救命~普通話教中史

9284

回覆 little_yolky 的帖子

你醒呀！我呢個"亳"字，直頭查字典都揾唔到呢個字，幾鬼灰，要上網揾中大網站先揾到

9284

本書個書名係新編中國史旅程，雅集出版社有限公司，我見書嘅背面有香港特別行政區已列入適用書目表，教育局通過評審，所以應該唔係大陸書

b3410

little_yolky 發表於 20-10-7 19:54
樓主本書良渚都講，可能係大陸中史教科書，好嘢嚟。我哋香港果D唔好話新石器，連三代都係咁E瀨過就算，薄 ...

良渚文化，之前去杭州，順便參觀過良渚文化博物館，所以真係知喎！
可能細細個就喜歡參觀博物館，所以中史雖然考唔到高分，合格還是可以做到。

little_yolky

b3410 發表於 20-10-7 21:07
良渚文化，之前去杭州，順便參觀過良渚文化博物館，所以真係知喎！
可能細細個就喜歡參觀博物館， ...

咦？有無租車去埋河姆渡博物館？好好睇呀

Yanamami

little_yolky 發表於 20-10-7 19:50
係咪「亳」呀？唔係毫呀，少一畫的。

拿，你做家長都話難話悶，咁小朋友點面對呢？我覺得用廣東話同佢講 ...

書係應該佢地自己想辦法讀你仲想親手湊到中幾？

b3410

little_yolky 發表於 20-10-7 22:04
咦？有無租車去埋河姆渡博物館？好好睇呀

良渚比較近市區，河姆渡好遠啊！研究了一下地圖，可能從寧波過去更加方便？ 下次如果有機會去寧波玩 順便去埋。

little_yolky

Yanamami 發表於 20-10-7 23:10
書係應該佢地自己想辦法讀你仲想親手湊到中幾？

唔係得我，你覺得靠學校D中史老師同學會對中史產生興趣咩？你睇下中史成績咁低迷就知啦

佢哋可以唔修歷史，但我接受唔到佢哋話歷史好悶、好討厭

little_yolky

b3410 發表於 20-10-7 23:39
良渚比較近市區，河姆渡好遠啊！研究了一下地圖，可能從寧波過去更加方便？ 下次如果有機會去寧波玩 順便去 ...

河姆渡真係好好睇㗎不過你記得check下有無閉館裝修喔。有次去北京，包車去周口店，點知封咗！仲要為咗去7:00出發

b3410

little_yolky 發表於 20-10-7 23:45
河姆渡真係好好睇㗎不過你記得check下有無閉館裝修喔。有次去北京，包車去周口店，點知封咗！仲 ...

多謝提醒！希望明年可以出去旅行

7點好早咩？平時返學時間喎！

little_yolky

b3410 發表於 20-10-8 07:02
多謝提醒！希望明年可以出去旅行

7點好早咩？平時返學時間喎！

放假既心情又唔一樣呀嘛

王家爸爸

little_yolky 發表於 20-10-7 20:28
大陸D中史教科書質素好好，好貼近新材料。不過排版係老套D。

真的嗎？我買過，睇完之後既感覺係唐朝之前既還可以，甚至可以話唔差；宋朝之後既基本上都有問題。排版唔係問題，歷史真實性先係問題。中國歷史本身就疑點重重，改寫之後就變成小說。

emmyfok

9284 發表於 20-10-7 16:42
回覆 gracelam 的帖子

不是沙蘇, 大圍龍校, 出版商排版好有問題, 佢本中史書, 超級唔INTERESTING, 我見到 ...

我都係理科人，完全明白你面對中史嘅心情。
我兩個女都係睇英文書多，對中文冇乜興趣。恕我直言，呢種情況，你買本幾正嘅雞精，佢都唔會睇。

我自己嘅中史程度，大概就係記得妲己 = 温碧霞。但我同意 little yolky ，成績都罷了，至少要對中史有點興趣。令千金喜歡睇電視嗎？除了中國通史呢類學術性嘅節目，内地有些歷史劇都幾好睇。我自己也會睇歷史小說，看到有趣的情節，會跟女兒分享一下。

至於考試，我細女同一個文科叻嘅同學組成 study group ，佢教我女中史，我女幫佢温 science，總算次次及格，捱到中四就可以同中史講 bye bye 。

Jane1983

有興趣係好緊要。我女暑假時無聊睇YouTube，突然鍾意咗中國歷史。佢係國際學校，這些不在課程之列，但因為有興趣，佢鍾意到連和古代皇帝有關的成語典故都研究埋。最近成日同我傾邊個最有資格被稱為「千古一帝」。

興趣係number one，佢覺得煩厭，好難讀得好。

gigayan

emmyfok 發表於 20-10-8 09:05
我都係理科人，完全明白你面對中史嘅心情。
我兩個女都係睇英文書多，對中文冇乜興趣。恕我直言，呢種情況 ...

我都同意幾無興趣中史，都應該對中國歷史要有點認識......我就係細時唔努力，搞到宜家都係靠睇大陸劇腦補歷史

little_yolky

王家爸爸 發表於 20-10-8 08:26
真的嗎？我買過，睇完之後既感覺係唐朝之前既還可以，甚至可以話唔差；宋朝之後既基本上都有問題。排版唔係 ...

我係讀甲乙組的，丙組嘢比較少接觸。

qkhui

我覺得初中都係比學生去找自己興趣. 高中就可以選到自己較有興趣o既科目去讀. 我仔係讀文科. 佢初中時對理科都係完全無興趣. 所以都係盡力去做好自己, 就算真係唔喜歡O既都叫自己考好佢(起碼合格), 到高中就完全可以唔駛掂. 選讀自己較有信心O既中國歷史, 世界歷史去讀.

王家爸爸

little_yolky 發表於 20-10-8 11:51
我係讀甲乙組的，丙組嘢比較少接觸。

我當年都係讀甲乙組，不過我除咗讀歷史之外，仲有讀理化生、高數同經濟。

9284

小朋友性格都係一個個人, 人人唔同, 我女由小學開始就一路依賴我, 一直都唔識自己溫, 曾經試過放手, 眼見佢成績下跌, 兼且老師話如果見佢真係未可以完全放手, 可能佢仲未READY, 我都要幫返佢少少, 老師開到聲, 我咪又PICK UP 番囉, 而且成績下跌+老師壓力, 我個女都唔驚, 依舊我行我素, 欠功課咪欠囉, 成績跌咪跌囉, 老師叫留堂咪留囉, 好似天跌下來都唔關佢事咁, 我跟功課佢又肯比我CHECK, 我幫佢溫默書佢又可以好高分, 總之一放手, 又可以跌返去六十幾分, 我都好無奈要繼續唔放得手, 唉!

王家爸爸

gigayan 發表於 20-10-8 10:21
我都同意幾無興趣中史，都應該對中國歷史要有點認識......我就係細時唔努力，搞到宜家都係靠睇大陸劇腦補 ...

睇大陸劇腦補歷史？我都俾小朋友睇，不過當學普通話。

little_yolky

王家爸爸 發表於 20-10-8 12:37
我當年都係讀甲乙組，不過我除咗讀歷史之外，仲有讀理化生、高數同經濟。 ...

點解你學校可以揀文科同理科既

BTW，你係理科人就啱勒，問下先。請問如果小朋友數學屎，係咪讀唔到chem？阿女越來越唔想修中史