港大牙科vs醫科

littlemrs

女仔，有得揀，讀牙科抑或醫科好？
兩科都喜歡

P1001S

littlemrs 發表於 20-10-7 12:40
女仔，有得揀，讀牙科抑或醫科好？
兩科都喜歡

請問是什麼途徑？Jupas (DSE) or non-Jupas?

littlemrs

P1001S 發表於 20-10-7 21:43
請問是什麼途徑？Jupas (DSE) or non-Jupas?

Non-Jupas

P1001S

littlemrs 發表於 20-10-7 21:46
Non-Jupas

Non-Jupas 我就唔係太清楚，不過牙醫和醫科是不同學院，應該有機會同時有offer，咁就有得去選擇。我個人意見兩科都好，但我個人會希望自己孩子去讀醫。

littlemrs

P1001S 發表於 20-10-7 22:00
Non-Jupas 我就唔係太清楚，不過牙醫和醫科是不同學院，應該有機會同時有offer，咁就有得去選擇。我個人意 ...

是的，兩科都好，現在爬文，同時開post, 希望廣納意見。
謝謝你的意見！

hksarah

女仔，讀牙科好 D.

nhi

littlemrs 發表於 20-10-7 12:40
女仔，有得揀，讀牙科抑或醫科好？
兩科都喜歡

兩者都係讀6年, 大家都話做西醫比牙醫辛苦，其實讀完醫科，有幾十個專科可以揀，有些辛苦，有些其實並不辛苦，好看個人選擇！

讀牙醫就一世對主棚牙。

hksarah

港大牙醫女新生四年急增42%

(綜合報道)(星島日報報道)大學「陰盛陽衰」現象持續多年，近日香港大學牙醫學院公布新生入學數字，今屆入學的女生高達三十七人，較四年前急增四成二；男生人數則連續四年下跌；學院負責人稱，牙醫是女性相對容易應付的醫療工作，但擔心女牙醫生育後或退下前。獲牙醫學院取錄的文憑試女狀元棄報藥劑學改讀牙科，不怕較男生遜色，冀為病人重拾燦爛笑容；另一女狀元受替她矯齒的牙醫影響而立志助人。

近年港大牙醫學院取錄的男女生比例漸趨懸殊，女生人數持續上升。根據學院最新發布的統計數字，新學年入學的女生較男生多逾一倍，高達三十七人，人數與四年前的二十六人比較，升幅更逾四成二。相反，今學年的新生僅有十七名男生，人數由二○一一年起逐年下跌。學院院長傅立明表示，這種現象在歐美等地亦有出現，對有意投身前醫療服務的女性來說，牙醫行業能平衡工作和生活，毋須通宵達旦工作。

他補充，「與動手術的醫生相比，牙醫體力要求較低，又享有較大的工作彈性。」不過，學院助理院長梁超敏擔心，部分已為人母的牙醫可能會退下來或轉為兼職，長遠導致牙醫的服務時數減少。

今屆取錄的女生中，有不少都在公開考試取得佳績。在中學文憑考試考獲七個5**的狀元黃海旋，原打算報讀藥劑學課程，但最終選擇入讀牙醫學院。她表示，本身喜愛與人溝通，又認為「燦爛的笑容給人良好的印象，但不少病人由於牙齒問題而不能開懷大笑。」

被問及會否擔心女性未能勝任牙醫一職，海旋直言，「男生女生沒有大分別」，不擔心女生力氣不足，又謂為病人洗牙時不怕血。出身基層的她表示，希望將來投身兒童牙科服務，表示不少基層家庭缺錢，兒童患上蛀牙可能影響口腔發展。

另一女狀元、在國際文憑試（IB課程）考獲四十五分滿分的梁樂珩則表示，小時候受「哨牙」問題影響，性格變得害羞及不敢大笑，箍牙後才恢復自信。她透露，與那位為她箍牙的牙醫相識多年，視他為榜樣，「他經常到內地山區義診，又會哄在診所受驚的小朋友。」她同樣打算協助小朋友護牙，「小時候護理好牙齒，長大後會有自信。」

https://hk.news.yahoo.com/%E6%B8 ... 9E42-223000664.html

0030

醫科

manning2014

回覆 littlemrs 的帖子

I will suggest you ask your daughter this question. If she can't tell what her interest really is, she is not suitable for both.  

happyMummy

delete

LisaL

小女也面對同樣嘅問題。自小立志做醫生, 本身對醫科有興趣D, 但係讀醫同埋做醫生辛苦D, 而且唔鍾意on call。至於牙科, 佢就無咁鍾意又唔抗拒, 但係牙醫收入都唔錯仲可以有work life balance。
夢想vs理想, 應該點揀?
請各位高人指點

Ivymom

揀牙科定醫科對香港學生嚟講從來都係好難嘅抉擇, 唔好同我講話入唔到醫科先讀牙科，咁多年來港大牙科收生嘅中位數一定高過或者同港大醫科嘅四分三數一樣,  即係講成績至少有一半港大牙科生可以入到港大醫科喇，即係每年起碼二三十個人學生唔讀醫科揀牙科啦。

請問有冇仔女讀緊醫科同牙科嘅媽咪可以講下當初點揀牙科同醫科呀？

以前嘅文章見到Doula 同tsi 的小朋友喺讀牙科㗎,兩位高人可唔可以講下當初點解揀牙科㗎？

P1001S

回覆 Ivymom 的帖子

我家的小孩是完全自己選擇, 他那3個Jupas A項依次序為 City BVM; HKU BDS; CU MBChB。他去做選擇多依中學和師兄资訊然後自己做决定, 有一段時間約為農歴年左右他是偏向BDS因為從畢業後就業前途和BDS相對另外2個選擇輕鬆一點。但他最後也放棄了BDS, 選擇了CU MBChB, 雖然他覺得會讀較辛苦, 但出路多了另一個選擇做硏究機會會多過BDS。

QQ_PAPA

兩科都要睇小朋友是否有興趣, 有心讀, 阿女學姐讀醫途中, 轉咗讀global business.

calendula

牙醫的手部頸膊頭好多勞損，因為長期同一姿勢

Doula

Ivymom 發表於 20-11-1 11:24
揀牙科定醫科對香港學生嚟講從來都係好難嘅抉擇, 唔好同我講話入唔到醫科先讀牙科，咁多年來港大牙科收生嘅 ...

我係一個懶媽，你講高人，搞到我都唔知好唔好回應

Doula

Ivymom 發表於 20-11-1 11:24
揀牙科定醫科對香港學生嚟講從來都係好難嘅抉擇, 唔好同我講話入唔到醫科先讀牙科，咁多年來港大牙科收生嘅 ...

我仔嗰屆bds最低35分，mbbs最低36分，相差1分，應該只有幾個同學因為差呢1分入唔到mbbs ，所以我諗大部份都係唔想讀醫而唔係入唔到

我估唔讀mbbs 各有各原因，例如
有D爸爸媽媽係牙醫，阿仔阿囡讀完就可以接手診所
有D怕血怕屍體(阿仔year 1去醫學院睇解剖，有女同學嚇到面都白晒)
有D係懶/唔想辛苦(好似我仔，佢話如果讀醫，由實習開始就要oncall 36，再之後讀專科，即係30歳前都唔使旨意有得玩有得癲)

其實去高中應該會識揀，阿仔高中有5個同學差唔多分，兩個揀牙醫，兩個揀醫生，仲有一個揀咗藥劑，各有各取向，明顯地揀醫嗰兩個積極D，揀牙醫嗰兩個懶散D

Doula

LisaL 發表於 20-10-27 00:38
小女也面對同樣嘅問題。自小立志做醫生, 本身對醫科有興趣D, 但係讀醫同埋做醫生辛苦D, 而且唔鍾意on call ...

我仔好buy呢個work life balance，佢話搵錢只係為咗要生活，然後如果讀醫，搵到錢都冇機會好好生活

ABC-DAD

如果唔想ON CALL, 就咪鬼諗讀醫科啦。
work life balance 係睇人嘅方向、目標同點安排嘅啫。