中端價數碼鋼琴 VS 入門級傳統鋼琴

simonchiang

小女4歲，打算安排她開始學習鋼琴。

為方便將來請老師上門授課和她日後練習，打算先平平地買一台琴回家。但正糾結在傳統鋼琴，和數碼鋼琴的選擇。

本來以本人金錢上預算上，日本某流行品牌，僅達標準121cm的入門級傳統直身琴，本也正合心意。

但多研究了網上資訊，據說近年新推出的數碼鋼琴，已今非昔比，在音域和觸鍵感上，已大大改善。

例如一些不知是否誇張了的宣傳說法，說中端價以上的數碼鋼琴，琴鍵一樣持有機械結構，而且是模仿足三腳平台鋼琴，擊捶下而上的設計；由於考級時多用上三腳琴，這對觸鍵習慣上，其實反而更勝一般入門級傳統的直身琴。另外，目前數碼琴科技下，已能高清重現，取樣自百萬級三腳平台鋼琴音源，一般人閉上眼，根本就無法分辨，聲音只是來自喇叭等。而且數碼琴，還有可靜音，可重播，配合平板電腦，用軟件輔助學習等，看上比傳統鋼琴還好的優點。

所以自己產生一個想法：與其用同一筆預算，最多只能購入一台僅為入門級的傳統鋼琴；何不用相同，甚至更平的價錢，購入一台中高端的數碼鋼琴呢？

但當然，總聽到不少人會說，數碼琴鋼琴會學壞手勢，應付不到考級要求等...另外，又擔心如果用數碼琴，將來請老師回來教，會否被歧視等，因此糾結如何選擇好...

有否有同時玩開數碼鋼琴和傳統鋼琴的朋友或老師，可分享點意見給我呢？謝謝

0030

我不會選擇數碼鋼琴～

CM.MUN

如果你學鋼琴，係一定唔會買電子琴，唔好浪費金錢，將來你搵到老師教小朋友，老師都會叫你換鋼琴（正常做法），除非屋企放直身琴都放唔到

CM.MUN

simonchiang 發表於 20-10-6 12:46
小女4歲，打算安排她開始學習鋼琴。

為方便將來請老師上門授課和她日後練習，和打算先平平地買一台琴回家 ...

同埋你可以參考一啲二手鋼琴，用買新琴嘅錢有機會搵到唔錯嘅二手鋼，但係當然最好搵識音樂嘅人幫手，如果唔係好容易買到爛琴

simonchiang

好的，謝謝 0030 & CM.MUN 寶貴意見

LeeCC

阿仔經常去琴行彈不同的琴，佢話數碼琴的手感與真鋼琴有分別的

simonchiang

回覆 LeeCC 的帖子

謝謝

fibe0313

學鋼琴，用番鋼琴好d. 手感似但都係有分別。同埋發聲原理唔一樣。

simonchiang

回覆 fibe0313 的帖子

明白了，謝謝

musicpiano123

如果安放真琴沒有問題，買傳統鋼琴好了。正如電吉他同木吉他，是兩樣野。

964000

simonchiang 發表於 20-10-6 12:46
小女4歲，打算安排她開始學習鋼琴。

為方便將來請老師上門授課和她日後練習，打算先平平地買一台琴回家。 ...

你說的都可能是事實，但如果係求婚戒指，人地話個budget只買到一卡鑽石，但買人造鑽石可以買夠十卡完美石，而家D人造石技術巳經做到連專家都一般分不到，要在實驗室先分到，咁你會買邊樣？便有答案。

miss321

simonchiang 發表於 20-10-6 12:46
小女4歲，打算安排她開始學習鋼琴。

為方便將來請老師上門授課和她日後練習，打算先平平地買一台琴回家。 ...

鋼琴。十個老師十個都叫你換鋼琴，手感，pedal 是完全不同哦。
數碼鋼琴都是電器一種，坦白告訴你，三角琴和數碼鋼琴我都有。數碼鋼琴有幾個音近期壞了，分別是無聲/細細力都變好大聲/，Pedal 又偶然失靈。保養期又過了，維修又麻煩....真係彈到好燥底.....
即使入門級直身琴衰衰地都從未試過有這種情況！
p.s. 數碼琴一手通利買入三年。

ccc康鈣c

買鋼琴。因為當初我想買數碼琴，老師暗示＋明示阻止了我

Osiana

simonchiang 發表於 20-10-6 12:46
小女4歲，打算安排她開始學習鋼琴。

為方便將來請老師上門授課和她日後練習，打算先平平地買一台琴回家。 ...

我女係用數碼鋼琴。  因為依家嘅digital piano 音色好靚，手感貼近傳統鋼琴。 我部琴係親戚俾嘅，用咗十幾年都仲好好，如果我換琴都會買返digital piano.
其實，學琴最緊要係琴抑或興趣？  將會會否想女兒成為鋼琴家？ 其實數碼鋼琴好fun, 真係好好玩，令小朋友發揮創意。

彈琴係幾悶，最重要係令佢哋鐘意音樂，就會自發練習，我從來都唔使叫阿女練琴。

我姪仔都一直用digital piano, 學咗咁多年，考試都無問題。

LeeCC

Osiana 發表於 20-11-6 06:42
我女係用數碼鋼琴。  因為依家嘅digital piano 音色好靚，手感貼近傳統鋼琴。 我部琴係親戚俾嘅，用咗十幾 ...

睇小朋友自己對琴音有無要求，我仔成日如果屋企可以有三角琴就好了，屋企部U1的聲唔夠靚，我每次都答佢，等你大個搵到錢，買間大屋先換三角琴啦

Jane1983

回覆 Osiana 的帖子

同意數碼琴係fun好多。我地以前有部平平地Roland的數碼鋼琴，同一首歌可以有唔同形式的演繹，可以激發小朋友的創意。雖然我地都有傳統鋼琴，但我女係鍾意數碼琴多d。
不過如果只買數碼琴，搵老師上門教授會比較「受氣」，10個老師有9個半都會話練錯手，呢樣果樣好煩的。

Osiana

Jane1983 發表於 20-11-7 10:06
回覆 Osiana 的帖子

同意數碼琴係fun好多。我地以前有部平平地Roland的數碼鋼琴，同一首歌可以有唔同形式 ...

咁係d 老師老土，唔係數碼鋼琴唔好。
一般學琴嘅，唔係唸住成為鋼琴家，學音樂要從興趣入手， 成日都話乜嘢係正統，老師都要跟上時代進步，唔可以固步自封。

數碼鋼琴可以擴闊小朋友對音樂嘅認識。

Jane1983

回覆 Osiana 的帖子

數碼琴係好多優點，我女彈數碼琴真係當玩，享受音樂的樂趣。
不過學鋼琴，老師要求用鋼琴，亦唔係過份。

LeeCC

數碼琴系好玩的，我個小朋友好貪心，想屋企有三角琴，又想有數碼琴，無奈間屋太細了

所以佢經過通利，都鑽入去，彈曬每部三角琴和玩曬每部數碼琴

Jane1983

回覆 LeeCC 的帖子

我女都係，去親通利都係咁，部部電子琴都仔細研究，彈吓玩吓。以前細個行奧海城，佢鍾意行通利多過隔離的玩具反斗城。在佢心目中，兩個地方都係玩。