英國肺炎嚴峻點算好？

Cecilia66

女兒明年要升讀大學，繼續在英國還是在香港，當年岀世也是沙士，今次全球大爆發，令我哋好擔心

sunny.moon

Cecilia66 發表於 20-10-25 14:00
女兒明年要升讀大學，繼續在英國還是在香港，當年岀世也是沙士，今次全球大爆發，令我哋好擔心
...

明年先算到時疫情可能已完！ 里度大把依家都喺英國的孩子父母擔心緊！

Cecilia66

早前叫我囡囡報埋香港大學，她拒絕我，我應唔應該再次叫她呢？我好似迫緊佢

王家爸爸

Cecilia66 發表於 20-10-25 14:32
早前叫我囡囡報埋香港大學，她拒絕我，我應唔應該再次叫她呢？我好似迫緊佢
...

你囡囡用JUPAS報香港大學，同報UCAS喺無衝突既；港大收咗你先決定註唔註冊都未遲。

lamwwjd

我女兒今年過左去讀大學，一路都好擔心，但慢慢就開始接受和習慣了，佢宿舍甚至有同學確診而令佢要 self isolation ，我覺得都係人生經驗，無論去到邊度都會遇到困難，今日可能係疫情，聽日又可能係其他野，今日唔知聽日事，有時唔擔心得咁長遠。

ruudi82

後生仔女冇咩事啦，英國中二萬幾人，99%人休息14日就好返。 而家歐洲嗰隻應該變左種冇咁毒

cfs

lamwwjd 發表於 20-10-25 16:23
我女兒今年過左去讀大學，一路都好擔心，但慢慢就開始接受和習慣了，佢宿舍甚至有同學確診而令佢要 self is ...

讚成同意。每個經歷也是人生經驗，既來之則安之

Cecilia66

英國之前每天確診人數無咁多，昨天確診人數升至二萬三仟幾個，真的令人擔心，外國人的防疫措施完全失敗。

康媽

明年9月應該無事啦，其實我仔係果邊又唔係好驚，佢聖誕都唔肯返黎，可能我哋係香港見到啲數字會好擔心，但實際情況未必係咁恐怖

sunny.moon

康媽 發表於 20-10-25 17:42
明年9月應該無事啦，其實我仔係果邊又唔係好驚，佢聖誕都唔肯返黎，可能我哋係香港見到啲數字會好擔心，但 ...

係囉！不如諗黎緊聖誕節會回港否？

Cecilia66

今天睇到林建康的新聞，不幸去英國探望兒子感染新冠肺炎，英國當局更拒絕初患者入院，只能自我隔離， 他死過翻生，睇完只覺得佢有錢有得救，我哋小朋友感染到點算

longlokma

Cecilia66 發表於 20-10-25 14:00
女兒明年要升讀大學，繼續在英國還是在香港，當年岀世也是沙士，今次全球大爆發，令我哋好擔心
...

你都識講係全球大爆發，仲驚乜？

bbba05

longlokma 發表於 20-10-25 18:07
你都識講係全球大爆發，仲驚乜？

都有分控制得好還是唔好，中咗點處理等問題嘅。

longlokma

bbba05 發表於 20-10-25 18:11
都有分控制得好還是唔好，中咗點處理等問題嘅。

有些地方聲稱疫情控制得極好，但你會讓孩子去讀書嗎？
坦白講就算冇疫情世上每日都有各種意外發生，全球一日不知死傷多少人，生死有命，何必想太多呢～

hiddenhero

Cecilia66 發表於 20-10-25 14:00
女兒明年要升讀大學，繼續在英國還是在香港，當年岀世也是沙士，今次全球大爆發，令我哋好擔心
...

英國大學10 月先開學啵。 按道理都應該打左疫苗先過去或者過去有得打疫苗。 如果你唔打算打咁就自己多加注意啦。 再唔係到時如果都係好危險， take 個 GAP year 咯。 佢咁大， 你最多分析比佢聽， 剩低都係睇佢個人意願。

bbba05

Cecilia66 發表於 20-10-25 14:00
女兒明年要升讀大學，繼續在英國還是在香港，當年岀世也是沙士，今次全球大爆發，令我哋好擔心
...

我覺得兩手準備，報埋香港嘅大學，下年再決定。

同投資一樣，每個人可接受嘅風險程度都不同。有些人覺得感染風險唔高，中咗後生都冇事，生死有命，而留學相對重要，覺得值得一搏。有些人冒唔起任何險，會晚晚失眠，要自己衡量吓。

正如香港一日過百確診，大家超級緊張，但外國一日兩萬宗，大家卻覺得帶口罩小心d就足夠，真係各有各睇法㗎。

yiyiahah

阿仔今晚返去, 我哋都係用平常心面對, 仔仔也是

puzzledmama

其實去留學係好難得的體驗, 疫情總會過去的, 實在不值得為一時的挑戰而放棄。

lee2046

puzzledmama 發表於 20-10-25 22:02
其實去留學係好難得的體驗, 疫情總會過去的, 實在不值得為一時的挑戰而放棄。
...

同意呀

yuyueng

客觀咁講，疫情起呢一兩年唔會過去，就算有疫苗都唔會一兩年就消失，起香港都唔係百分百安全，只能叫仔女自己執生同小心，準備定一D蓮花清瘟素in case 中招都叫有藥食下先。