11年级的学生，后者针对目前就读5-7年级的学生。

洋蔥頭媽咪

kittttty 發表於 20-11-27 17:24
想請問你們唔揀英國而揀加拿大留學嘅家長原因是咩?  因為我一直我都想孩子去英國, 但C6有親屬在加拿大, 所 ...

我小朋友都有意出國升學，最近都有留意相關資訊。
英國教育模式的確與香港比較接近，亦屬精英制，如果以加拿大同英國比較，英國的確係比較多頂尖大學，優質教育學費相對較貴，修讀時間就較短，大學一般只須三年已經畢業。
加拿大嘅分別係大學最少讀4年，學費比英國平啲，有比較多不同種族嘅人，讀書相對輕鬆啲，但天氣會較凍，交通亦冇英國咁方便。
至於留學後選擇移民問題，最新移民政策方面，加拿大係明顯想吸納高學歷年青香港人，比英國條件更寬鬆，加國將會提供更簡單便捷途徑给香港年青人移民機會，最新政策係5年內大專畢業港人，已經可以申請為其3年工作簽證，在當地工作一年已可申請永居，所以亦唔一定要選擇在加拿大讀書才能申請 PR. 如果小朋友心儀其他國家讀書，畢業後再申請到加國都未遲。
其實小朋友選擇在那裡讀書，要視乎小朋友及家庭實際情況去決定。

kittttty

感謝三位的詳細見解, 讓我仔細研究一下, 畢竟還有時間給我選擇. 謝謝

yy13

kittttty 發表於 20-11-27 17:24
想請問你們唔揀英國而揀加拿大留學嘅家長原因是咩?  因為我一直我都想孩子去英國, 但C6有親屬在加拿大, 所 ...

我諗我係最簡單最求其就決定去多倫多留學
我哋冇親戚喺多倫多
只有2-3個唔太熟朋友
初時都怕小朋友唔適應
所以喺小朋友升P3、P5 2個暑假去咗多倫多玩學校攪嘅summer camp
每次1個月
發覺小朋友好適應
最後喺香港讀咗4個月S1
聖誕節前就出發插多倫多G7 下學期
我哋雖然係讀私校
2間學校(G7-8、G9-12）都唔出名
小朋友心儀大學嘅program 又只得2間U
不過好感恩最後都入到

yy13

當初決定出國
完全冇諗過日後移民問題
因為就算喺加拿大大學畢業
最後留唔留低都要睇小朋友自己
我自己反而會睇適應問題
因為唔係讀1-2年
家長鍾意但原來小朋友唔適應又係會唔開心

chbch

打算畢業後回港就英國,  英國教育比加拿大規範, 適合香港學生, 選加拿大就要target頭十間八間大學.
想留低工作就加拿大ontario省, 如果細個過去(初中或之前), 容易習慣本地生活, 朋友都是本地人, 多數想留低. 教育比不上英國, 但所有本地人都是這樣出來的, 留在當地就不成問題.

STEM330

其實回港工作又唔見得英國讀完書同其他國家讀完書嘅同學, 有好大嘅優勢, 只有幾個行業可能真係有優勢, 如律師。做i bank又反而要美國名牌大學比較有優勢。 但呢個世代, 科技行先似乎北美比較配合。說到底, 學到嘢先正對佢最有用。

LSKLTK

STEM330 發表於 20-12-1 08:09
其實回港工作又唔見得英國讀完書同其他國家讀完書嘅同學, 有好大嘅優勢, 只有幾個行業可能真係有優勢, 如律 ...

同意，身邊認識英國讀完書，係香港有所發展嘅多數係醫生同律師，另外一種就係教英文。我始終都係相信，讀書係靠自己，少壓力嘅空間，會多些創意、思考空間都大啲