成績急退，應怎麼辦？

cherimama

小朋友今年P. 3，P. 1 P. 2時成績ok，但受著疫情影響，小朋友懶散左好多，平時數學可以取9x分，對上一次評估得87 （因為疫情停課，用份試卷考番2年級下學期）

當時諗可能剛開學未適應，但昨日份數學練習錯很多，根本就唔關課程難左事，要佢m轉mm，佢唔係錯多左個0少左個0，係錯個數字，真係好嬲。

下星期測驗喇，點可以令佢唔好再錯e d咁唔小心0既野，好灰

Jane1983

一科一次評估跌咗幾分，一份練習錯多咗唔小心嘢，你就好嬲、好灰。小三唔係呈分wor，係咪反應過激咗d？

longlokma

Jane1983 發表於 20-11-5 14:56
一科一次評估跌咗幾分，一份練習錯多咗唔小心嘢，你就好嬲、好灰。小三唔係呈分wor，係咪反應過激咗d？
...

我諗主要係樓主見到小朋友態度懶散咗， 呢樣比分數低更加令人憂慮，因為要改變學習態度比改善分數難。

我建議首先要同小朋友認真傾一傾， 等佢反省返自己讀書嘅責任同態度， 畀個合理時間佢調整一下心態同狀態。

如果本身佢能力唔差，要追返上去亦唔係難事。

Jane1983

longlokma 發表於 20-11-5 15:35
我諗主要係樓主見到小朋友態度懶散咗， 呢樣比分數低更加令人憂慮，因為要改變學習態度比改善分數難。

我 ...

可能係。不過家長心理質素都好緊要，一科跌少少，或者疫情後懶散少少，係唔好，但唔係好大件事。執番就得，太容易好嬲和好灰，影響埋讀書果個。

cherimama

Jane1983 發表於 20-11-5 14:56
一科一次評估跌咗幾分，一份練習錯多咗唔小心嘢，你就好嬲、好灰。小三唔係呈分wor，係咪反應過激咗d？
...

不止一科，也不是一份練習...
如果是一份，我都諗佢係咪0個日攰，但持續日日發生 （不論功課和練習），我就開始擔心。

唔識我可以教，但唔認真去做，錯埋d野莫名其妙，我真係唔知點幫。

我特別講數係因為佢本身數比較強，但最明顯出問題都係數...佢連基本運算都出問題...

叫佢做一次發現佢算草連寫0既數字撩到自己都會錯，咁我點幫佢？

叫佢做完功課練下d字又唔練，做下練習做幾條收工。

我要返工，已經早左番屋企，但都係得個零鐘時間，佢咁樣令我好攰。

cherimama

longlokma 發表於 20-11-5 15:35
我諗主要係樓主見到小朋友態度懶散咗， 呢樣比分數低更加令人憂慮，因為要改變學習態度比改善分數難。

我 ...

係，已經日日同佢講道理
鬧都鬧過
我唔知佢幾時先肯聽

notcool

回覆 cherimama 的帖子

>>佢連基本運算都出問題

也許在時限內做一些加法和計算的練習。例如給他3分鐘才能完成 (100題)。用作比賽和遊戲. 設置目標，獎星

從簡單的開始。但是不要過度。


做反向。您寫下了答案，但犯了一些錯誤 (例如錯誤答案，字跡不清楚)，請他3分鐘檢查

小加子

我哋細路唔鍾意做淺一年的練習，佢覺得太淺就會唔比心機唔認真去寫答案。

Jane1983

cherimama 發表於 20-11-5 23:47
不止一科，也不是一份練習...
如果是一份，我都諗佢係咪0個日攰，但持續日日發生 （不論功課和練習），我 ...

我都係緊張小朋友成績的家長，明白你苦心。但真係凡事proportional response，咁樣大家先襟玩。

如果小三就咁大反應，小四就黎呈分，再激d，小五小六呈分試，更不得了。升中後更接近dse，一路咁escalate，你無幾多板斧。

Jane1983

回覆 IloveJJ 的帖子

，十歲八歲勁爆全校全港又如何？chur得太行會burn out，得不償失。

cyiuming

我小三已經外判，出去補習。

cherimama

cyiuming 發表於 20-11-8 11:19
我小三已經外判，出去補習。

由疫情開始，停了功課班
因為我放工返屋企都夜，唔係好睇到功課，我同佢講如果唔想去，就要證明我睇可以自律

佢唔係唔做，不過做做下又話飲水，做做下又話去厠所，然後做完一本就話要休息下

cherimama

Jane1983 發表於 20-11-6 14:47
我都係緊張小朋友成績的家長，明白你苦心。但真係凡事proportional response，咁樣大家先襟玩。

如果小三 ...

唔知大家點應付小朋友懶散問題

停課停太耐，真的有影響...
事源係開始測驗喇，做個練習10題錯6題，畫珠可以畫錯，人地問12345，3的值寫 40，持續咁，係擔心0既

懶散唔止影響一科，科科都有d問題。

停課到zoom，我都有叫做下練習，當然，佢一定唔會成日做啦，我都無迫過佢，測驗考試前我係會著緊，要回魂。

我一直同小朋友講，盡左力，其實成績結果係點我係無得嬲，我可以嬲什麼，你唔識，但你hea我，我就真係嬲，我唔係要完成份練習，我係睇你做完邊d題目唔識要重點溫習。

老實講，時間有限，宜家我係放工番0黎同佢溫，佢瞓我先食野同做埋d 公司未完成0既野，好攰。

小加子

cherimama 發表於 20-11-9 08:39
唔知大家點應付小朋友懶散問題

停課停太耐，真的有影響...

幾年級？初小仲有時間調節返正常狀態，高小預備升中就要搵方法幇幫佢。我仔上半年因停課學校停教都有同樣問題，可以連d低能野都錯4+1=4、2x4=6...我幾乎拍亂張枱，心散了連佢自己都話集中唔到個腦諗唔到野。終於搵私補一星期2次，一邊教新野一邊望實佢平時易唔專心的題目，好intensive 咁不讓佢心散。而家返學2個月幾本上已返到去之前未停課前精神狀態

cherimama

小加子 發表於 20-11-9 10:28
幾年級？初小仲有時間調節返正常狀態，高小預備升中就要搵方法幇幫佢。我仔上半年因停課學校停教都有同樣 ...

今年P3
停課前一直有上功課班
學校老師仲同我講話覺得我仔唔需要功課班，自己搞得掂
點知太自由，有惰性
如果下學期我都搞佢唔掂，可能都真係要請老師上門教，比番個學習mood佢

cyiuming

cherimama 發表於 20-11-9 13:50
今年P3
停課前一直有上功課班
學校老師仲同我講話覺得我仔唔需要功課班，自己搞得掂

要私補，因為升小四啲嘢又深咗，如果太遲先補就要花多啲時間追番

bananaGi

cherimama 發表於 20-11-5 23:47
不止一科，也不是一份練習...
如果是一份，我都諗佢係咪0個日攰，但持續日日發生 （不論功課和練習），我 ...

我都有類似情況...
我都好火!!!  反思過後..... 小朋友又點可能完美呢?

eeyorepigpig

樓主, 好明白你, 我仔亦是p3, 情況同你仔一樣, 數學不嬲強項, 但做練習連加減數都仲要錯, 睇番算草, 懶醒唔mark低要進位/借位, 神仙都難救啦!
最近默書, 經常性漏字, 仲要係漏D識既字, '的'呀、"了"呀, 你真係唔識嗰隻字, 我都心甘命抵, 你犯呢D低級錯誤, 我真係接受唔到
我都覺得真係疫情令到個人心散晒, 仲未回復番狀態, 但最怕回復得黎, 轉頭又話停課

qkhui

其實停課唔只另小朋友心散,  我地做家長亦一樣. 我覺得依家都係11月. 比多少少時間小朋友去適應. 我仔小二. 10月考完試, 數學成績可能較易反映出"個心有幾散", 我仔數學成績只有7X 分. 我睇完份卷只係讚仔仔. 因我覺得, 小一停課佐噉耐. 岩岩先開始習慣上課. 上一年O既野學佐幾多, 記得幾多. 其實家長都有眼見. 60分鐘做45條數學. 小一上學期仲係要讀卷, 小二要自己睇卷再去理解. 可以完成晒成份卷我巳經覺得好叻.  我地做家長當然想小朋友考得好. 但我覺得今年O的情況. 家長同小朋友真係要互相理解同支持. 仔仔聽到我講完佢話考時好緊張. 因好快做唔完. 我話我明白. 不過你巳好叻. 盡力去做. 我見仔仔之後O既功課做得比以前仲好. 更用心同專注. 因我相信唔會有小朋友係唔想取好成績的.

樓主我諗可以先冷靜去處理. 比仔仔知你理解的. 同時再同仔仔講, 考完第一次知自己是什麼問題就要改. 因停課影響唔係永遠的藉口.

大家都加油 !