所謂小朋友受唔受谷

skb2015

請問大家係點理解同介定自己小朋友係咪谷得果類？

我小朋友讀緊happy school券幼，功課唔多每日好快做晒，只外補phonics。佢間唔中會扭計唔做我買的練字習作，但要迫的話角力一輪都會做。

我揀學校唔知應唔應該揀好谷的（報名時報左唔同類型的學校），老公話谷到黎佢就受到架啦。請問大家點睇自已小朋友係咪受得谷果類型？謝謝

qpalzm

回覆 skb2015 的帖子

我有兩個小朋友, 兩個都讀學卷幼稚園。
大個個幼稚園個時只做返學校個D功課, 無特別逼佢做其他, 買左個D練習好多剩左未做, 亦唔會自己主動攞起本書, 同佢睇又唔專心。

細個個呢, 學左的野自己溫習, 識寫的字鐘意自己寫下寫下, 以前大個個做剩D練習全部做晒, 之後再買做完一本又一本。攞起本書叫你讀比佢聽, 一本又一本, 你講到口乾都未比你停, 間唔鐘又會攞起自己讀。

觀察下好易知邊個谷得。

學校一定要合適, 谷的學校你谷人都谷, 如果小朋友唔受呢套, 日日困獸鬥好辛苦。我親眼目睹好多名小case, 小朋友配合唔到學校模式, 日日比老師打黎投訴叫你退學, 小朋友返學又唔開心, 絕對唔過癮的。

Ericci

qpalzm 發表於 20-10-18 07:30
回覆 skb2015 的帖子

我有兩個小朋友, 兩個都讀學卷幼稚園。

係，其實小朋友讀幼稚園都知佢係受唔受谷，了解佢嘅資質，同埋主要家長係想小朋友點？讀谷嘅學校就預咗大人要陪小朋友做功課溫習一齊谷

艾艾

skb2015 發表於 20-10-18 07:02
請問大家係點理解同介定自己小朋友係咪谷得果類？

我小朋友讀緊happy school券幼，功課唔多每日好快做晒， ...

受谷的小朋友是你俾練習佢做佢都肯完成，再加d 練習佢都handle 到，個個人都唔同。從小朋友做功課合唔合作，態度等可以看出。最緊要找間合適的學校。

水泥媽媽

有邊間直私係谷，邊間唔谷？

Charlotte_mom

聽過人地果d
停課期間阿媽返工，要求阿仔日日自行做4、5份補充練習 自己練樂器，阿仔會做
幼稚園生由谷校轉happy school，小朋友話無默書同quiz，都唔知學左咩

我覺得咁叫受谷囉

miss0101

qpalzm 發表於 20-10-18 07:30
回覆 skb2015 的帖子

我有兩個小朋友, 兩個都讀學卷幼稚園。

我仔較似你細仔，不過唔鐘意寫中文字，
英文，數學就明顯鐘意好多。。都唔知算唔算谷得

鐘意睇書，學完又會講返故事比我地聽，

睇書又係不停叫我講，我想休息下都唔比，

同埋鐘意做練習，除左中文mouth:" />

qpalzm

miss0101 發表於 20-10-18 16:05
我仔較似你細仔，不過唔鐘意寫中文字，
英文，數學就明顯鐘意好多。。都唔知算唔算谷得

我細個個乜練習都撈晒, 尤其鐘意認中文字寫中文字。佢k3寫小一字帖, 今日搭車又係咁問我D招牌寫乜。
兩個做功課態度大不同, 大個個做功課話佢唔likey, 就一條蛇咁bea係度, 細個個話佢唔likey, 攞埋本練習入房關門, 過一陣自己做完, 出黎將本野扔落你度。

miss0101

qpalzm 發表於 20-10-18 17:47
我細個個乜練習都撈晒, 尤其鐘意認中文字寫中文字。佢k3寫小一字帖, 今日搭車又係咁問我D招牌寫乜。
兩個做 ...

我仔，佢自己學英文，英文唔洗教佢已經識好多字，識讀故事，溝通等。
中文唔識都肯學既，肯去用心寫靚字，但明顯冇英文，數學既熱誠，

數學不停叫我寫題目比佢做，中文要係隔離望住佢做。

咁你細仔放心晒，唔洗叫都自動自覺，成續唔洗粗心。

kimlam953

skb2015 發表於 20-10-18 07:02
請問大家係點理解同介定自己小朋友係咪谷得果類？

我小朋友讀緊happy school券幼，功課唔多每日好快做晒， ...

我認為即使小朋友鐘意睇書，學野快, 但抗拒寫字，肯做練習但叫苦連天，再加上手腳慢，粗心大意，都叫做唔受谷。

qpalzm

miss0101 發表於 20-10-18 17:58
我仔，佢自己學英文，英文唔洗教佢已經識好多字，識讀故事，溝通等。
中文唔識都肯學既，肯去用心寫靚字， ...

雖然續書可能少D煩惱, 但佢性格太強烈我有D擔憂, 佢細細個已非常自主, 唔聽人講, 大個左我驚佢不受控制。

skb2015

謝謝大家

我小朋友上課時唔算專心。做功課就睇狀態，多數要有人督促一下會好啲。一般學校工作紙比較簡單，佢亦願意做同做得好快。但我買的抄寫練字習作就成日又氹又哦先做，狀態差時會做成個幾兩個鐘先寫完。不過佢自己會拎圖書同課本睇，心情好時會自動自覺朗讀。

我另一半覺得佢以上的行為心態反映佢係做到同受谷的，同埋佢再大一點會容易講道理叫佢自動波讀書做功課。我就覺得佢比較反抗抄寫記字，覺得佢唔受谷的。

我地報左唔同類型學校，都想趁仲有半年時間俾我地再觀察一下小朋友適合咩學校。

我個人覺得谷的學校多是抄寫功課和點書測驗多。我自己唔怕陪佢做功課同溫書，係怕佢谷唔起之餘又傷晒親子關係...

kenyuenkc

受谷既小朋友一般係聰明啲

受谷既原因可能係，佢能力可以應付得到，所以你覺得佢仲有好深既潛質

Azzurro

小朋友做作業快或者喜歡做作業，係因為已經輕鬆駕馭功課，覺得很過癮
說明平常多閱讀

如果小朋友唔鍾意做，唔係因為做得唔夠，係因為閱讀不足，我認為
所以解決辦法係多閱讀，而唔係強迫做更多作業

幼稚園階段作業涉及中文字或英文字理解問題
理解問題才能寫出來
理解問題需要多閱讀，沒有其他解決辦法



我認為我小朋友受谷
不過我不喜歡谷學校，因為不喜歡小朋友寫作業
有時間更多閱讀，受益週期更長

miss0101

Azzurro 發表於 20-10-19 08:51
小朋友做作業快或者喜歡做作業，係因為已經輕鬆駕馭功課，覺得很過癮
說明平常多閱讀

同意呀，我仔喜歡英文，不太喜歡中文，
因為他喜歡看英文圖書，看得明白故事內容，

以及做英文練習時，係自動波不停做，同埋喜歡做。

反而中文決小動力，因為很多字他看不懂，

記得前幾天，他說一本中文圖書，全頁都是字，他看不懂，

打算放棄不去看，後來我閱讀給他聽，他非常喜歡故事內容，

說到口水乾都叫我讀。

所以我決心這半年，幫他記多點中文字，和多閱讀中文書。

kimlam953

kenyuenkc 發表於 20-10-19 00:26
受谷既小朋友一般係聰明啲

受谷既原因可能係，佢能力可以應付得到，所以你覺得佢仲有好深既潛質

我家聰明啲那位是不受谷，佢k2已睇chapter book, 百科全書 documentary 但叫佢寫字會拖拖拉拉。自己寫書又唔會個喎

反而資質及記性一般那位，主動做功課，寫字靚，經常係黑板主動默寫返認到嘅字（k1時），我覺得呢個叫谷得

miss0101

kimlam953 發表於 20-10-19 09:50
我家聰明啲那位是不受谷，佢k2已睇chapter book, 百科全書 documentary 但叫佢寫字會拖拖拉拉。自己寫書又 ...

如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，

不過我覺得香港教育制度就是，

Happy都係要抄寫，除非某些私校/國際學校先唔需要。

學校唔谷，就要靠家長用自己方法同個小朋友溫習，唔係都係跟唔上。

kimlam953

miss0101 發表於 20-10-19 10:02
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，

我唔知，我個係中英數都唔會鐘意寫。
上年佢有谷小及happy小收，我地幫佢選左happy小。而家當然覺得選得啱，因為真係俾到空間佢改及慢慢進步。

好似默書咁，人家津校已默左幾次中英默，我地下星期才第一次英默，仲要默好簡單嘅字。但呢個星期六我見佢好有自信咁自己溫自己改，又真係覺得慢啲係可培養到學習興趣又者唔抗拒先啦（只係我小朋友係咁，我知呢到好多天才仲要好自律個隻，好可惜我個唔係，所以麻煩非喜勿插）

mcl203

miss0101 發表於 20-10-19 10:02
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，

我估，受唔受谷係視乎學校嘅教學模式和要求，並非來自家長。學校唔谷，小朋友就自然輕鬆得多，家長配合學校指示就已經OK。除非，家長目標係超前教育，為以後去插班～～～

小曳人

其實我唔知咩叫受谷，不過如果轉一轉，小朋友肯唔肯坐定定、快快手做功課，咁會唔會簡單d呢？

唔願意可以有唔同原因，未必同聰唔聰明有關，而KG時合作，亦唔代表上到小學會合作，所以，要估埋小朋友性格發展...


不如咁講，除咗問孩子谷唔谷得，不如問埋自己想唔想貼身跟功課