有冇小朋友讀緊深旺道果間啟愛學校？？

wy.yau

channba31 發表於 20-11-21 13:37
今日有人話我，做咩比個女讀特殊
我覺得佢講野好um耳，好討厭
睇唔起我......

我仔有D同學既媽咪知道我仔有自閉症，唔鐘意講野，佢地係我面前唔會講乜野，但係係我背後成日同其他家長講我壞話

wy.yau

channba31 發表於 20-11-21 22:40
自行收左我女
我都好迷惘 註唔註冊好？

主流收左個女？？註冊左未？？

阿女都未做評估，唔洗諗到特殊既，如果差小小咪試下重讀一年幼稚園，等佢個腦成長D再讀小學，而家成日咁停課，再叻都追唔到進度喇，何況係SEN小朋友呀。

wy.yau

channba31 發表於 20-11-22 16:27
協康社工 建議
個日見佢地 聽完爆哭
係咁話 介紹特殊學校資料

阿女智力有冇問題先？？幾時做評估？？收左佢果間小學係屬於傳統多功課既定係較輕鬆小功課架？？

Yukiruirui888

yan_love 發表於 20-11-16 18:08
佢成日都唔肯講野，理解又差，評左佢低弱智能同言語超弱。今年小一，佢讀緊果間係傳統主流小學，上堂成日遊 ...

小一已經跟得甘辛苦，妳有無考慮過小朋友自己的情緒，佢可能真係好多都唔明白，佢學/記得好辛苦，又唔識運用出黎，之後的路會更難行，主流會教得好快，唔會等你，言語欺淩唔會少

特殊學校學術上的野會淺好多同主流相比，但對小朋友會讀得舒服，對佢的自信心都係好的，有自信學野都容易上手，學術可以自己加比小朋友，搞好目前先，將來的事情，妳都控制唔到，硬要留係主流，佢學唔到野，變相浪費左小朋友的時間

monsoon21

我有另一個想法，你哋有無讀過特幼？我個仔讀特幼好開心，老師照顧得好，進步好快，小學可以返主流。我自己是中學老師，教過輕度的學生，講真一班三十幾人，照顧唔到佢，佢亦教極都唔明，唔識做功課，又要留級，最後都上唔到高中，有個上到高中，六年中學讀八年，咁樣勉強落去，值得嗎？

Yukiruirui888

opclk99 發表於 21-3-10 06:02
Agree x 2係主流年年包尾,
唔通升中考DSE可以合格?
咪自欺斯人吧.....

我身邊的媽媽朋友，有d真係為了個主流/B1 的名稱（面子）而唔去適合小朋友的學校，有時候覺得個小朋友好慘，能力唔得追得好辛苦，有d更加係父母做功課，小朋友完全做唔到，佢地都覺得無問題

cdreamcdream

其實讀特校並唔需要咁擔心，一間好特校其實令學生更有自信，小朋友響啱佢嘅課程度學野，唔會對學習失去興趣，相反去到主流，跟唔倒功課，永遠成績都比下去，邊有心機學野，到時更多行為問題同情緒問題仲衰啦，同埋能力弱嘅小朋友響主流，尤其唔出聲嗰啲，會俾人蝦架，特校校風通常都純樸啲，起碼冇咁多欺凌先啦，再加上師生比例咁高，老師睇實晒，亦會照顧得好啲
另外，以我所知，其實有好多輕度特校係有主流課程架，雖然程度會淺啲，但起碼唔會同主流太脫節，而且我亦聽過有輕度生能力OK都可以之後出返主流，不過通常係留級囉，但返主流通常冇讀得咁開心，而且我亦有朋友個仔由輕度特校畢業後讀倒VTC，其實特校通常標磅啟發潛能，有啲小朋友能力真係可以在特校發揮倒。就算唔係，特校由小教自理，高中教職業訓練，起碼有一門手藝，唔驚佢第時冇出路響屋企做隱閉青年，特殊小朋友尤其唔多講野，好似大多數自閉小朋友都唔多表達咁，響主流讀完又冇職業訓練，都真係唔知搵咩工做，搵唔倒野做響屋企發呆浪費一生就慘啦，特校起碼有社工跟幫手轉介工作