用戶登入
用戶名稱:
密      碼:
搜索
教育王國 討論區 國際學校 讀國際學校要補習??
查看: 16158|回覆: 39
go

[其他] 讀國際學校要補習??

Rank: 5Rank: 5


2160
發表於 20-9-24 14:54 |顯示全部帖子
尋晚同個fd(佢D小朋友讀LS, 有好多補習同興趣班上)傾計, 我同佢講想阿仔將來讀國際學校, 係因為我鐘意IS教學方法同唔想阿仔辛苦讀書.
佢話我天真, 佢話而家讀國際學校既小朋友個個都好叻, 其實佢地大多數都有出外補習, fd既家長會話你知係邊度補, 唔fd想收埋個d就唔會話你知佢有補. 佢話佢d fds讀國際學校既仔女全部都有補習, 如果唔係再大d(由小學升中學)會跟唔到, 特別係maths & chinese, 所以係一定一定要補習!!!

成晚個conversation就係"一定要補習, 最好幼稚園開始, maths & chinese係重點"同埋"要上興趣班, 因為佢地放學冇野做".

我有d唔開心, 如果係咁就好似失去左讀國際學校既原意, 興趣班冇所謂, 但佢都講到要報好多因為你唔知小朋友鐘意d咩, 所以咩都要試.

請問各位國際學校mama你地係點架?


2694
發表於 20-9-24 16:18 |顯示全部帖子
提示: 作者被禁止或刪除 內容自動屏蔽

Rank: 10Rank: 10Rank: 10


26320
發表於 20-9-24 16:55 |顯示全部帖子
Falcon媽媽 發表於 20-9-24 14:54
尋晚同個fd(佢D小朋友讀LS, 有好多補習同興趣班上)傾計, 我同佢講想阿仔將來讀國際學校, 係因為我鐘意IS教 ...

我是虎媽,好緊張孩子的成長和學業;然而也要上班,無時間親自睇孩子的功課,所以當年讓孩子讀完K2後轉讀國際學校一年級,為的就是培養育小朋友自主學習、喜歡學習。而我作為家長,也不用被本地學習環境追趕得抖不過氣。

依家孩子已是高中生,我們奉行先觀察、再對症下藥的態度,所以一直沒有用「上補習班」的方法去改善學習上的不足。

國際學校的孩子,多不喜歡中文;上了補習班的,不見得會愛上中文,越發討厭反而更多。我的方向是,鼓勵閱讀,一起去買淺易有趣的圖書,同一本書讀兩年,三年級和四年級時都用來做閱讀報告,書雖然相同,但係他自己寫的撮要和感受就有分別。不要去追本地什麼年級的程度,要正視自己孩子的程度,順著他去練習中文的讀和寫,這樣已足夠。我曾經買了一本閱讀理解練習作業,是小三年級的,我們一做就三年。每逢假期有空就做少量,量力而為。

至於數學,從遊戲學習勝於機械式鍛練;萍果棋、波子棋、啤牌都是有用的工具。

國際學校的小學生,只要你不放任手機和電腦遊戲、減少他們的screen time, 他們會自然會投向書的世界。Fictions, non fictions, magazines都是他們吸收知識的途徑。

最後,補習不補習,視乎孩子個別需要,也視乎家長的判斷。

Rank: 5Rank: 5


2160
發表於 20-9-24 17:13 |顯示全部帖子
大家講完之後我又開心番D

Rank: 5Rank: 5


4152
發表於 20-9-24 17:41 |顯示全部帖子
幼稚園(甚至小學), 補數學没有什麼用。
幼稚園k1k2時可能要花幾幾日至學好加減數,如果教小學生一年級,幾分鐘就學識吧.....
有必要太早學 不合程度的嗎?如果合程度又不用補吧?

Rank: 5Rank: 5


2160
發表於 20-9-24 17:52 |顯示全部帖子
回覆 peter1 的帖子

佢話IS教得太淺, 有d 讀梗year X 仲係度數手指.

Rank: 5Rank: 5


4152
發表於 20-9-24 17:59 |顯示全部帖子
Falcon媽媽 發表於 20-9-24 17:52
回覆 peter1 的帖子

佢話IS教得太淺, 有d 讀梗year X 仲係度數手指.
我認為不怕。不用追"進度", 年紀大點,一教就明。最重要令小朋友喜歡學習和令佢了解學習有什麼用。


2694
發表於 20-9-24 18:14 |顯示全部帖子
提示: 作者被禁止或刪除 內容自動屏蔽

Rank: 10Rank: 10Rank: 10


26320
發表於 20-9-24 18:27 |顯示全部帖子
Falcon媽媽 發表於 20-9-24 17:52
回覆 peter1 的帖子

佢話IS教得太淺, 有d 讀梗year X 仲係度數手指.

好多人以為國際學校教數太淺,不過補習是否就可以令孩子喜歡數學、自信地掌握數學呢?

初小時我也買過一些數學練習俾孩子課餘時間做,見他掌握到,就沒有再花錢和時間了。

如果想練習四式運算,有個遊戲叫「24」是很好的訓練。在1-9中抽四個號碼,運用加減乘除使之得出24。
eg: 2, 5, 7, 3
~ 答案就是5x3, +7+2=24

這個遊戲我仔由4歲開始玩到依家,上街坐車無聊望住車牌號碼就取材來玩。今時今日玩得叻過daddy了。

Rank: 5Rank: 5


3539
發表於 20-9-24 19:52 |顯示全部帖子
身邊的確有很多朋友的小朋友讀IS,而她們又真係有講過需要補習。如方便 / 經過,你可以去看看特別係開在港島區的補習中心,是很多IS 學生出入的,又或可到時乘機問下佢地上甚麼課?

Rank: 6Rank: 6


8311
發表於 20-9-24 20:18 |顯示全部帖子
我仔初小,只係補中文(因為屋企唔識講普通話),其他無補習,連補充練習都無買。但就買咗好多書,睇得多自然會用到裏面嘅句法。
最開心就係冇測驗考試,唔使去功課輔導班,追名次呢樣嘢唔係好啱我。
不過我覺得如果純粹喺學科或興趣上想追求更高程度而去補習,其實又冇乜問題嘅,正如資優生都會上額外嘅課程,學習能夠精益求精,都係好呀。但因為程度唔夠而需要十全大補嘅,我就冇乜聽過。

Rank: 10Rank: 10Rank: 10


26320
發表於 20-9-24 20:28 |顯示全部帖子
mandy_ng207 發表於 20-9-24 20:18
我仔初小,只係補中文(因為屋企唔識講普通話),其他無補習,連補充練習都無買。但就買咗好多書,睇得多自 ...

態度和方向正確,是否補習取決於想改善什麼和哪種方法才是合適之選。


Rank: 5Rank: 5


4051
發表於 20-9-25 02:59 |顯示全部帖子
Radiomama 發表於 20-9-24 18:27
好多人以為國際學校教數太淺,不過補習是否就可以令孩子喜歡數學、自信地掌握數學呢?

初小時我也買過一 ...

咦?呢個幾好喎!等我得閒又同阿女玩下先
小小映像誌
老公, 你快樂所以我快樂~~ 好愛你哦~~ :oops:  
張家大少奶的美食日記

Rank: 3Rank: 3


297
發表於 20-9-25 04:40 |顯示全部帖子
Radiomama 發表於 20-9-24 18:27
好多人以為國際學校教數太淺,不過補習是否就可以令孩子喜歡數學、自信地掌握數學呢?

初小時我也買過一 ...

四歲識乘法,仲話唔駛D補。嚇死我了。

Rank: 8Rank: 8


19033
發表於 20-9-25 07:09 |顯示全部帖子
peter1 發表於 20-9-24 17:41
幼稚園(甚至小學), 補數學没有什麼用。
幼稚園k1k2時可能要花幾幾日至學好加減數,如果教小學生一年級,幾 ...

朋友今年K3考小一,已經要考除數啦,嚇死我。我孩子已是大學生,多年來見到趨勢係越低年級補習風氣越盛,我真的無法了解

Rank: 10Rank: 10Rank: 10


26320
發表於 20-9-25 07:29 |顯示全部帖子
文英妮妮 發表於 20-9-25 04:40
四歲識乘法,仲話唔駛D補。嚇死我了。

初初玩時佢只識簡單概念,乘和除,在日常生活是可反覆運用的,不用去補習。況且這只是一個遊戲,重點是無聊時玩。

我是虎媽,在他幼年時也試過不少早教方法,屋企的玩具跟幼稚園內玩的相似;6個月大開始跟他玩書,書是玩具之一。也試過仿效Your Baby Can Read本書講用字咭、點數咭。未返幼稚園已在家聽jolly phonics隻CD...以上種種都是媽媽自己攪,好處是直視他的能力和進度。壞處是媽媽容易過火,turbo開得太快太猛。

補習不補習,是家長的選擇;我只是分享一些不補習的心得,提出一些其他可能。

Rank: 11Rank: 11Rank: 11Rank: 11


48932
發表於 20-9-25 08:15 |顯示全部帖子
回覆 文英妮妮 的帖子

呢個其實係小孩由興趣引發自學的magic。唔係國際學校獨有,只係國際學校比到個環境和空間小朋友自己探索。
我女都係好細個自己玩乘數,無補習,須知數學係有佢美妙之處。佢幼稚園時好鍾意地鐵,要我帶佢去睇唔同地鐵站咩顏色,自己學識寫所有地鐵站的中文名字。呢d唔係課程入面的嘢,係由興趣引發去學習知識,一把火可以燒得好遠。

Rank: 5Rank: 5


4997
發表於 20-9-25 08:30 |顯示全部帖子
本帖最後由 kinder.bb 於 20-9-25 08:58 編輯

我覺得主要領小朋友自己有興趣學習最為緊要。本地學校補習情況係好普遍,但又係咪個個補完都有好成績。我眼見,成績優異但無補習既同學大有人在。國際學校是有佢既教學方法,比時間小朋友在成長中學習,如果家長覺得唔足夠,相信一樣有去補習,但最後是否真係帶比小朋友有自發興趣去學習?是否真係有家長想要既成績? 其實都係睇小朋友自己啦。

Rank: 4


880
發表於 20-9-25 16:12 |顯示全部帖子
我完金是過來人, 細仔上年在九龍塘某傳統私校讀小一,上課第二個星期已立刻要找補習, 補國語, 補英文, 補數學, 每天最少6-8樣功課, 見到他做功課和默書背字也心痛, 簡直想死, !所以今年和他轉了國際學校重讀小一, 17號開始上課, 放學回來完全不一樣, 主動跟我說在學校做完功課啦, 老師讓幾個同學一Group一起做Project, 有不明白互相研究, 再在課上問老師直接教他們, 基本回家已沒什麼功課, 但老師要他多睇圖書, 一中一英, 我仔現在還會主動說要開電腦睇老師的國語視頻學國語, 所以我現在已沒有補習, 多點時間給他學課外活動, 也見到他開心上課主動學習, 我感受很深.

當然每個孩子學習都不同, 我大仔十多年前是讀傳統小學升中學, 但當時沒現在那麼誇張, 可惜現在環境風氣已完全不一樣. 所以我只想細仔愉快學習!

小小愚見, 謝謝!

點評

txsuksuk    發表於 20-10-1 01:48

Rank: 4


821
發表於 20-9-25 19:04 |顯示全部帖子
Falcon媽媽 發表於 20-9-24 14:54
尋晚同個fd(佢D小朋友讀LS, 有好多補習同興趣班上)傾計, 我同佢講想阿仔將來讀國際學校, 係因為我鐘意IS教 ...

視乎你自己要求,孩子學習能力及經濟情況。例如你要否孩子中文有一定程度?想孩子入外國出名大學/本地大學?IB攞高分啲?或者有外國護照或屋企有錢,可隨時去外國讀書唔煩升學問題?
其實而家大部分IS學生都好勤力,一般人以為佢哋唔駛讀書的諗法已經不合時宜,只是學習方法有些不同罷了。