小四生-英文底很差, 怎樣補救???

Summer13

小四男生，英文只有一年級底子，英作不識寫，明年小五，都不知道點做好

minichong28

有心唔怕遲，快啲報英文班，由伴讀英文書，只係睇英文台，聽英文歌開始，加油呀

DengCK

長期開英文電視台口山

Mrs.Luckycat

Summer13 發表於 20-9-10 13:07
小四男生，英文只有一年級底子，英作不識寫，明年小五，都不知道點做好 ...

恕我直言，小朋友是否學習上有其他障礙？我相信班主任/英文科老師應該同你討論吧？有沒有參考他們的建議？

仔仔錫錫你

搵外判喇，我女當年中文數學都唔係好得，眼見小5呈分就外判比人。好好彩2科都搵到好私補，中文以往唔睇課外書，外判後半年睇晒金鏞全集，現在書不離手；數就由一個只得8x分的小朋友升到話95都叫低分的學生。升中分班試中數2科亦入了精英班。不過有得有失，我女因睇太多中文書，現在英文雖然唔差，但生字真係識唔夠多

totobb0723

揾個專業嘅老師幫下手，會有效率啲

Summer13

Mrs.Luckycat 發表於 20-9-11 12:48
恕我直言，小朋友是否學習上有其他障礙？我相信班主任/英文科老師應該同你討論吧？有沒有參考他們的建議？ ...

但 數學, 中文科考試攞80以上，只唯一是英文弱，問過班主任又沒有覺得他差 (因為默書
攞到70分左右、但這分數是死背得出來)。

仔仔錫錫你

咁學phonics, 有學過的一般係咁咦溫過書都唔會錯多過3個字

Mrs.Luckycat

Summer13 發表於 20-9-14 12:01
但 數學, 中文科考試攞80以上，只唯一是英文弱，問過班主任又沒有覺得他差 (因為默書
攞到70分左右、但這分 ...

測驗、考試時，Grammer有冇問題？失分多嗎？如果Grammer冇咩問題，只是作文低分，我估你小朋友對英文冇咩興趣，以致懶去唸、懶去記生字、懶去寫？不如你問吓佢，自己點睇自己的成績。小四生，應該懂得表達自己在哪方面遇到困難。如果你唔了解真正嘅問題，你花幾多錢外補都無用。

Arielhah

Summer13 發表於 20-9-10 13:07
小四男生，英文只有一年級底子，英作不識寫，明年小五，都不知道點做好 ...

多做多聽就ok

conniecheung

同樓主 好相似，我仔P.3 其他科OK，淨係英文科勁差（幼稚園程度）佢係冇心學，教完好快 唔記得，拉牛上樹咁....
因疫情 已經冇去專科班，我自己教，而家好似補習社咁，每日抽兩小時 教佢，一篇課文 教讀2、3次，再遂個字 解釋，佢記到幾多 得幾多.... 暫時實行左1星期多，終於見到佢有DD進步。
堅持其實好攰！

Ipmok

如果要快見效，我覺得要 1對1才可以做到，因為我囝也是，升小一後英文唔得，我都係找 1vs1給他，每星期 2 次，每次 25 分鐘，在3個月後突然有明顯的進步。可能你會覺 3個月也不是很快啊，但因為平日其餘時間沒有在家跟進的，所以我也很滿意了。

ivywanwt

如果英文文法嗰D都仲有得死記硬背或有D小技巧可以帮到填答案，但閱讀理解就真係難D喇。

cl919

最快既方法都係做練習，再自己或者外判教佢作文

RexPaMa

仔仔錫錫你 發表於 20-9-11 13:14
搵外判喇，我女當年中文數學都唔係好得，眼見小5呈分就外判比人。好好彩2科都搵到好私補，中文以往唔睇課外 ...

請問你係邊找到好的外判私補？

little_yolky

穎諾媽媽 發表於 20-9-25 09:54
回覆 仔仔錫錫你 的帖子

請問你有無之前老師介紹, 我女第一次呈分好差, 我都想搵補習 ...

就嚟第二次呈分啦喔！

little_yolky

Ipmok 發表於 20-9-17 13:31
如果要快見效，我覺得要 1對1才可以做到，因為我囝也是，升小一後英文唔得，我都係找 1vs1給他，每星期 2  ...

英文嚟講，三個月係快了！

tyrus_BB

穎諾媽媽 發表於 20-9-25 09:54
回覆 仔仔錫錫你 的帖子

請問你有無之前老師介紹, 我女第一次呈分好差, 我都想搵補習 ...

我都想找